07-08年宏福幼兒園媽咪繼續入o黎傾~(PART 4)~歡迎新朋友加入

pcdogxx

天藍,

你地唔去真係損失..   幾好玩呀..   Hongmimi 同佢老公係咁捉到好多蟹仔...   放係個兜到俾d細路睇.. 好攪笑..

跟住我同626mama 就係咁搵d靚既貝殼...   佢仲執埋蜆添...  仲以為佢會執埋帶返去炒蜆添..  哈哈哈..

匡匡同鈞渝就係度玩沙... 玩到褲衫都有....
仲見到有個人捉到成隻八爪魚, 我地當時真係眼前一亮...  係咁追住果個人黎睇....   軒爸影左相.. 等佢post 出黎俾你地睇吖...

我地玩左一個鐘多d, 搭6點05班車出返沙田囉..
其實都唔係好夠喉....  嘻嘻..

雖然係熱左d, 但係又唔係太辛苦..  燒野食都唔差既.  可以俾我地成班師奶吹下水囉..  係驚匡爸同軒爸會悶者...

原帖由 天藍 於 08-8-31 22:33 發表
all mama,

今日去白石俱樂部雖然有d野無開無得玩,
但同大家BBQ傾計, 我覺得好開心, 同見
到小朋友們走來走去, 係到玩得好開心,
我都感覺到好開心~
仲有多謝晒各位既禮物, 昊藍好鍾意!!!

626mama / pcdogxx / hong ...

[ 本帖最後由 pcdogxx 於 08-8-31 23:36 編輯 ]

626mama

各位,

多謝各位禮物呀。軒軒好鐘意。

係呀，去沙灘好好玩，hongmimi同匡爸一對小情侶一齊去捉蟹，見到佢地都好甜。

呵呵...我地搵d靚既貝殼，我仲執埋蜆，d蜆都有一寸至寸半咁大，係水面沙面就執到，我仲有執石頭1，真係唔夠皮。

太小喇，執埋d蜆都係反去睇，有得睇冇得食。

八爪魚好大隻嫁，唔計八隻腳，都有個4.5-5寸長，係咪好大隻呢。

我昨天走已經打算快D下次再去"摸蜆"，走時睇到白石路口就係馬鐵站"烏溪沙"站，都好方便，果個位沙灘面積更大。真係想7號就去。

我見人地去個海邊都退得得幾多。好好玩咁
http://hk.myblog.yahoo.com/chingching-baby/article?mid=2934&prev=2941&next=2878

原帖由 pcdogxx 於 08-8-31 11:31 PM 發表
天藍,

你地唔去真係損失..   幾好玩呀..   Hongmimi 同佢老公係咁捉到好多蟹仔...   放係個兜到俾d細路睇.. 好攪笑..

跟住我同626mama 就係咁搵d靚既貝殼...   佢仲執埋蜆添...  仲以為佢會執埋帶返去炒蜆添..  哈 ...

[ 本帖最後由 626mama 於 08-9-1 10:29 編輯 ]

天藍

all mama,

又有小學簡介會, 你地睇下有無興趣?
今次我會去聽, 唔知你地會唔會去,
因我都係一個人過去, 如係你地睇下
會唔會約埋一齊去。
同今次間小學係唔使留位, 只按時間
去到就可以架啦~
你地Check下email睇下收唔收到???
626mama / pcdogxx,

聽到你地去沙灘玩得咁開心, 真係想去多次,
但我諗我會等天氣涼d先會去, 是關天氣太熱
真係好辛苦~

626mama / ElainAiolai,

軒軒同子聰今日第一日開學同坐校車,
祝開學愉快!!!

原帖由 天藍 於 08-8-31 22:33 發表
all mama,

今日去白石俱樂部雖然有d野無開無得玩,
但同大家BBQ傾計, 我覺得好開心, 同見
到小朋友們走來走去, 係到玩得好開心,
我都感覺到好開心~
仲有多謝晒各位既禮物, 昊藍好鍾意!!!

626mama / pcdogxx / hong ...

天藍

rplyan,

我無你email add. 如你有興趣要簡介會
資料, 你可否pm 你既email add.比我。

原帖由 rplyan 於 08-8-29 00:55 發表
如旻旻好番我會叫賓賓去, 因c6要返工.

快o的好番, 快o的好番, 快o的好番..............

626mama

天藍 ,

之前我地係度傳白石的電郵，都有rplyan電郵係度嫁。

原帖由 天藍 於 08-9-1 11:32 AM 發表
rplyan,

我無你email add. 如你有興趣要簡介會
資料, 你可否pm 你既email add.比我。

626mama

天藍,

培僑簡介會我去唔到，
今日反工剛剛收到通告，
果日公司又攪遊船河，
日本果邊有D同事又帶埋老婆黎。
...上年有個同事個女廿幾歲，
跟我地去遊般河，佢話第一次見到海，
不知幾開心，自費出錢坐飛機到港，
都話平過係日本去海邊玩。

我地就悶死，成日坐係船度。
0幾哩估LU，都唔知佢地講乜。
好滲呀，又冇左日假期喇。仲要做呀四。

原帖由 天藍 於 08-9-1 11:29 AM 發表
all mama,

又有小學簡介會, 你地睇下有無興趣?
今次我會去聽, 唔知你地會唔會去,
因我都係一個人過去, 如係你地睇下
會唔會約埋一齊去。
同今次間小學係唔使留位, 只按時間
去到就可以架啦~
你地Check下email睇下 ...

ElainAiolia

Dear all mami,
尋日好開心，雖然無乜o野玩，但D小朋友可以走o黎走去，兼且有專人侍候 (就係軒爸、匡爸及各位工人)，令到我o地D Mami可以勁吹水，亦多謝各位o既禮物，Thx！

rplyan,
希望尋日o既失策活動無嚇親你la:;pppp:，希望下次你會再參予我o地D節目。

626mama / hongmimi,
麻煩代我向你o地另一半講聲多謝。

天藍,
唔該晒，已收到Agent及皮膚科醫生資料。

個簡介會我考慮緊去唔去聽，因我未知果日使唔使返工，如去，我再聯絡你呀。

ElainAiolia

pcdogxx,
原來你o地去沙灘咁好玩，擔心你o地點搭車o忝 (係o米要行番去厠所門口上車？)，我o地架車經過沙灘都見到好多人係果度玩緊，但因我要返屋企冲完涼後同99佢o地食飯 (因佢o地一早上o左我屋企竹戰呢)。之後仲夠時間幫子聰買埋番學鞋o忝。

626mama,
我諗你尋日真係好開心，不枉軒軒扭計要去沙灘，概然咁近烏溪沙站，你o地去o米好方便o羅。

好慘呀，無o左一日假期不特止，仲要做阿四，樂天D諗，軒軒又可以去遊船河。

今日我特登去學校外面偷睇子聰落校車返學，見到軒軒，佢落o左校車後 (約9:00 a.m.)，好似唔係好想行入學校，於是我同佢講話子聰係入面等緊佢，佢先有番D表情同行得快D o乍，其實果時子聰校車都未到，成9:05 a.m. 架校車先到，都唔知個司機兜o左去邊，因子聰今朝8:35 a.m. 已上o左校車。放學時，我見D學生仲未出o黎o米同個司機吹o下水，佢都話我個站係尾站，我o米問佢點解車程咁耐，佢無答我呀，奇奇怪怪咁。我今朝見有三架校車都幾新淨，子聰果架重好大架o忝，全部都有安全帶及保母跟車。

ElainAiolia

626mama / pcdogxx,
協康 10-12月你o地報o左邊一班，我今日去o左報「快樂小人類A及B」、「主角接班人」、「感官樂園B」及「美味廚房C – 聖誕食品」，本來想報多幾樣，但D時間同畫班及英文班撞，只好揀剩呢D。

ElainAiolia

Dear all,

Please check e-mail.

rplyan

多謝閣位禮物, 真不好意思, 我旻旻只收冇送添, 下次補返比大家, 希望唔遲啦.

昨日我和旻旻的確開心, 旻旻重興奮到難以入睡, 而我能有機會和大家面對面傾下媽咪經及新抱經, 實在正呀.

下次再舉辦其他活動玩啦.

626mama

ElainAiolia,

我報4個
塗鴉寶寶----- (A)(B)
快樂小人類--- (A)
英語遊樂團---- 6-27/12 (六)

pcdogxx我知佢報咩，不過等佢同妳講啦。

收到電郵喇。多謝晒。

原帖由 ElainAiolia 於 08-9-1 11:50 PM 發表
626mama / pcdogxx,
協康 10-12月你o地報o左邊一班，我今日去o左報「快樂小人類A及B」、「主角接班人」、「感官樂園B」及「美味廚房C – 聖誕食品」，本來想報多幾樣，但D時間同畫班及英文班撞，只好揀剩呢D。 ...

626mama

ElainAiolia,

唔洗客氣啦，軒爸反正都冇咩細藝。


天藍,

妳協康係咪都報左"齊齊賀中秋"，
當日就係妳講果間學校講座，
又係我公司遊船河果日。
............唉，"齊齊賀中秋"睇怕冇得去喇。

原帖由 ElainAiolia 於 08-9-1 06:40 PM 發表
Dear all mami,
尋日好開心，雖然無乜o野玩，但D小朋友可以走o黎走去，兼且有專人侍候 (就係軒爸、匡爸及各位工人)，令到我o地D Mami可以勁吹水，亦多謝各位o既禮物，Thx！

rplyan,
希望尋日o既失策活動無嚇親 ...

626mama

ElainAiolia,

我地去完沙灘玩，係番去厠所門口上車，原來沙灘出口可以上車嫁。我都記得妳要去買鞋比了子聰，原來妳屋企做左竹戰之地。明白明白。

因為之前軒爸帶過軒軒去睇沙灘來，個心一路等緊去玩，
點知我地話唔去，佢咪扭計要去沙灘囉，佢一向都喜歡去沙灘玩沙。
烏溪沙站近，你o地去真係幾方便，不過要就就水退時間至得。

無o左一日假期不特止，當日仲報左名大家一齊玩，真係好失望，我想去"齊齊賀中秋"多D。跟公司去，由10點至晚上6:00，係船上真係好悶，我地又唔知佢地講咩呢，又答唔到咀。..........唉，真係身不由己。軒爸仲悶，軒軒就開心，佢成日望住船長，上次小朋友有四個，大家唔係好一齊玩，今次有6個，唔知會唔會好D呢，經上次新年去大陸玩左兩日，幾位小朋友都開始一齊玩。

我都有想過，去學校門口偷偷睇軒軒反學，星期五放左假，唔好意思又放。多謝妳話比我知，我真係好想知。妳仲幫我安慰軒軒入學校。真係非常之唔該晒。我話番比婆婆知，佢都安心晒，因為我地唔知佢落車同反學仲有冇喊，咁睇就以冇。

放學時，妳問司機解車程咁耐，佢無答妳，又真係，妳地果度坐車來，又唔洗成個鐘???用左咁多時間，佢硬係唔感答妳啦。全部都有安全帶就好，對小朋友來講，真係好緊要。

原帖由 ElainAiolia 於 08-9-1 06:42 PM 發表
pcdogxx,
原來你o地去沙灘咁好玩，擔心你o地點搭車o忝 (係o米要行番去厠所門口上車？)，我o地架車經過沙灘都見到好多人係果度玩緊，但因我要返屋企冲完涼後同99佢o地食飯 (因佢o地一早上o左我屋企竹戰呢)。之後仲 ...

hongmimi

各位，
星期日真係好開心，見到班小朋友玩得盡情就更開心，個沙灘真係唔錯，平時去沙灘得匡匡有得玩(沙)，今次我同匡爸都有得玩下，幾好呀~

多謝各位既禮物，我email左d相俾大家，睇下收唔收到，收唔到請出聲，不過應該我地既隨團攝影師
(軒爸)影果d正好多，嘻嘻~

rplyan，
我都send左d相俾妳，好高興認識到妳同旻旻呀~ 旻旻好活潑又靚女呀~ 希望我地好快又攪得成下次既活動一齊出黎又玩過~

天藍，
好耐無見昊藍，星期日見到面真開心~

多謝通知小學簡介會，我唔去喇~ 好似好遠咁~

Elainaiolia，
傻啦~ 匡爸邊有侍候過大家，佢好enjoy戶外活動&同小朋友玩，唔洗講多謝~

我地去完沙灘玩，都要番返去厠所洗手洗腳，又岩岩有到車去沙田。

妳仲夠時間幫子聰買埋番學鞋… 幾勁喎~

626mama，
妳好慘呀~ 放假要對住公司既人，仲要做呀四~ 好彩我份工唔洗啫~ (其實要架~ 我公司有義工團，假期就要出動，但名係做義工幫人，實係幫公司宣傳，
我呢d「心如止水」既員工梗係…唔會參加啦~ 留番俾d「博」既後生仔女去嘛~~)

妳唔去得「齊齊賀中秋」呀? 請問各位到時有幾多人去架?

天藍

係喎! 我都同"昊藍"報咗齊齊賀中秋, 差d唔記得添!
好彩你地提一提, 但我又好想聽o黎間小學既簡介會
咁點好呢? 等我再考慮下先, 再答覆大家~

原帖由 hongmimi 於 08-9-2 10:04 發表
各位，
星期日真係好開心，見到班小朋友玩得盡情就更開心，個沙灘真係唔錯，平時去沙灘得匡匡有得玩(沙)，今次我同匡爸都有得玩下，幾好呀~

多謝各位既禮物，我email左d相俾大家，睇下收唔收到，收唔到請出聲，不過應該我地既隨團攝影 ...

天藍

hongmimi / ElainAiolai,

收到你地send比我個d相啦! 唔該晒!
睇到各小朋友都好開心, 心中都感到
十分之開心。
睇住d相就覺得各位小朋友都大得好
快, 大家入幼兒園個陣仲係bb樣, 以
家個個都長高晒, 個個不知跑得幾快,
時間真係過得快。

rplyan,

我已Send咗小學簡介會d料比你啦!
你check下email.
旻旻真係好活潑可人, 雖然以家同旻
藍唔同一間學校, 但日後都要保持聯
絡, 因我地日後仲有好多活動, 一定
會預埋你。
旻旻開心到個日訓唔著, 咁真係好開
心, 咁下次有活動你一定要帶埋旻旻
出o黎同大家聚下, 而旻藍個日返到
屋企都仲好精神, 婆婆公公o黎到屋
企仲係到同佢地玩, 但到食完飯就話
好眼訓, 自己走咗上床訓, 可想言知
有幾眼訓, 平時邊會自己走入房一個
人訓

ElainAiolai,

你個日買唔買到鞋仔比子聰呀???
唔晒咁客氣都係舉手之勞, 希望d資料幫到
你啦!
簡介會個到你睇下會唔會一齊去, 如我去都
會係一個人, 你決定咗再通知我。
因我聽人講個間都係比較活動教學, 而且有
埋中小學不仿去聽下。

626mama,

原來個日你要去應酬, 公司搞遊船河, 咁快
又一年, 為咗搵食都無辨法, 唔明佢地講乜,
為有自得其樂同軒軒係船上玩下睇下海景啦!
如我個日去簡介會聽咗d乜再同你講番, 你
睇下有無興趣, 因個間學校都近你屋企個頭。

hongmimi,

你同匡爸到好浪漫兩個人係沙灘玩
今次見匡匡大個仔好多, 唔同咗樣同多野
講好多, 之前文靜bb樣唔同晒!
昊藍同匡匡真係兩雄相遇必一番爭鬥, 兩
個成日爭波玩, 我都要好好同昊藍訓示一
番要學會分享。
同多謝你份薯條禮物, 昊藍以家日日返屋
企炸薯條比我食, 哈~哈~
仲有我睇個我樓下個間文具店散買一支支
水彩同生活xx個到個價錢都一樣, 都係$4.5
一支, 如係可以幫陣返生活xx, 荃灣d文具店
都係$5支比較貴。

pcdogxx,

鈞渝真係好鬼c可愛同靚女又乖, 個日全
場最乖就係鈞渝, 叫佢做乜都乖乖地, 真
係一百分
如昊藍有一半咁乖就好啦!

all mama,

協康新一期d活動我未有時間睇, 我再睇咗
時間夾唔夾再睇下報唔報, 再同大家講~

天藍

all mama,

昊藍開學情況我post咗上blog, 你地入去睇下, 如下:-

開學第一天
http://hk.myblog.yahoo.com/chui617/article?mid=586

開學第二天
http://hk.myblog.yahoo.com/chui617/article?mid=605

開學第三、四天
http://hk.myblog.yahoo.com/chui617/article?mid=606

rplyan

我收到相啦, 體見o的小朋友真係好可愛.

原帖由 hongmimi 於 08-9-2 10:04 發表
各位，
星期日真係好開心，見到班小朋友玩得盡情就更開心，個沙灘真係唔錯，平時去沙灘得匡匡有得玩(沙)，今次我同匡爸都有得玩下，幾好呀~

多謝各位既禮物，我email左d相俾大家，睇下收唔收到，收唔到請出聲，不過應該我地既隨團攝影 ...

ElainAiolia

Dear all mami,
子聰一陣都要睇醫生，因我覺得佢有D咳，隻眼D敏感仲未好，唯有請醫生飲茶至得。

rplyan,
唔使客氣，少少禮物等D小朋友開心o下o麻。

旻旻咁開心，搞到訓唔著覺，果晚子聰都成＋一點幾先走去訓。係呀，D mami經及新抱經始終口講全神D，下次再約我o地梗預埋你。

626mama,
協康果度唔知我o地有無機會又一齊上呢。

你要去遊船河，o米無得去協康個中秋會o羅，你公司果度可唔可以唔去o架。

放心la，尋日軒軒返學落校車好乖無喊，不過今日我無去學校睇子聰，反而係屋企樓下送佢上車及接佢落車，可能今朝我係度又同佢不停咁講bye bye，結果搞到佢想喊。

今日有2張回條，分別係提家長交9月份學費及車費 (我o地$530-包來回)；另一份係叫家長申請學券D資料，乜唔係31/5已截止呢o羊，况且我正本已係暑假前交o左比幼兒園果邊la，我已寫o左手冊話比學校知，叫佢o地去跟進番張學券。