07-08年宏福幼兒園媽咪繼續入o黎傾~(PART 4)~歡迎新朋友加入

ElainAiolia

pcdogxx,
哎喲，你又出o左trip la，今次又去邊呀？係o米好掛住我o地同………….. 鈞渝呢？中秋節應該會係屋企做節，暫時未有節目。

我覺得間學校o既通告有問題o者，又會咁唔清唔楚。其實你可以老實D同鈞渝講話學校通告無講要DIY，所以mami無做到，下次mami一定會問清楚D，等佢唔好以為你真係懶至得，因D細路會記得你曾經話過自己懶，當日後有類似事件，佢都會記得你係懶o既，因佢o地記性非常好。

小欖BBQ都係一個好提議，有沙灘可以玩燈籠、螢光棒及砌沙都得，但怕唔怕多蚊 / 熱氣呀？

[ 本帖最後由 ElainAiolia 於 08-9-12 00:32 編輯 ]

ElainAiolia

天藍,
子聰最終今日都係去o左睇Dr. Chau，Dr. 仲問印印 (因我要返工，由佢帶子聰睇) 上次睇完仲未好呀，今次仲開埋抗生素比佢食o忝。


今日睇Dr. 都發生o左件事，話說5點半鐘我收到印印電話喊住咁(我都心知不妙) 話唔見o左子聰，仲話周圍揾都唔見佢，我當時都好掹o米問佢係邊度唔見，佢話佢自己行o左佢reception度攞No.，而子聰就係近門口個滑梯玩，當佢攞完No.
及望o下而家睇到幾多號後，佢再望去滑梯個位已經唔見o左子聰，佢話成個診所揾，又去商場及厠所揾都唔見，我o米叫佢去商場叫Dsecurity幫手，而我再打電話去診所叫D姑娘幫我嗌o下子聰睇o下會唔會係診所，但姑娘話無，我o米打比聰爸話佢知唔見o左子聰，叫佢可唔可以趕去幫手揾 (其實聰爸當時返緊工)，聰爸聽到嬲到震兼發晒癲，同一時間我收到印印電話話揾到子聰，佢企o左係診所門口問印印去o左邊，後來印印問佢剛才去o左邊？佢帶印印行到診所最入話同個哥哥坐係果度睇「數碼暴龍」o咼，你話係o米嚇C人。之後打番比聰爸話佢知揾番子聰，佢仲鬧緊話個工人點睇仔，後來仲打o左幾次電話o黎問我子聰點，到我見到子聰後，想鬧印印都鬧唔落，因佢對眼紅晒仲有D眼淚，講o野把聲都仲未正常番，我o米同佢講話小朋友要睇緊D，因佢o地唔知驚，會周圍走，最好連去厠所都拖住佢o地。子聰唔使講梗係又比我話o下同嚇o下佢la。

子聰無報到協康「齊齊賀中秋」活動，但都可以一齊坐車o既。

ElainAiolia

626mama,
D老師又會咁衰話對鞋大，所以唔比軒軒去玩要佢坐係度等上堂。

hongmimi,
好殘忍呀，居然父債子一齊還，可憐匡匡唔知發生乜o野事。

係呀，因果朝早子聰要上埋last一堂協康o既煮o野食，時間撞o左o米掉堂o羅。畫班果日我見匡匡同昊藍上堂好開心，好好玩咁，而匡匡不停咁o支膠水但又唔痴o野上去，好搞笑。

pcdogxx

ElaineAiolia,
我都唔肯定當時係咪岩同鈞渝講, 我果一刻淨係覺得好內疚, 都唔知講左d乜喇.. 下次我會小心d架喇.. 你都講得岩..  佢下次用返咁既黎駁咀就唔好喇..  不過好彩之後帶左佢去disney, 所以佢都冇唔開心..  仲非常之開心添呀....

而家去迪迪尼join年票真係抵 650, 24號前仲可以免費帶一個人入去.. 所以心思思想join, 跟住帶埋舅父仔入去影靚相....   渝爸話我俾錢佢實冇所謂架.. 癈話..  :;pppp:

我下星期去寧波再兩個鐘車去天台... (哈哈.. 唔好以為係頂樓果d天台喎...) 17-19去三日..  唉.. 如果唔係有鈞渝, 去多幾日都冇所謂啦...  而家離開一日都心掛掛....

如果到時揀小攬, 我會煲定腐竹雞蛋糖水&菊花茶入去.. 仲要雪凍晒佢放係保溫箱到..  哈哈..  咁咪唔驚熱氣囉..
不過如果有其他好提議我都唔反對架..

你講果間音小好似真係幾好咁喎.. 到時如果有簡介會千祈唔好漏左我喎..   我呢個懶媽咪.. 乜功課都未做....

626mama,
我點會唔記得你地吖..   你地而家排左係我既第一位啦.. 哈哈..  之前十月媽咪果d我都好少同佢地出去..  不過都有傾偈...  而家見你地多好多..   遲d又一齊讀協康.. 可以成日見..

我問左文軒媽咪喇.. 佢話星期六ok呀..  所以佢可以補返唔去個位..

rplyan,
真係唔好意思, 係你最唔開心既時候我玩失蹤, 冇機會安慰你添...   好彩雯雯而家冇事咋...   你都保重身體.. 好彩阿工人姐姐幫得手咋..   有咩唔開心即管係度傾訴下.. 唔好屈係個心到喎...  呢度有好多心理輔導員架.. 哈哈..

天藍,
其實我一直覺得我有冇揀錯Nursery學校俾鈞渝呢.. 但係諗深一層, 如果佢唔係讀宏福, 可能都識唔到你地...  而家仲可以同埋Hongmimi識埋同一班朋友. 真係好開心..  

我星期六都會去呀.. 到時又可以見下面喇...  

原來今年鈞渝學校冬季校服, 九龍城果兩個都唔做喇.. 所以我地要捱貴校服..   女仔仲要唔係果件灰色校褸, 等我果陣仲買左兩件添....  

你係昊藍學校果邊識到d媽咪未呀?   大家溝通下真係好好..   不過唔好唔記得我地喎..  

Hongmimi,
我都話佢地好掛住你架啦.. 又懶唔出post...  哈哈..  篤爆左你添...  

我成日問鈞渝你有冇請匡匡食茶點呀?  佢就笑笑口話冇..  個衰妹....   不過係果邊我聽佢地講話有茶點餐單..
我都想拎份可以參考下.. 等佢可以同學校d茶點接近d, 唔使分別咁大..  到時如果拎到, 我俾返copy你呀..

[ 本帖最後由 pcdogxx 於 08-9-12 01:42 編輯 ]

天藍

pcdogxx,

你終於出現啦~ ~
提意去小欖BBQ都好, 但如Halloween會唔會
好full人, 要唔要我地訂日子, 要book位o架!
小欖個到都有幾檔, 唔知邊檔好? 你知唔知? 因
我都唔係太熟個到, 我前年跟朋友同昊藍一齊去
過一次咋! 如去小欖真係要你去探下路。Thx!!!
因為我地既小朋友讀宏福而相識, 係最大收獲~
我都覺得學校既通告寫得唔清楚, 無叫你地DIY,
搞到你地買現成燈籠反去, 我覺得你地無錯, 你
地要同學校反映下, 下次出d通告要清晰d比家長
明白, 唔好令人估估下~
我都覺得好似ElainAiolai所講唔好同鈞渝講話媽
咪賴, 唔係鈞渝記得下次用又咁講就閉啦! 小朋
友d記性好好o架!
星期六協康活動我地又見面真係好, 星期六見~

原帖由 pcdogxx 於 08-9-11 17:30 發表
各位,

你地會唔會考慮去小欖BBQ, 我覺得果度好過警察會好多.. 同埋出面有個沙灘都幾好...  仲有得BBQ...  環境唔錯....

pcdogxx

ElainAiolia,

嘩.. 嚇鬼死人咩....  點解佢會咁唔小心架.. 其實係咪由頭到尾子聰都冇走過出去呀?  一路睇一路心驚膽跳..  俾我一聽到肯定擔心死.... 實會喊出黎...   亦難怪聰爸咁嬲喎..    我都要同我工人講下先...  叫佢小心d...  

原帖由 ElainAiolia 於 08-9-12 00:37 發表
天藍,
子聰最終今日都係去o左睇Dr. Chau，Dr. 仲問印印 (因我要返工，由佢帶子聰睇) 上次睇完仲未好呀，今次仲開埋抗生素比佢食o忝。


今日睇Dr. 都發生o左件事，話說5點半鐘我收到印印電話喊住咁(我都心知 ...

天藍

ElainAiolai,
嘩~你印印唔見子聰真係離晒甫
雖然最後有驚無險都搵到子聰, 但都已嚇到
無半條命
我諗如係我我收到我印印電話話唔見我個
仔, 我已係電話到嚇到哭, 真係心都離埋, 雖
然你印印都好內疚, 你無鬧到佢, 但話下都要
叫佢記得下次睇緊d子聰, 唔係再走失真係大
件事~
後來印印搵到子聰, 子聰見到佢哭, 同你地
咁緊張, 知唔知發生乜事? 子聰有無乜反
應?
原來你無報到協康"賀中秋"個個活動, 如子聰
個日唔使出街, 同你地一齊坐車上去大窩口!!!
子聰睇dr chau 食d藥, 今日有無好d?

原帖由 ElainAiolia 於 08-9-12 00:37 發表
天藍,
子聰最終今日都係去o左睇Dr. Chau，Dr. 仲問印印 (因我要返工，由佢帶子聰睇) 上次睇完仲未好呀，今次仲開埋抗生素比佢食o忝。


今日睇Dr. 都發生o左件事，話說5點半鐘我收到印印電話喊住咁(我都心知 ...

天藍

hongmimi / ElainAiolia,

我想問你地上星期六匡匡同昊藍一齊
上畫班, 唔知佢地兩個一齊上堂, 你地有
無同佢兩個一齊影到上課既相, 如有可否
send比我, 因我個日去到都落堂lu~
Thx!!!

pcdogxx

天藍,

小欖果到得一檔架咋.. 好大架..  不過真係唔知要唔要book定呢...  10月31日係星期五, 我地可以攪11月1日星期六..  玩完星期日都仲有得休息...

我地次次去親小欖都係下午兩三點燒到八九點.. 哈哈.賺晒..  同埋佢夜晚好多紅van可以去荃灣.. 搭車走都好方便..

ElainAiolia,
原來子聰冇報到協康個中秋架?　早知軒軒個位讓俾子聰啦....   咁我地又可以一齊玩喇..   咁子聰果日係咪都冇野做架?  如果係不如我再問下我朋友佢係咪黎, 如果唔黎留返俾子聰吖...

原帖由 天藍 於 08-9-12 10:28 發表
pcdogxx,

你終於出現啦~ ~
提意去小欖BBQ都好, 但如Halloween會唔會
好full人, 要唔要我地訂日子, 要book位o架!
小欖個到都有幾檔, 唔知邊檔好? 你知唔知? 因
我都唔係太熟個到, 我前年跟朋友同昊藍一齊去
過一次 ...

天藍

pcdogxx,

係呀! 原來小欖得一檔咋! 我仲傻下傻下,
我前年個個係大欖定小欖?! 都係跟住你
無衰, 你識路, 到時真係要麻煩你同我地
探路問下, 如1/11無問題, 但我要下午
至得, 因我返半日工放一點。
我地睇埋其他人ok無問題就咁決定啦!
Thx!!

原帖由 pcdogxx 於 08-9-12 10:56 發表
天藍,

小欖果到得一檔架咋.. 好大架..  不過真係唔知要唔要book定呢...  10月31日係星期五, 我地可以攪11月1日星期六..  玩完星期日都仲有得休息...

我地次次去親小欖都係下午兩三點燒到八九點.. 哈哈.賺晒..  同 ...

天藍

各位,

中秋節快樂!!!

pcdogxx

天藍, Hongmimi

子聰聽日都會同我地參加協康會活動呀, 佢會補返軒軒唔去個位..  Yeah!!!

626mama

各位,

中秋節快樂!

得閒先上來回復大家喇。

天藍

原帖由 pcdogxx 於 08-9-12 14:34 發表
天藍, Hongmimi

子聰聽日都會同我地參加協康會活動呀, 佢會補返軒軒唔去個位..  Yeah!!!

天藍

all mama,

大家中秋節係咪玩得好開心?!
昊藍打敗仗, 今早起身要請醫生飲茶,
咳同流鼻水, 明天都打算休息多一日, 清埋d
咳後日先返學。

原帖由 天藍 於 08-9-13 10:39 發表

hongmimi

天藍，
中秋節快樂呀~ 大家都玩得好開心!

昊藍今日打敗仗要請醫生飲茶呀? 匡匡都係呀! 搞到我都喉嚨痛，C火啦~ 大家都要好好休息一下~

唔好意思呀~ 上次畫班，匡爸無影到相，妳唔早d講我叫佢影嘛~

而齊齊賀中秋我地有影左d，要遲d先send到俾大家。

626mama

祝昊藍早日康復。

原帖由 天藍 於 08-9-15 04:57 PM 發表
all mama,

大家中秋節係咪玩得好開心?!
昊藍打敗仗, 今早起身要請醫生飲茶,  
咳同流鼻水, 明天都打算休息多一日, 清埋d
咳後日先返學。

...

hongmimi

626mama，
點呀妳~ 做阿四之後洗唔洗休息下咁呀? 假期又有無去到白石摸蜆? 擒日我不知幾想去呀~ 但匡匡個"長"午睡搞到無得去~ 最尾去左警會游個"快"既黃昏水囉~ 好過無啦~~

上星期六齊齊賀中秋，佢地唔俾子聰"頂"軒軒個位呀! 要再俾入場費先有得玩。不過$30真係抵到爛，有野玩有禮物又有野食。我地首先唱下歌，然後親子DIY創作燈籠比賽(20分鐘內完成)，最後仲有月餅水果菠蘿腸仔咖哩魚蛋雞翼，嘩~ 簡直係"正"呀~ 最衰妳又去唔到啦...(唔好嬲吓~ 嘻嘻! )

hongmimi

Dear all，

please check email~

thanks!

hongmimi

天藍，
Please check email again~ thanks!