我老公話是但揾小學

heifamily

尋日同老公嘈，因為個女唔係一齊住，佢同嫲嫲住，幼稚園都無所謂啦，無乜功課，但睇BK forum 上小學就唔可以好似呢2年咁，而家啲小學競爭咁大，啲學校又多功課又多Test，我好想自己湊翻，但我份工好忙，時時OT，同佢商量幫吓手教女，佢話是但揾間差啲嘅喎，邊有咁嘅爸爸架！嘈到反面咁嚌。好苦惱啊！

借個位嚟呻吓，嗚嗚.......嗚嗚.......
:cry:    :cry:

Teresa

好同情你呀!!!

問題唔係出係"好d既學校"定"差d既學校", 間間學校都有競爭, 唔係話搵間"差d既學校"就可以解決問題, 小朋友既成長唔係只睇學校.

而家好多學校要求家校合作, 就算唔期望家長在孩子學業上幫忙, 都好希望父母關心孩子, 比support, 緊張佢地既學校生活.

小學6年事小, 升中至麻煩, 小六至中三係個critical period, 小朋友好易受朋友影響, 佢既peer group至係關鍵.

你不如搵個時間, 大家心情好既時候, 個女唔在場既時候, 慢慢同佢洗下腦, 我諗佢係受軟唔受硬.  你自己亦都唔好只係見呢度媽咪個個話搵"名校"而"追求名校", 搵學校至緊要校風好, 老師有教學熱誠.

無論點都好, 安排下睇可唔可以多d照顧女女, 8歲前同佢打好d親子, 將來會易教d.  我自己本身都好忙, 但放左工就一定即刻回家, 同仔仔傾下計/玩下都係一種溝通!

heifamily

其實由年頭起，我覺得自己係孤軍作戰。
係人都知，可以既話都盡量等小朋友試多啲興趣，睇吓佢地有乜potentials (畫，琴，英文)，但係我老公、奶奶都覺得多餘，唔肯帶佢去興趣班，我唯有將啲節目谷哂Sat & Sun做，自己管接管送，辛苦時問呀女可唔可以cut1個，佢話好玩又唔肯。又驚呀女唔夠運動，Sun noon 要游水，忙到不得了。老公又唔肯用賓賓，重要比奶奶寸話應留翻Sat & Sun幫呀女温書，我真係覺得好無助。
我奶奶住青衣，佢同姑仔話主恩同世德好，我都知，但呢2間真係好多功課(上星期已經參觀過)，奶奶講明唔識教，又要揾區內最top嘅，咁我可以點做？
就算e+我話想幫呀女轉全日班(for 適應小1)，佢地都反對，又話多餘又徙錢。我真係好hurt。

cherrylemon

轉唔轉全日班都唔緊要,因為多數小學都會有適應班,就算冇,都唔係個個小朋友的幼稚園有全日班轉,我女都冇啦!反而課外活動方面,如果小朋友可以handle功課,咁比佢去學下嘢都係有益身心的事喎!你奶奶"monk" 塞都算啦,點解你老公都係咁架? 我係你就唔理佢地喇,又唔洗佢接送,都咁多嘢講?最緊要阿女高興就得啦!!

kae

heifamily
其實你老公同佢d屋企人係咪重男輕女呢？

Cathyneo

heifamily
其實你係經濟問題定係家人反對請菲傭？長期擺在嫲嫲屋企都唔係辦法。照你咁講，佢地係淨揍，唔好旨意佢地會同你教。
如果可以，不如請菲傭照顧你囡囡，咁一切時間都可以由你安排。放工返到屋企，就算幾夜都可以同囡囡傾下，親子關係好重要，到大個你想同佢傾，佢都唔睬你。
我囝囝4歲，由工人揍，每天帶返學放學，
星期一帶佢去學溜冰(黃埔去又一城)，星期二帶佢學鋼琴，星期六學英文，o黎緊星期三加學畫畫，全部由工人攪掂，唔駛自己操心。
我同我老公都好忙，但每天返到屋企，只係需要同囝囝傾下，同佢練琴，daddy同佢玩下高達模型，大家都好開心。
你考慮下啦！
cathy

Cathyneo

heifamily
講多一句，我都係孤身作戰，唔好旨意我老公同我諗下個仔讀書的野。
個仔咩事佢都唔理，要自己一個話哂事，我已經習慣左，總之自己覺得啱就去做啦！
有時同佢屋企人見面，佢地又話呢樣，又話個樣，我已經學到哦左就算，唔會同佢地拗，繼續照自己想法做。
cathy

bb818

heifamily,

雖然唔係所有男人都係咁但係都好多吓，唔好放棄，只要你覺得係對個女好而最重要係你個女又開心，辛苦d唔緊要啦。世上只有媽媽好。

CMMANDY

所以這個世上, 就有分男女,

男的 - 70% 粗心大意
女的 - 70% 周詳 & 細心

      

小草

搵個時間試下同老公心平氣和傾下，上小學就算唔計功課，都會有好多親子活動，呢個時候多d親子，以後學壞既機會都少d。
電視都有做啦 - 阿仔叫爸爸同佢參加學校活動，爸爸話唔得閑，叫"女麻女麻"去咪得囉! 阿仔就好唔開心喇!

如果唔係經濟問題，我都好同意請番個工人!

carollam310

試下同老公坐低傾下啦,呢個問題我都有,但傾完又係咁,我老公因為要返工冇假放,所以我乜都一個人搞掂晒,由有左BB去覆診次次都自己去架,生得都係自己入院架,生左都冇即時通知佢呀,出院又係自己,坐月要自己落街買野食添,個女由細到大都係我一個搞掂,搵BB班,幼稚園都係,上年個女搵小學佢都叫我唔好煩咁多,話15分冇學校收架,搵間私校讀算啦,仲叫我唔好參加統一派位,好彩我冇聽佢講咋,自己填表,交表.睇結果,而家女女派到跨區笫一志願.雖然我好開心,但都係自己一個去註冊,買書.買校服.我老公平時連個女既手冊通告都冇睇架,3年既成績表係點佢都唔知架.唉~~~佢覺得我萬能架,乜都搞得掂咁.我有時都覺得個女好似完全冇佢份架.我覺得自己幾強架,男人通常都係咁,女人會細心好多,諗得遠好多,唔掛得之D人重視母親節多過父親節啦,母親係偉大好多架~~~

honeyabc

The greatest love of all is from mother.  As we are mother, this is assigned.  Don't counting on the love from father, co'z the kid will know who is the greatest one.  Keep Up! Pls be reminded not to complaint the hubby before the kid, this is not good to the kid's development.

麟媽媽

而家小朋友讀書真係家長都要一齊做功課的。我個仔K.3都不時有project做，小朋友根本自己唔識做！上次要搵potatoes種植資料、又試過要搵深海動物資料，得5歲人仔點識？咪全部我搵資料再同個仔一齊做！呢排又話要做畢業紀念冊，又要貼未來小學資料相片，又要寫小朋友對新學校印象+將來期望…..幾十樣野，我同老公要特登駛車去新學校一轉，之後影相，再比個仔睇下操場/校舍，介紹下咁…..番到屋企襯佢仲有印象問下佢之後教佢寫，其實係我先寫，佢再抄因佢有好多生字唔識的！

以前我老公都懶懶閒的，所有野指意晒我！但如果你成日都講下又提下，佢慢慢會開始投入同個仔一齊做，因都係親子活動嘛！而家亞仔個個星期學校都派中/英文圖書回家，之後要做閱後報告，整整下係我老公同佢做的，take time可能都可以改變你老公的。

Xanthe

我覺得男人唔會多理小朋友派到邊間學校，我老公就成日講其實讀書唔一定要讀名校，中等就ok，如果小朋友係名校讀唔到書反而會影響到小朋友！不過我覺得小朋友係3-6歲可以比佢上多d興趣班，一黎可以build up佢的興趣，2黎可以build up佢的自信心同溝通能力！所以媽咪點辛苦都會比小朋友去學！我個囡今年小一派得唔好，我隻佬都話冇嘜所謂。跟住佢見我左pop右pop，佢有時都會帮下手！我覺得最重要就係溝通、溝通，不停講個囡今日學到d嘜，叫個囡表演下，佢哋就會改觀！努力！

heifamily

好多謝各位BK mom嘅安慰、鼓勵同經驗，呢幾日都喊，真係有諗過乜都唔理就算，但唔通為咗啲大人問題而影响小朋友嘅發展咩？做呀媽真係要勞心勞力。

I will try my best to do the right thing for my beloved no matter how rough along the road.

Actually, I and my hubby don't want a maid at home because of privacy. When my girl delivered, I had talked with him but he thought she can be feeded by his mom certainly and her mom had a promise(凑孫) too.

But now the problems come and I think I must dicuss with him tonight.

希望今晚傾得成。

maria_lai

to all dearest mothers,

i'm really proud of you.  all of you are strong and hard working. don't give up when facing any problems.  all bk mothers will support you.

i'm just looking for kindergardens for my son now, and find my husband is the same type.  fortunately, my son is being taken care by my mother.  my whole family support me much.  i also do all the playgroup/school work by myself. i really want to re-educate my husband so that he can understand why we have to do so much.

cheer up! let's work hard together.

rr

我又領會到大部份爸爸都一樣, 我老公工作忙, 由入kinder開始至小一面試,  除interview外要事先千叮萬促好似make appointment一樣, 其他所有親子活動或見家長, 我都好似單親母親, 自己出席. 他永遠只是一個俾錢機器.
好無奈, 他不記得我亦要工作, 不過工人幫我接送, 減輕了不少.  你嘗試說服他的思想. 我同意你說多方面發展, 出入興趣班實要不少時間招呼. 沒有工人代勞出入, 我們不是萬能媽媽, 24小時是每一個人只可擁有, 不會有多.

rr  

Sindy

我都幾開心我老公唔係點理d細路搵學校既野,多個人多意見就麻煩架啦