仲未訣定揀"仁立"定係"仁記"好呀

琛爸

csy_ma:
多謝妳嘅資料!

csy_ma

原帖由 big-head 於 10-4-16 12:47 發表
csy_ma,

謝謝你的詳細解釋,令我對仁紀有更多信心. 但我想知道,仁紀係唔係越高班越谷D 學生?仲谷得好勁.因為有人這樣評論仁紀:

http://www.myfriendlyschool.com/component/content/article/24-kwai-tsing/155-2010 ...

個資料有少少名稱上的錯誤：仁紀係一年兩測兩考，雖然我唔係太知道，照出成績表同每科排名既測驗同正式考試有乜太大既分別。

至於是否愈高班愈谷，則見仁見智。我囡才小四，仲未打到黎。可看到的是：仁紀於小三、小五和小六這三年級，均有對象為全級學生的課後補課，每周兩節。

曾有家長反映補課拖長學時，令學生很辛苦。學校既改善方法係：每課縮短五分鐘，提早上學十五分鐘（上午七時五十五分），放學時間提早近一小時，因此，在補完課後，仁紀的放學為三點四十五分，與部分小學的正常下課時間差距不大。

由於小女在初小期間做功課做得很慢，小一適應尤為辛苦，因此在我的角度，不是愈黎愈谷，是漸入佳境。

但由於仁紀唔係中產名校，小朋友成績唔好，老師唔可以靠召見家長就搞得掂，所以好多老師都較傾向在功課量上保證到小朋友課後會溫習。所以，我囡一向係做完功課就算（以前係冇乜時間剩，而家有，佢會睇書或做手工之類，亦聽聞有同學仔一日要練兩三個鐘鋼琴），平日冇乜額外既習題或溫習，到測考時複習錯既功課，就應付過去了。

谷呢個字，睇吓點去理解。不過我幾認同，無論係精英或非精英班，高年級既老師都傾向多給學生不同形式的功課，認為這可以幫助他們溫習。不過高年級學生寫字較快，似乎冇低小時咁大壓力？

我囡除咗周四外，周五至周三都有課外活動，有時也頗吃力，尚算應付得來。但小五小六每周有兩節補課後，就可能要放棄部分活動，得看情況。

csy_ma

原帖由 csy_ma 於 10-4-16 15:02 發表

谷呢個字，睇吓點去理解。

或者再補充一點，例如老師的要求。我們向來要求小囡測考成績爭取八十分或以上。這個要求，到小四才達到（也不是次次可以，這次就仍有一科失手），她在全級屬中游位置。但不只一位任教老師都認為，她（或曰她父母吧？）對自己的成績要求不高，阻礙她更進一步的提升。交流過後，為父母的慚愧得立即去買補充練習教材……雖然買回後不過是放在家裡擱著。

成績這東西，可能是一分耕耘一分收穫吧？只能說，老師對不同成績的學生都有殷切的期望。

[ 本帖最後由 csy_ma 於 10-4-16 22:10 編輯 ]