07-08年宏福幼兒園媽咪繼續入o黎傾~(PART 4)~歡迎新朋友加入

rplyan

ALL MAMI,

終於鬆返啖氣啦, 旻旻昨日手腳紅印已全部冇哂, 但有時候有輕微發燒最高99.4度, 大部份時間體溫正常, 我諗佢體內重係打緊內戰, 幸好好精神睡覺時間冇之前O甘長(之前好疲倦).   呀........................................................................................................ !  終於可放心點, 多謝大家關心,  但暫時都唔會返學校, 等佢完全冇發燒後再隔離多3天, 我想這才安全.

天藍

rplyan,

傻妹o黎o架! 唔好哭啦! 旻旻以家開始好番
唔好哭啦! 應該笑嘛!
以家好番時間o岩o岩好, 可以過個又健康快樂
既中秋節!
祝你地一家人身體健康! 中秋節快樂!

原帖由 rplyan 於 08-9-6 15:02 發表
多謝你, 而家我又想喊啦

好感動.

天藍

all mama,

上次去白石影咗d相我post咗上blog,
你地可睇下, 不過唔係太多, 如下網址:

http://hk.myblog.yahoo.com/chui617/article?mid=627


ElainAiolia,

上次係畫室我有同昊藍, 子聰影咗d相, post咗上網,
你入去睇下, 如下:-

http://hk.myblog.yahoo.com/chui617/article?mid=625

rplyan

ALL MAMI,

祝大家中秋節快樂呀!

ElainAiolia

rplyan,
旻旻今日好D未呀，最終醫生點講佢個病？你o地D屋企人好D未呀？你個工人真係好，自己都病到C仲同你屋企o黎個大清潔，算係唔話得la，你o地真係有福la。

有心，子聰D濕疹多番好多，只係D咳難好D，印印今日都同子聰帶口罩，佢話費事子聰傳染比其他同學。

ElainAiolia

天藍,
原來果間音小都幾多o野要家長follow，因我撞到我同事佢個仔剛o岩今年9月讀呢間學校小一(有大約30幾本書，要包書)，只係返o左一個禮拜，我同事已經話勁多o野，但佢都慶幸個仔讀呢類學校，佢話若果係傳統學校 (有大約50幾本書)，可能仲C得快D。

佢果仔果班一班大約30個同學，有雙班主任，其中一個緊係惡D la，越高年級，班主任就越惡。開學已需要揀選小朋友要學o既樂器，每種樂器有限人數 (我同事建議揀D冷門樂器較好)，以便參加校內樂團。每日除o左係學校做好功課外，仲有Worksheet要係屋企做，遲o下係屋企亦要做網上功課。另因該校係基督教，所以要小朋友背金句，而家長要評分交回學校，老師跟據小朋友o既熟悉度及家長評分，再會評多一次分。而通告、回條等會經e-mail或佢o地個網址得知，學校fix o左4點後先upload比大家。佢亦建議我買定部Casio o既demo帶返屋企 (因D帶有不同物料選擇，只需要買多D唔同種類就得)，因D小朋友有好多物件要寫名及班別，好多家長都唔會手寫，因老師會睇o下整唔整齊又比分。搭校車方面，原來可搭校車 (約六佰幾蚊) / 保母車 (約四佰幾蚊)，不過校車直達學校內兼有老師接落車，而且遲到，學校係不當遲到計，相反保母車只可停在校外上落兼無老師接落車，遲到照計遲到論，所以我同事個仔貴D都搭校車，始終保母車怕D學生遲到會揸快車、危險D。食lunch係學校訂飯盒o既，我同事見過話OK。呢個禮拜已叫學生每人最多捐3本圖書，以開拓校內圖書閣o既圖書容量。

多謝晒你D相呀，白石D相好生動。

ElainAiolia

626mama/ hongmimi/ pcdogxx,
你o地去o左邊呀？

hongmimi,
星期六，匡匡同匡爸有無冷親呀？果日原來匡匡頂o左子聰個位補堂，佢o地無帶遮，我叫佢o地攞住我o地把遮用住先，佢o地又話唔使，冒住雨行去荃灣廣場，真担心佢o地會冷親。佢o地3個係畫班出面係咁跑，玩到癲晒好開心，希望我o地快D又再搞過D function，等D小朋友又再出o黎玩至得。

rplyan

ElainAiolia,

請問"音小"係咪好難考, 有冇O的情況會機會大O的呢?

天藍

EainAiolai,

多謝你比音小d料我, 我都有興趣參觀o黎
間學校, 因上次我聽whatever講佢地學校
有個大演奏廳, 好吸引, 想去睇下同聽下,
如下次收到幾時有簡介會一齊去聽好唔好???
子聰今日有無好d??? 希望早日康復!
我都想快d又搞下活動, 我地又可吹水, 小朋
友又可一齊玩真係好開心~
不如halloween我地好似上年咁搞玩動, 又出
來聚下囉!?
各位好唔好呀???

rplyan,

旻旻好d未呀??? 退燒未呀???
希望旻旻快d好番???

原帖由 ElainAiolia 於 08-9-8 16:08 發表
天藍,
原來果間音小都幾多o野要家長follow，因我撞到我同事佢個仔剛o岩今年9月讀呢間學校小一(有大約30幾本書，要包書)，只係返o左一個禮拜，我同事已經話勁多o野，但佢都慶幸個仔讀呢類學校，佢話若果係傳統學校 (有大 ...

天藍

626mama / hongmimi / pcdogxx,

你地去邊??? 點解咁靜既~

626mama

rplyan,

唔洗講對唔主啦，妳快D取消反個電話啦，
唔好咁公開。旻旻冇事就好喇。

ElainAiolia,

希望大家係協康的活動都抽中啦。
聽妳講完音小，更加覺得唔錯，老師越惡越好呀。


天藍,

係呀，星期六決定係去遊船河，協康去唔到喇，真係可惜，可以比人去就好喇。
開學第一天，軒軒話有同子聰玩，跟主就冇喇。唔知點解呢?都係軒軒話比我知。


各位,

近排公私兩忙，都唔得閒上來。
軒軒星期六日對眼腫晒，睇左醫生，
話佢對眼感覺喎。唔知點解會咁。

[ 本帖最後由 626mama 於 08-9-9 14:42 編輯 ]

626mama

各位,

學校今年中秋整花燈，今年由軒爸整，佢景然買到一包野專比人整燈籠，靚就唔靚，都比大家睇下丫。
http://hk.myblog.yahoo.com/shirby/article?new=1&mid=1931
妳地學校有冇咩節目呀，近排真係好靜，大家忙緊d咩呀。

ElainAiolia

rplyan,
「音小」難唔難考，都幾睇父母interview時o既表現。本來我o地呢個topic有個mami叫whatever，佢果時同個女去IN，佢話都唔知點解會收佢個女，可能本身個女英文底子好，再加上佢自己都幾buy「音小」個教育理念，兼且佢果日IN o既時候見到個露天表演場地，覺得好感動，所以有D淚光，唔知係o米咁先收呢。不過到最後佢個女無讀到呢間學校，係因為「女拔」收o左佢個女，但佢都會再帶個仔 (同我o地小朋友一樣大) o黎IN呢間學校。

我同事兩公婆無宗教信仰、亦唔識人，只不過見人報佢先報，佢個仔又無學樂器，只係閒時係屋企打機時仲意打鼓 (佢interview都係咁照講)，其餘問題佢都解釋得好詳細 (但佢個仔有Phonics張cert.)，可能咁又收o左佢，不過佢話呢間學校唔主張家長將D小朋友資料整到好靚仔o既Profile，只需要用個靚少少o既file入住D cert. / 其他o野，及影印定一套比學校存檔就得la。

佢亦識得有D同事又係基督教、D仔女又學緊樂器，但學校最終唔收，我諗佢o地收人好飄忽，如睇IN時表現。

ElainAiolia

天藍,
子聰仲有D咳，中醫話因為佢唔識咳D痰出o黎，所以要慢D先好。

Halloween出o黎聚o下都好o咼，但要諗o下去邊而又唔使同人迫，仲要一早要定方案，以防無晒位book場，唔知626mama得唔得閒搞呢？

626mama,
軒軒話你知無同子聰玩，可能真有其事，因子聰架校車好遲先到我屋企樓下樓子聰，我諗佢返到學校都開始準備上堂lu，仲邊有時間玩呀。我問子聰係學校有無同軒軒玩呀？佢好抵C咁答我話：「有，玩少少la，但我成日都唔見佢，可能佢無返學呀。」再問佢都唔答我la。

軒軒對眼無o野o麻，對眼乾 / 有D污糟o野入o左去都會敏感，最緊要唔好捽眼，如果唔係，仲腫得犀利，子聰都係好容易敏感

子聰個燈籠尋晚聰爸執埋D手尾，今朝已經交o左la，但唔記得影張相o忝，派返o黎先補影番，今年我覺得靚過舊年果個，係用利事封整o既，另外特登走去買o左2個o郎o郎加上去。

pcdogxx,
今日子聰落樓下玩見到鈞渝，佢一見到子聰係好遠已不停係咁叫陳子聰、陳子聰咁，仲好開心o忝。你同hongmimi係o米好忙呢，唔回應都上o黎睇o下la。

pcdogxx

各位,

唔好意思, 呢排真係好忙.. 又要上大陸...  所以冇時間上黎吹水.. 不過我有keep住睇架.. 係冇時間覆者...

中秋節你地會去邊到玩呀??

天藍

626mama,

今日軒軒隻眼好d未? 有時小朋友成日摔眼
入d污漕野眼腫未未定, 昊藍都好鍾意摔
眼都試個眼仔腫, 小心唔好再比軒軒摔眼仔。
協康個到你去唔到真係好可惜, 我總諗住見
下軒軒! 不過, 唔怕日後仲有機會, 我地仲有
好多活動。
你有時間再上來講下你遊船可好唔好玩!?
軒爸做個中秋燈籠好靚呀! 祝你今年獎
個大獎。
昊藍個間學校k1未有功課做, 只係要小朋友
帶中秋節食品回校分享, 同今個星期五要帶
個中秋燈籠返去學校, 學校有中秋活動。

原帖由 626mama 於 08-9-9 14:39 發表
rplyan,

唔洗講對唔主啦，妳快D取消反個電話啦，
唔好咁公開。旻旻冇事就好喇。

ElainAiolia,

希望大家係協康的活動都抽中啦。
聽妳講完音小，更加覺得唔錯，老師越惡越好呀。


天藍,

係呀，星期六決定係去遊船河，協康去唔 ...

[ 本帖最後由 天藍 於 08-9-10 09:57 編輯 ]

天藍

all mama,

halloween 搞活動都好? 去返上次警察遊樂會
都可以, 但上年d食物就真係麻麻地, 但勝在有
地方比d小朋友走來走去玩, 唔知大家仲有無其
他地點好提意?

ElainAiolai,

子聰以家睇緊中醫, 希望早日康復!
子聰有無報到協康"齊齊賀中秋"活動?
如有到時上完英文班可一齊坐車上協康!

pcdogxx,

原來你又北上, 你真係好忙, 你d高級職員
好多trip出, 今次你有無帶定多d cash, 唔
好好似上次咁
協康"齊齊賀中秋"活動你同hongmimi係咪
都有參加呀??? 因我好掛住你地~ ~

hongmimi,

你係咪好忙? 仲未見你出現????
定係公司近排風聲緊???
你同鈞媽唔好係新學校識新朋友,
唔記得我地呀!?

原帖由 ElainAiolia 於 08-9-10 00:23 發表
天藍,
子聰仲有D咳，中醫話因為佢唔識咳D痰出o黎，所以要慢D先好。

Halloween出o黎聚o下都好o咼，但要諗o下去邊而又唔使同人迫，仲要一早要定方案，以防無晒位book場，唔知626mama得唔得閒搞呢？

626mama,
軒軒話你知無 ...

626mama

ElainAiolia

「音小」收生冇準則都好丫，人人都有望嗎。

小朋友多數都唔識咳D痰出黎，希望子聰好D好反啦。

Halloween出o黎聚會更係好啦，不過今期我都冇咩
提意，最緊要係搵個落腳地，大家有咩提意???

星期一我帶軒軒反學，8:30等開門，本以為佢
當日有得玩啦，軒軒放學回來我地問軒軒玩左D咩，
佢話老師話佢對鞋咁大對，費事趺襯，叫佢坐係度，
........我聽到有D唔開心，對鞋又未話大到咁呀，
只係多一隻手指位，要人地白白坐了半個鐘。

軒軒話佢放學同坐學車，有個高年級的男仔成
日打佢個頭，排隊上車時，又係咁，話比老師聽，
老師叫佢還手丫嗎，用個書包傘住，用力D打反佢，
唔知係咪真係老師咁教佢，定係佢完全唔還手，
比人打，所以老師咁同佢講。(平時屋企比表姐打，
佢真係完全唔還手，企係度比人打。)

軒軒坐校車見到舊年同學仔"周苡晴"，佢好開心，
今朝周苡晴仲問佢，一齊坐好唔好，我問佢點答，
佢死都唔話比我知。軒軒朝朝都係坐校車上單邊
位，第一個位。有小朋友一齊坐去兩個人的位，
好以好d，仲係朋友仔添。大家互相照應。
雖然唔知佢地識唔識。講咩都冇用啦，都唔知軒軒
有冇應誠人地。我都係昨天才知，原來軒軒日日坐
係校車上單邊位，第一個位，又有安全帶，聽落
都唔放心。

軒軒對眼無o野喇，有人教我眼腫可以好反飲涼茶。
我都叫左婆婆遲d煮比佢飲。

軒軒真係好鐘意捽眼，講極都唔聽。

子聰個燈籠比聰爸執埋D手尾仲交埋，
祝妳地拎個獎頂，好以舊年昊藍咁。

626mama

Pcdogxx,

中秋節本來星期六可以一齊去協康玩，而家冇喇。
正日睇怕兩邊走食飯(過節)，星期一都未有節目。
妳呢。

hongmimi,

好掛主妳呀，留兩隻字，等我地知妳有上黎丫。

[ 本帖最後由 626mama 於 08-9-10 14:48 編輯 ]

626mama

天藍

軒軒隻眼退左冇退瞳喇，捽眼捽得好大力嫁，
我都怕左佢，又叫唔聽。

協康我去唔到，我都確得好可惜，我都好想可，
為有等下次見喇。

好，我去完遊船可，上來話比大家聽，我問緊同事，
我想去沙灘"麼"蜆，唔知得唔得，我上網睇，
下午3:25分開始水退，我上次全程都係船上，真係
好悶，佢地都有去沙灘玩，我地冇去，見軒軒仲細，
落左去又唔知幾時可以上船。今年想落船行下。

軒爸做個中秋燈籠都好普通，個獎同我地仲有好遠呢。

昊藍要小朋友帶中秋節食品回校分享，聽落都好開心，
又係星期五學校有中秋活動，我見仲有兩個小朋友
學校都係星期五興祝。