禮賢會彭學高中學的家長請入黎交換意見

0809GO

原帖由 Carmen2004121 於 08-11-13 13:08 發表
扣分原因是欠功課和課室秩序欠佳 ( E 班秩序係更上下 ) . 所以現在已開始跟貼 D 功課 . 不過老師已通知如再犯 . 便要留堂 . 所以阿女已知哀 ! 她那班都很難取到高分 . 大部份都是精英中精英 . 多數坐吾定 . 所以常被 ...

HI!

講開小學老師, 個大仔讀私小, 細仔又係讀私小, 細仔D老師真係唔係好關照D成績差D學生. 只會話妳知個仔D成績唔掂, 搵人補習. 得唔得就自便啦. 有時小朋友係要老師比佢地信心同關心. 唔係只得批評. 可能係大部份小六生會升上直屬中學, 一定要保質, 所以唔花時間係成績唔好D學生身上吧!

大仔個間小學D老師好好架, 有咩做得唔夠好, 會提點佢, 唔係批評. 大仔原先讀官小, D老師好似唔係噤理D學生, 所以係小3係好偶然的機會下同佢轉私小, 考入學試係校長及主任監考, 呀仔話好難, 好多唔識做, 我想一定唔收, 最後都收左, 我問佢做卷做得唔好, 點會收你, 佢話考完入學試時,校長已知佢好多唔識做, 但校長跟佢說, 唔識唔緊要, 我地教你.對呀仔 真係好大鼓勵.初時連默書都唔合格, 英文考試平均分得60多分, 死定了,但老師話由官小轉過來讀有這成績已經係好好啦, 嘩!又得到鼓勵, 於是個仔就越讀越有信心. 呢D就係小朋友得到鼓勵同批評的分別了.

唔知妳囡小學老師對成績唔好D學生的態度如何呢

0809GO

HI!

嘩! 敢睇來個間小學注重學業成績大過一切, 真是不幸. 係學校參予噤多活動, 寫一封信給妳囡相信也不難. 算了吧! 我覺得D小學老師會以學生D成績同佢地的表現掛鉤, 自然對成績唔好D同學有偏見, 又點會出手相助.

我大仔個間小學, 係官小時, 每次家長日見面時,個D老師全無笑容, 問多句都唔太想答.
但係私小, 老師好好笑容, 仲好主動告訴妳呀仔D上課情況, 呀仔好靜, 唔參與活動, 學校便叩佢參加合唱團, 等佢升中時可以在推薦書內可提及.

細仔個間, 由小一至小三,小五至小六,見親D老師都係目無表情, 唯獨是小四個年, 個老師真係好好, 個仔讀小四時真係好唔掂, 但呢個老師好照顧佢好關心佢, 連我都幾關心架, 因個時比個仔激到D情緒好波動, 佢都有開解我.
但係佢教左一年便離開了. 宜家個仔間中也有跟她關絡.

讀書真係同做事差不多, 看自己際遇好唔好.

0809GO

HELLO! CARMEN


妳好耐無上來傾計, 是否很忙?

學校D功課多左, 個仔比以前忙左D.

有空上來聊聊天吧!

0809GO

原帖由 Carmen2004121 於 08-11-25 22:34 發表


您阿仔測左百份數未 . 阿女這次剛剛合格 . 不知是深還是未溫熟 . 都是要看緊 d . 今天派了通知 . 通知考試範圍要上網找 . 如您見到已放上校網 . 請通知 . 等我盡快編出來做定工課 . ...

HI!

唔好意思, 我唔係忙呀.
屋企電腦只MOUSE又用唔到, 個仔用機又用得夜, 想瓊都覆唔到.
返到公司覆, 個身份又變左"遊客", 又覆唔到, 找死呀!
剛剛搞掂, 可再入來傾計.

呀仔話百分數是叫同學在黑板做,唔知真唔真, 真係好多怘惑野. 好多測驗卷都沒拿回來, 看且要到考試後派成績表先知佢D真功夫.

考試範圍無噤快出, 先同佢溫下舊個D先啦, 一定會由頭開始考架啦, 好似都唔係教左好多野姐.

另外數學, 呀仔識得運用數式, 但成日計錯數, 唉, 真係幫唔到佢, 只可以提佢事事小心, 看清楚及想清楚.

一起同D仔女努力啦)

0809GO

原帖由 Carmen2004121 於 08-11-27 23:14 發表
hi

同阿女講好.. 一出範圍就要執卷比她重做 , 當溫固知新 . 盡力啦 , 不過比起小學 . 我現在真是輕鬆好多 . 所以細女我也不太緊張 . 順其自然啦 . 我有想過如大女這校讀得好 . 細女幾年后也會首選這校 , 除非細女 d ...

HI!

對呀, 唔返做卷也要溫課本及習作.  
相比小學真是輕鬆好多, 但小朋友的自發性也相對辰提高,
呀仔在這方面在進步中, 希望可繼續, 現在講電話也會談功課, 跟同學互相研究, 唔會只講"玩".

我覺得 如細女可應付英中, 盡量幫她入英中啦.
讀書的氣氛及動力真係相差好遠. 有能力就要接受挑戰,依家有D女仔讀書可以好勁架.

今天上半日課, 呀仔仲要留在學校幫一震手.
返屋企就要佢開功溫習了.

我昨天跟呀仔對功課, D數好似幾深, 我查來查去都計唔到.
要記好多算式. 我又開始擔心啦! HELP!

0809GO

原帖由 Carmen2004121 於 08-12-5 00:03 發表
hi .

我都吾知 d 書深定吾深 , 但如是同 b 的學校應不會差太遠 , 高 b 的學校就吾更講 , 阿女每次小測 / 默書的範圍都不會太多 . 其實我真是無跟 . 所以不能作定律是深是淺 . 返而可能是小學時 d 英文較深 . 所以 ...

HI!

其實又係跟返學校課程做依據會好D, 但是都係擔心考大學試時真的比下去呢. 距離那天實在還是很長遠, 好似太過
杞人憂天.
因大仔是讀英中, 學習,功課,測驗及考試的內容和份量真的不能相提並論, 我真係要調整一下心理, 因兩兄弟的成績真是相差甚遠.  我還在迫自己接受細仔D成績, 不時還要稱讚佢. 但好多時又會把佢D學習態度和成績比較, 哎!真是好矛盾.

我都試過好多次大細同一月份測或考, 真係勞氣死, 大個隻識分配時間及集中精神, 讀2-3小時就收工, 細個只,讀足一日都未讀完, 又話我只懂督住佢讀書. 只懂埋怨, 不懂檢討. 到現在這情況都未完全改過來.

我個大仔1月是考MOCK EXAM, 依家已經開工.
我也要細仔開始溫書啦, 需然未有範圍, 當溫故知新囉, 中, 英,數 全部溫晒也無仿, 希望呀仔合作啦.

祝小朋友們考試成功

0809GO

原帖由 Carmen2004121 於 09-2-4 14:55 發表
Hi .

請問知否陸運會 5 Feb & 6 Feb 是那個時間 . 好似冇通告派回來 .

HELLO!

無記錯是早上 8:30要到達斧山道運動埸, 3:30左右可離開. 可以在 PRINCIPAL CORNER找到, 23/1 的通告.
呀仔又係只看不參予

0809GO

原帖由 Carmen2004121 於 09-2-17 13:42 發表
Hi ,

家長日已問阿 Sir . 系統這幾天是有些問題 .
您阿仔成績滿意嗎 ?  阿女第一次都算考得不錯 .
全級 7X / 19X ( 在中上 )  . 阿 Sir 話如下學期再努力些 . 轉到其他班機會很高  .  
所以買了些禮物給她 . 當 ...

CARMEN,

妳好!

先恭喜妳女女考到好成績.
我只衰仔, 考 90!!! 如果唔係英文成績好, 我都唔知佢考到後,都好呀, 知道衰呀, 今後要聽我指使啦, 哈哈.
班主任知道佢懶, 要佢追返上去, 但要考入B班, 學期要考第一才可以, 老師已說得很清楚, 追唔追真係要睇個仔, 佢知道唔讀書考天才唔得架. 希望佢肯同我合作啦!

原來放學係可以唔拍卡架, 妳問一下妳女1是否這樣, 我好小可以見到放學時間.

有否看何文田學生打架, 好恐怖, 慶幸沒派往那個區的學校

0809GO

原帖由 Carmen2004121 於 09-2-19 13:34 發表
有關 : 原來放學係可以唔拍卡架, 妳問一下妳女1是否這樣, 我好小可以見到放學時間.

我已問學校 . 阿 Sir 話上學時 . +Q 就一定會看實每個同學是否已打咭 . 但放學就不一定 . 所以才會出現此現象 . 因他解釋 . 上學 ...

HI!

希望這方面有改善啦! 我都提左個仔放學辰拍卡, 但都係唔拍多過拍, 無符. 5:00 前打比我就算了.

哎, 要個仔下一學期追到可以升B班, 一定好難囉, 盡力而為啦.

老板昨天才發花紅, 還叫我地比心機接單, 即是今年唔會炒人啦 , 我由過年擔心到昨天!!

何文田區, 我打從大仔選校送過表去華英中學時, 已覺得環境唔好,  都係九龍塘好.

0809GO

原帖由 Carmen2004121 於 09-2-19 23:11 發表
5 : 00 前比電話我 . 都好難有 . 她那班機乎每天都話拿 S . 留堂都留到 5 :00 . 之后在學校又話打下波才走 . 所以最快也要 5:30 后才話走 . 搭埋車 , 差不多 6 : 00 多才回到家 . 如是藍球練習 . 要到 7 : 00 才離校 ...

HI!

我個仔有時都留校打下波, 但都不會超過6:00回到家.
呀仔好多時都可以答問題解決留堂問題, 所以留堂通常唔會超過15分鐘.

28/2 我會同呀仔一起回校, 可以認識下個仔D同學, 其實我已識左呀仔一個要好的同學, 希望個日可以見到他的父母, 可互相溝通一下麻.

0809GO

原帖由 Carmen2004121 於 09-2-21 11:51 發表
吾知是否阿女喜歡留校 . 所以有時我覺得她不是留堂 . 也不會即刻走 . 阿女性格較好動 . 所以常會與同學打波 .

您個仔算交帶 . 起碼知時間回家 , 阿女多是過了時 , 我 call 她才很走 . 次次都話取了 S , 要留堂 /  ...

H!

我昨天下午接仔看醫生, 沿途(九龍塘)一路看彭的學生, 有3-4個好NICE 的男生, 好斯文, 一路行一路傾計, 無動手動腳,GOOD. 再看, 有一個在一路行一路自言自語, 好像有點
迷惘. 再看便是剛練習完 (運動 ...)的, 都OKAY. 走進 浸會宿舍路旁, 看見一班低FORM 學生, 恤衫都全抽出來, 但也沒做甚麼事, 只是不太好看吧了. 總的都是可以接受的.

至於拍卡, 我看還是算了吧, 我仔說校門個SECURITY
5:00 便下班了, 所以之後放學的, 不用拍卡了.
如果呀女是留在學校, 便由得她吧, 不要 MISS 左補習時間便是了. 起碼妳女兒覺得充實, 便不是問題了.

我呀仔都有跟我說, 一大清早, 老師全未回校時,D學生
真係可以好衰, 撩交打, 有老師回來, 當然又回復原形啦.
我仔都話有時都差不多忍唔住D人噤衰, 想鬧返佢地, 但都是無鬧, 驚殃及池魚, 所以做左忍者. 我跟他說, 都是小理為佳, 太過份便找老師處理, 不要吃眼前虧.

看來我所知的, 都不外如是的普通的校園生活及小風波, 我讀中學時也是常見的, 記得我讀高中時,最大件事都係 隔離班有個是黑社會成員, 同年又說聖誕節有個師姐失身.

其實家庭背景真係好影響D 小朋友架. 父母比多D關心佢地, EVEN佢當你地唱歌, 點都會有D好的改變架.

0809GO

原帖由 Carmen2004121 於 09-2-23 13:36 發表
Hi , 08090
我有問阿女關於您所講的各事項 :
1) 衣衫不整 ~~ 她講可能您見到的是男球隊防員 . 因每次練完波 . 所以的衫多也會放了出來 .
2) 可能是男生 . 阿女每天很早已回校打波 . 她話也沒有發覺有 d 學生是撩交 ...

HI!

其實呀仔識到要好的同學, 我都替他高興, 可以融入快樂的學習環境, 他的同學都好有大志, 要上大學, 希望呀仔也會跟他同學的想法一樣啦!

我預祝妳囡囡比賽成功

0809GO

原帖由 Carmen2004121 於 09-2-23 13:36 發表
Hi , 08090
我有問阿女關於您所講的各事項 :
1) 衣衫不整 ~~ 她講可能您見到的是男球隊防員 . 因每次練完波 . 所以的衫多也會放了出來 .
2) 可能是男生 . 阿女每天很早已回校打波 . 她話也沒有發覺有 d 學生是撩交 ...

CARMEN,

請看 PM

0809GO

原帖由 Carmen2004121 於 09-2-24 13:42 發表


Sorry . 請問什麼是看 PM ?

CHECK E-MAIL, I THINK IT MEANS PERSONAL MESSAGE!!!!

0809GO

原帖由 Carmen2004121 於 09-3-16 23:15 發表
Hi 0809GO

您知吾知月尾的測驗範圍 . 上網 check 只有 time table . 範圍就吾見 .

另有關打咭一事 . 前兩天已出電郵聯絡了校長 . 他覆上兩週前開會已講過這問題 . 也留意到有部份學生是核意不打咭 . 而不是咭機 ...

HELLO! CARMEN.

SORRY FOR NOT REPLY YOU ON TIME.

呀仔話未知. 唯有新教的範圍都溫習.
另拍卡, 呀仔放學依然沒拍卡, 他除了幫老師做嘢外,都沒有留校活動, 一般5:00左右都回到家了. 都沒有再追問這事了.
希望校長在這方面有新措施, 要不然, 這拍卡機系統不能完全發揮作用.

努力, 加油!!