07-08年宏福幼兒園媽咪繼續入o黎傾~(PART III)~歡迎新朋友加入

626mama

天藍,

軒軒早兩日好好多，昨天下午又開始嘔同唔食野，好煩，
點解睇極都唔好。

今早返工淋到成身濕晒，我條褲仲濕過把傘。我開住個
風扇勁吹自已同對鞋。

我check左email，兩封都收到喇，唔該晒。
今日影畢業相，後尾收到ElainAiolai既通知
可接學生走OR留係學校等放學先走都可，
點解今日要接小朋友仔呀???

影畢業相好似改期???乜唔係室內影嫁。

原文章由 天藍 於 08-6-26 11:02 AM 發表
all,



今早天文台成8:50a.m.掛紅雨,
加上今日影畢業相, 我, 工人同
仔仔都8:15a.m.出門口, 送
仔仔返學, 但我印印未走又再
接番仔仔走, 後尾收到ElainAiolai
既通知可接學生走OR留係學校等
放學先走都可, 但 ...

626mama

各位,

妳地小朋友介奶未呀?妳地有冇小朋友飲"明治"呢，想請教大1家，明治飲到三歲，我唔知換唔換奶粉好，定繼續食飯"明治"。

ElainAiolia

Dear all mami,
今日取消影畢業相，學校話因為今日好多小朋友無返，所以取消。

天藍,
幫我唔該你印印，因為係佢打電話比我印印話紅雨要接仔放學，我印印打電話比我，我再打電話返學校confirm，先至sent sms比你o地o乍。

626mama,
軒軒做乜鬼又嘔，你o地真係帶佢睇清D至得。

626mama

EalinAiolia,

唔怪得知婆婆問軒軒今日有冇影相，佢話冇啦，
婆婆話今日各位老師打扮都比平時靚。原來取消左。

都唔知佢仲咩，好地地又係咁，都好左兩日，婆婆都帶佢睇左中醫調埋下，同清下D痰，點知又黎料，不過婆婆話軒軒食左兩之中藥，又好以冇野咁。都唔知點攪。

原文章由 ElainAiolia 於 08-6-26 02:00 PM 發表
Dear all mami,
今日取消影畢業相，學校話因為今日好多小朋友無返，所以取消。

天藍,
幫我唔該你印印，因為係佢打電話比我印印話紅雨要接仔放學，我印印打電話比我，我再打電話返學校confirm，先至sent sms比你o地o乍。

626m ...

hongmimi

626mama，
記得上星期上功夫班，軒軒話病到無力打功夫，點知一出到門口見到遊樂場設施就「好有力」咁琴上去玩，諗地都好笑!!

不過點解佢又嘔過架? 會唔會係d菌未清? 軒軒要快d好番，開開心心開生日會，食多d野嘛~ 生日會幾時舉行呀?

匡匡同軒軒一樣食開日本奶粉(匡匡食森永)都係話食到3歲，我都係到諗洗唔洗轉奶粉。我就仲有3鑵森永，都頭痕諗梗入唔入貨，因妳都知一訂就只少一箱八鑵。

我係bk睇到有d阿媽話食日本大仔奶粉可以照食到4歲以上都得無問題，因日本奶粉比較淡，有d一轉香港奶粉太甜唔適應。

我認為如手頭仲有日本奶粉存貨當然食埋先，無問題既。但長遠都要諗轉飲邊款助長奶粉，因始終到唔同歲數要既營養都唔同。軒軒近排身體唔舒服，唔好幫佢轉奶住，免得唔適應。

我同事俾仔仔轉食「雅培保兒加營素」，話自從仔仔轉食後「生肉」左好多，不過就幾甜，唔知有無細細鑵買黎試下。同就算試都要逐少逐少轉，如早晚分別食日本奶粉同保兒加營素，食好一段時間先完全唔飲日本奶粉。我仲諗梗轉唔轉…

hongmimi

ElainAiolia，
收到妳pm資料，唔該晒! 原來『音統處』要六歲以上先join得，咁我記低d資料先。另外兩間學校既資料都唔該晒! 「音x」我之前都有留意(近黃大仙嘛)，不過我覺得呢間學校岩女仔多d(個人意見)，佢而家學費$3,900一個月包學一樣樂器，如果本身小朋友學開樂器(例如學梗鋼琴)都ok架~ 加上佢英語程度都唔錯。

係呀! 擒日匡爸未夠七點返左工喇! 出門口時拍醒我講仲係八號風球，驚我朦查查返錯工，唉! 唔洗返就咪鬼叫醒我啦! 妳呢? 妳office係咪八號唔洗返? 妳就好啦! 可以同子聰多半朝相聚時間!!

唔知係咪好耐無見子聰呢! 感覺佢又大個仔左!! 匡匡依然係小bb一名。

hongmimi

天藍，
擒日返工都唔算好迫，地鐵日日都係咁架喇!所以都習慣晒!

我公司情況可以話穩定左d，不過大老闆個面口仍然都似呢幾日個天咁樣，都係小心d好!

既然妳「心意已決」將d好野送晒俾我地，我地都唔客氣喇! 無論肥定瘦既昊藍仔都咁可愛呀!嘻!!

多謝妳通知「x華」既簡介會資料，妳地個個都係好媽媽，咁快周圍撲小學既料，為心愛既仔仔舖路。我對呢間學校都有興趣呀! 但妳選既時間我要帶匡匡去協康上堂喎，等我問清楚匡爸再通知妳我會唔會去聽簡介會，有妳做伴我都想一齊聽呀!

hongmimi

pcdogxx，
妳出trip去到山卡啦咁遠，真係掛C我……樓上個鈞渝妹妹同渝爸喇!

嘩! 真係要叫妳個工人小心d，下次遇著咩情況都唔好將鈞渝過手俾任何人。學天藍話，書包大大個名係度，實講得出個名。雖然可能係妳地認識既人，但亦可能係拐子婆，或者係痴線婆都唔定嘛! 總之要小心!!

不過我都試過將匡匡交到另一個唔識既女人手，果時匡匡大概3個月，我手抱住匡匡一個人出街，行到巴士站發覺自己甩左鞋帶，心諗唯有小心d行、上左巴士先算。係呢個時候有個女人拍我話我知我甩左鞋帶，仲話幫我抱著bb一陣，見佢咁好心，我過手俾匡匡佢抱，拿拿聲整番條鞋帶，好彩佢都係好人一名，但之後同婆婆講就俾佢鬧話我唔岩咩情況都唔應該交個仔俾唔識既人。

hongmimi

打左好長既回覆…等左一日…終於可以post出黎…
舒服晒!

pcdogxx

ElainAiolia,
我收到你pm喇...  最衰要6歲以上先得啦..  唔係真係好抵玩...

你講果2間小學我都唔識呀..  哈哈.. 不過都好遠喎.  有個仲係將軍澳, 實俾人鬧死...

各位,
其實唔係要自己俾錢食飯, 係我話我帶唔夠玩金唔敢食咁貴者.. 不過第二日去到間廠佢地即刻幫我換過間正好多喇..  平靚正, 又可以碌咭....  所以d現金都夠使喇....  

呢兩日食到超晒標, 同d廠去食飯, 4個人叫成十幾個餸... 真係誇張...   呢度好多海鮮食, 同埋又平...   

其實我諗我地應該係識果個人既, 但係鈞渝又講唔出佢係邊個, 果個人仲問工人佢係咪4:30放學, 第時買開餸黎探下佢.. 又問鈞渝而家仲有冇成日咬人... 真係諗爆頭都唔知係乜水..

我聽老公講今日9點先黎掛紅雨.. 天文台都離譜既, 明知小朋友一早要返學架啦..  返到學校又話紅雨....   一係早d講等佢地唔好送d小朋友返學吖嘛..  又危險又淋到濕晒好易病架嘛..    你話黑雨就話影響股市者..  紅雨都係影響幼稚園之嘛..  天文台真係學唔精.. 係都要俾鬧下先得既..

跟住Ms. Ng打左俾我老公話影相會改為下星期四喎..   都好... 呢兩日鈞渝都發燒...  俾佢係屋企休息下都好....



天藍,
我未排呀..  我想等鈞渝3歲到先報, 等佢隻手力好d先, 同埋而家都報左協康會, 所以我驚如果有會double, 又可以睇下鈞渝鍾唔鍾意先.. 我諗我揀星期六上午應該唔難卦....  到時先麻煩你幫我去留位, 真係唔該晒你提下我參唔參加..

點解你咁犀利知道邊間邊間小學幾時open day既?  你成日上網搵資料呀?  你咁勤力而家就搵定小學資料, 我仲係到烚下烚下咋...  唉....

626mama,
唔係果d殘...  係望落去好yap果d呀..  有浸味咁又多蚊....   不過好彩第二晚即刻換左間好好多既...

因為之前我同鈞渝成日跳, 而且我又將隻歌放埋落電話, 得閒播俾佢聽黎做... 所以佢好記得架....   

Hongmimi,
你忍左咁多日終於可以post 出黎喇..  仲霹靂連環咁出.. 驚死蝕抵咁..  哈哈....

另外, 有個媽咪同我講佢有朋友係我地果間既另外一間"弟"屬學校讀, 佢有晒我地要買果d DVD, 佢話佢朋友會燒俾佢, 我都問左佢遲d借俾我燒呀..   

ElainAiolia

626mama,
軒軒可能D菌未清所以先再嘔o者 ，不如帶佢睇清個底會好D。

天藍,
你同昊藍好D未呀？仲未o既話，要再睇醫生睇番好呀，如果唔係就手尾長la 。

hongmimi,
其實我都有諗過比子聰食「雅培保兒加營素」，但我又唔知個feedback好唔好，你可唔可以幫我問o下你同事，係o米好似平時冲奶咁樣食or要溝落D奶粉度o架 ？甜就唔係問題，最多溝淡D o者，但效果先係首要o麻，因中醫話子聰個歲數同身高係要重多5-6磅先o岩，而家就奀o左D，食極都係32磅，真係想佢重D 、強壯D呀 ！

「音X」果間小學，我o地誤會o左佢。我同事個仔考到入去，o黎緊9月份會讀小一，我問過佢interview係唔會考個小朋友，反而著重IN對父母，而我o地錯覺以為有好多音樂堂上，其實每星期好似得一至二堂 (唔計課餘興趣班)，反而英文堂有好多就真 。

我以前做o野D地區，每逢8號風球都係stand-by係屋企 ，但而家呢度，居然尋日下午返到去開工，D~大~大~大~老細話無呢支歌唱 ，要由我o地返到去開工開始計工作時間，唔夠時數早收工，要扣Time Off，我D同事聽到後，簡直想殺o左佢呀 ！我早知係咁，連下晝都唔返去，由佢扣全日Time Off好過 。

pcdogxx,
你好似就返o黎la (27/6)，實開心C鈞渝同渝爸o者 。

ElainAiolia

pcdogxx,
你咁夜仲未訓上o黎留言o既 。

聽你講換o左間酒店真係正好多，起碼多番D現金傍身 ，無咁徬徨o麻。

4個人食十幾樣餸，食唔晒o米好o徙o羅 。

鈞渝無乜事o麻，做乜無端端發燒o既，係o米太掛住你呀。小心身體呀！

ElainAiolia

Dear all mami,
學校有通告話可以購買今年畢業典禮o既入場券，日期係10/7，3:30-5:15 p.m.，地點荃灣大會堂演奏廳，2歲或以上均要購票，大小同價 ($25-)，因老師要協助籌備畢業典禮，當日不用上課，30/6 deadline。我已買定3張飛，因咁o岩我當日放假，現睇o下聰爸得唔得，唔得或者叫婆婆去o羅。

626mama

EalinAiolia, 各位,

昨天影畢業相取消，改為下星期四影，今次學校又咁快手決定到。...不過當天開生日會，軒軒會穿便服，咁咪要穿留學校囉。

軒軒好攪笑，星期二婆婆帶佢落樓下踏單車，
比了件有車車圖案衫比佢穿，軒軒唔肯穿，
佢解釋，我要留番件衫學校開生日會時穿回學校，我地都估唔到，軒軒原來心裡撰好衣服開生日會。件衫都舊，我地都冇打算比佢穿反學喎。

626mama

hongmimi,

原來軒軒上星期上功夫班，話病到無力打功夫
係真嫁，我仲係都要佢企出黎添，跟住我地帶佢去XX樂園，佢一見椅子就跑去坐，玩都唔願意，最後仲要抱，我都好耐冇抱住佢來行，見佢冇晒力，算啦，比佢炸下嬌啦。不過食到D藥勁發皮氣，一停藥就冇事。我估D藥真係好重。

我唔知點解佢又嘔過架?不過而窕好好多喇，
只係有D痰，昨日婆婆比了D"橙機"佢飲。

軒軒D奶粉都係仲有3鑵，有D人叫我繼續食，
日本人小朋友未介奶都係照食咁話。我如果轉
香港奶粉，都唔想簡咁甜果D。我想，香港
奶粉有出3歲後食，應該都有佢的理由。

好多人都喜歡「雅培保兒加營素」係咪真係咁好，又好小聽人講，唔知係咪好甜，妳可唔可以幫我問下妳個同事呀。

626mama

EalinAiolia,

軒軒而家好好多喇，只係仲有D痰，昨天婆婆比D
"橙樹"佢飲。

子聰32磅都未達標，軒軒得30磅炸。未咪仲差好遠。

妳公司咁得意，區區都可以唔同制，咁妳E個上司有咁好。

626mama

pcdogxx，

第二日間廠幫妳我換過間酒店都好D，碌咭得卡就碌，
留反D錢睇門口。
  
4個人叫成十幾個餸... 都好飽下喎，海鮮唔怕食得多。

hongmimi

626mama,
原來軒軒真係「無力」…係咪「絕食」左幾日「無力」呀? 真係唔好意思，誤會晒!

軒軒重視生日會既大日子，咁怏諗定著咩衫，幾時生日會啫?

626mama/ElainAiolia,
我睇左好多bk媽咪講，有d食左生肉、有d無乜反應，但普遍都話強壯左、小左病痛。

我同事囝囝5歲喇! 所以無溝其他奶飲，照我所知1歲以上可以飲用，溝落本身食開既奶粉度都ok。

佢囝囝食開A+(算叫甜)，轉食保兒加營素覺得係「超甜」，佢形容係「好似Cappuccino上面d cream咁」，不過佢囝囝好鍾意。我聽到都驚太甜，怕匡匡食開森永(日本奶粉中最淡)會唔慣唔鍾意。

另外我有個同事，囝囝3歲幾，食開日本奶粉都無轉到繼續食。

ElainAiolia,
子聰食開邊隻? 佢隻牌子有無3歲以上配方? 如妳真想試，我覺得先溝黎食好d。
匡匡咪仲奀 而家都係得果28磅咋! 仲要係呢幾個月1磅都無重過! 唉! 點解一d都唔似我咁「易肥」個個月都有增長!? 咁究竟我地d小朋友係普遍「較瘦」定係岩標準呢? 因子聰差唔多3歲半=32磅；軒軒3歲=30磅；匡匡2歲半到而家=28磅…每隔半年就2磅…又好似幾岩比例喎! 嘻嘻!!
吓!妳大大大老細咁都有架? 唔係講明stand-by既咩? 咁咪即係要罰留堂?

pcdogxx,
妳唔係今日返香港咩?

hongmimi

ElainAiolia，
我都識d小朋友讀梗「音X」，有個男仔黎既過埋暑假升小二咯! 佢本來住屯門，一考到就搬左出黎黃大仙。佢係學校學梗「管弦樂」不過我唔知佢學吹d咩。

妳對呢間學校有興趣?

pcdogxx，
嘻嘻! 而家就梗係遠啦! 但如果妳真係有興趣，考到咪搬囉! 我有個男同事住荃灣愉景新城，佢個女係「音X」讀唔知小四/五喇! 咁多年都係日日搭校車返學，鍾意既唯有辛苦d，無計啦!

626mama

hongmimi,

老細上了大陸，我一日上黎幾十次，終於見到有留言喇。

可能都係，佢那天二日冇食野，唔洗唔好意，
我初初都以為佢扮晒野。後來才發現佢真係冇力。

軒軒真係好重視自已生日會，7月3日開。
7月5日正日

保兒加營好似Cappuccino上面d cream，真係幾甜喎。森永真係好淡。