07-08年宏福幼兒園媽咪繼續入o黎傾~(PART 4)~歡迎新朋友加入

pcdogxx

各位,
我隻眼好返晒喇...   所以星期日我都可以出席.. 不過老公拎唔到假呀.. 所以我要單拖帶住鈞渝...   

果日我諗都幾熱..  大家做好防暑措施喇喎..

pcdogxx

天藍,

你地唔去真係損失..   幾好玩呀..   Hongmimi 同佢老公係咁捉到好多蟹仔...   放係個兜到俾d細路睇.. 好攪笑..

跟住我同626mama 就係咁搵d靚既貝殼...   佢仲執埋蜆添...  仲以為佢會執埋帶返去炒蜆添..  哈哈哈..

匡匡同鈞渝就係度玩沙... 玩到褲衫都有....
仲見到有個人捉到成隻八爪魚, 我地當時真係眼前一亮...  係咁追住果個人黎睇....   軒爸影左相.. 等佢post 出黎俾你地睇吖...

我地玩左一個鐘多d, 搭6點05班車出返沙田囉..
其實都唔係好夠喉....  嘻嘻..

雖然係熱左d, 但係又唔係太辛苦..  燒野食都唔差既.  可以俾我地成班師奶吹下水囉..  係驚匡爸同軒爸會悶者...

原帖由 天藍 於 08-8-31 22:33 發表
all mama,

今日去白石俱樂部雖然有d野無開無得玩,
但同大家BBQ傾計, 我覺得好開心, 同見
到小朋友們走來走去, 係到玩得好開心,
我都感覺到好開心~
仲有多謝晒各位既禮物, 昊藍好鍾意!!!

626mama / pcdogxx / hong ...

[ 本帖最後由 pcdogxx 於 08-8-31 23:36 編輯 ]

pcdogxx

各位,

唔好意思, 呢排真係好忙.. 又要上大陸...  所以冇時間上黎吹水.. 不過我有keep住睇架.. 係冇時間覆者...

中秋節你地會去邊到玩呀??

pcdogxx

各位,
唉... 我唔醒目攪到鈞渝有少少唔開心呀..

事源:學校張通告淨係話8號帶個燈籠返去, 冇話要自己做... 我心諗真係好喇.. 唔使煩... 尋日朝諗諗下其實佢會唔會暗示叫我地親子DIY呢...
結果尋日接佢放學, 見到大門入口掛晒d DIY 燈籠係度.. 鈞渝放學同我講.. 老師掛d燈籠上去呀.. 點解冇我果個既 (果陣個樣有d唔開心)? 我當時覺得好內疚... 點解唔同佢整個呢... 所以下次學校唔講, 我地都盡量DIY俾佢..

我當時同佢講..  對唔住呀.. 媽咪懶冇幫你整...  下次同你一齊整返個靚靚既.. 佢先開心返d...  

我成日覺得佢仲矇下矇下咁..  佢當時咁講真係嚇左我一跳... 原來佢都識呢d野架.. 我以後真係要小心d先得...

不過匡匡都係買現成既...   唔知佢有冇同Hongmimi講呢..  嘻嘻..

pcdogxx

各位,

你地會唔會考慮去小欖BBQ, 我覺得果度好過警察會好多.. 同埋出面有個沙灘都幾好...  仲有得BBQ...  環境唔錯....

pcdogxx

ElaineAiolia,
我都唔肯定當時係咪岩同鈞渝講, 我果一刻淨係覺得好內疚, 都唔知講左d乜喇.. 下次我會小心d架喇.. 你都講得岩..  佢下次用返咁既黎駁咀就唔好喇..  不過好彩之後帶左佢去disney, 所以佢都冇唔開心..  仲非常之開心添呀....

而家去迪迪尼join年票真係抵 650, 24號前仲可以免費帶一個人入去.. 所以心思思想join, 跟住帶埋舅父仔入去影靚相....   渝爸話我俾錢佢實冇所謂架.. 癈話..  :;pppp:

我下星期去寧波再兩個鐘車去天台... (哈哈.. 唔好以為係頂樓果d天台喎...) 17-19去三日..  唉.. 如果唔係有鈞渝, 去多幾日都冇所謂啦...  而家離開一日都心掛掛....

如果到時揀小攬, 我會煲定腐竹雞蛋糖水&菊花茶入去.. 仲要雪凍晒佢放係保溫箱到..  哈哈..  咁咪唔驚熱氣囉..
不過如果有其他好提議我都唔反對架..

你講果間音小好似真係幾好咁喎.. 到時如果有簡介會千祈唔好漏左我喎..   我呢個懶媽咪.. 乜功課都未做....

626mama,
我點會唔記得你地吖..   你地而家排左係我既第一位啦.. 哈哈..  之前十月媽咪果d我都好少同佢地出去..  不過都有傾偈...  而家見你地多好多..   遲d又一齊讀協康.. 可以成日見..

我問左文軒媽咪喇.. 佢話星期六ok呀..  所以佢可以補返唔去個位..

rplyan,
真係唔好意思, 係你最唔開心既時候我玩失蹤, 冇機會安慰你添...   好彩雯雯而家冇事咋...   你都保重身體.. 好彩阿工人姐姐幫得手咋..   有咩唔開心即管係度傾訴下.. 唔好屈係個心到喎...  呢度有好多心理輔導員架.. 哈哈..

天藍,
其實我一直覺得我有冇揀錯Nursery學校俾鈞渝呢.. 但係諗深一層, 如果佢唔係讀宏福, 可能都識唔到你地...  而家仲可以同埋Hongmimi識埋同一班朋友. 真係好開心..  

我星期六都會去呀.. 到時又可以見下面喇...  

原來今年鈞渝學校冬季校服, 九龍城果兩個都唔做喇.. 所以我地要捱貴校服..   女仔仲要唔係果件灰色校褸, 等我果陣仲買左兩件添....  

你係昊藍學校果邊識到d媽咪未呀?   大家溝通下真係好好..   不過唔好唔記得我地喎..  

Hongmimi,
我都話佢地好掛住你架啦.. 又懶唔出post...  哈哈..  篤爆左你添...  

我成日問鈞渝你有冇請匡匡食茶點呀?  佢就笑笑口話冇..  個衰妹....   不過係果邊我聽佢地講話有茶點餐單..
我都想拎份可以參考下.. 等佢可以同學校d茶點接近d, 唔使分別咁大..  到時如果拎到, 我俾返copy你呀..

[ 本帖最後由 pcdogxx 於 08-9-12 01:42 編輯 ]

pcdogxx

ElainAiolia,

嘩.. 嚇鬼死人咩....  點解佢會咁唔小心架.. 其實係咪由頭到尾子聰都冇走過出去呀?  一路睇一路心驚膽跳..  俾我一聽到肯定擔心死.... 實會喊出黎...   亦難怪聰爸咁嬲喎..    我都要同我工人講下先...  叫佢小心d...  

原帖由 ElainAiolia 於 08-9-12 00:37 發表
天藍,
子聰最終今日都係去o左睇Dr. Chau，Dr. 仲問印印 (因我要返工，由佢帶子聰睇) 上次睇完仲未好呀，今次仲開埋抗生素比佢食o忝。


今日睇Dr. 都發生o左件事，話說5點半鐘我收到印印電話喊住咁(我都心知 ...

pcdogxx

天藍,

小欖果到得一檔架咋.. 好大架..  不過真係唔知要唔要book定呢...  10月31日係星期五, 我地可以攪11月1日星期六..  玩完星期日都仲有得休息...

我地次次去親小欖都係下午兩三點燒到八九點.. 哈哈.賺晒..  同埋佢夜晚好多紅van可以去荃灣.. 搭車走都好方便..

ElainAiolia,
原來子聰冇報到協康個中秋架?　早知軒軒個位讓俾子聰啦....   咁我地又可以一齊玩喇..   咁子聰果日係咪都冇野做架?  如果係不如我再問下我朋友佢係咪黎, 如果唔黎留返俾子聰吖...

原帖由 天藍 於 08-9-12 10:28 發表
pcdogxx,

你終於出現啦~ ~
提意去小欖BBQ都好, 但如Halloween會唔會
好full人, 要唔要我地訂日子, 要book位o架!
小欖個到都有幾檔, 唔知邊檔好? 你知唔知? 因
我都唔係太熟個到, 我前年跟朋友同昊藍一齊去
過一次 ...

pcdogxx

天藍, Hongmimi

子聰聽日都會同我地參加協康會活動呀, 佢會補返軒軒唔去個位..  Yeah!!!

pcdogxx

各位,
幾日中秋假都冇乜出去玩... 出面好鬼曬呀....  都唔想郁...   不過我隔離屋帶左我去個好地方...  係迪士尼Hollywood 酒店裡面個大草地呀...   果到好正.. 因為係酒店設施所以冇乜人...  成個大草地鈞渝走得好開心.. 跌到都唔痛.... 真係好好玩...  我見有人係到野餐添呀...   真係好似你地睇飄零燕凱迪係草地碌黎碌去咁...   果度其實應該只招待酒店住客或者入去食野既客人...  不過我地上次入去都冇人理我地... 隔離屋就試過有人問佢係咪黎食野, 佢咪求其話係算囉...   入到草地就冇人理架喇...   

不過始終有車就方便d囉...   如果冇車都唔知點入去好...

pcdogxx

天藍,
昊藍打敗仗呀....  係咪中秋玩得太開心呀?   希望佢快d好返晒啦..   

Hongmimi,
係咪游完水冷親呀?  小心d喎....  

我都想再去白石呀.. 如果你去記住叫埋我同626mama喎...

626mama,
咁慘係到干曬呀....   果幾日熱到好似焗桑拿咁.. 真係辛苦你咯....  咁軒爸有冇去呀?

協康果個真係幾好玩..  最衰你去唔到啦..  匡爸好犀利..  20分鐘可以係咁有限既物資整左個咁靚既燈籠..  叫Hongmimi快d post D相俾你睇啦....

大家有冇諗住報埋聖誕果個呀?  係喎.. 今日公怖抽唔抽到喇喎.... 聽日打去協康問下先..  

ElainAiolia,
收到pm喇.. 唔該晒..  我返黎再打俾你吖...   果日有子聰同鈞渝一齊玩.. 佢好開心呀....  住得近真係好...

Rplyan,
呢排唔見左你既..  中秋節玩得好開心唔記得左我地呀?  哈哈...  得閒好上黎留言喇..

pcdogxx

各位,

又係時候攪呢個哈佬喂派對喇..
地點 : 小欖燒烤樂園
日期 : 10月 25, 11月1, 11月8 (揀星期六會好d, 因為玩得夜第二日有得休息, 如果呢幾日唔得再)

參加人數:
626mama
Hongmimi
ElainAiolia
Rplyan
whatever
天藍
pcdogxx   早d訂好, 渝爸可以攞假..  呢幾日我都冇所謂

pcdogxx

又係時候攪呢個哈佬喂派對喇..
地點 : 小欖燒烤樂園
日期 : 11月1日 (星期六)
時間 : 大約5:00pm開始

參加人數:
626mama----ok
Hongmimi----2大1細
ElainAiolia ---- 3大1細
天藍 --- 3大1細
pcdogxx --- 2大1細
Rplyan

好, 一於係咁話就11月1日啦...  d人係10月31玩完應該1號冇咁多人喇卦....   不過我都打去問下使唔使book先..

pcdogxx

Hongmimi,

哈哈..  我問人借左套碟得閒都有睇下架.  鈞渝其他卡通片都唔鍾意睇, 淨係鍾意睇呢套...   所以一去到個大草地就覺得好似飄零燕果個咁..  佢有斜斜地架...   真係可以碌黎碌去..   

聖誕又有架... 仲平20蚊添呀.. 不過我未報, 因為果陣諗住試左個中秋先...  唔知多唔多人報呢, 如果仲有位我地咪去報下囉..

bk個pm好奇怪, 有時會出返以前私人訊息既版本, 一時又出一個新版本.. 所以有時d pm我都唔知出唔出到..

ElainAiolia,
果個草地真係响Hollywood酒店入面...   唔係迪欣湖果個喎...   搵日一齊入去碌下... 真係好鬼正.....  

626mama,
乜摸蜆要用唔同既架餐架?  鈞渝果d沙灘玩具岩唔岩用架?  不過真係要帶張櫈仔去先得..

pcdogxx

ElainAiolia,

你之前係睇邊個架?   我睇開係創意無限美心入口一上電梯左手邊果間架... 舖名唔係好記得.. 但係個跌打係女人黎.. 好後生叫...咩咩菁咁架..   果間我覺得幾好..  我上次扭親條腰睇幾次都冇事...  上兩個星期條腰又發作痛左兩三都唔好.. 去睇一次就好返喇..   

如果你未睇過, 你試下去睇..  又近又方便...

哈哈..  唔擔張櫈仔去, 掘兩野都走得啦....  

rplyan,
原來你咁多日冇上黎就係旻旻又翻發呀.....   佢d咩病毒黎架.. 咁恐怖既....   其實會唔會出疹咋?    唉.. 呢排咁多d怪病又死咁多個小朋友真係好擔心...   你堅強d呀.. 我地成班師奶實係你背後支持你......    你都小心身體唔好捱病呀...   希望旻旻快d好返唔好再食藥啦.. 聽到咁心都痛埋...

pcdogxx

Hongmimi,
梗係你求神拜佛咀咒我地抽唔中啦..  咁多個course我同626mama一樣淨係抽唔到10月果班塗鴉班咋...  哈哈..
你慳返可以唔使賠俾我地喇...     果然匡匡生日會大晒呀...  咩都要讓開..  

pcdogxx

各位,
你地有冇睇到單新聞, BK大肚婆生檔事件呀?   大家係BK結交朋友真係要小心..
http://forum.baby-kingdom.com/viewthread.php?tid=1711697&extra=page%3D5

希望個媽媽同個bb無事喇..  真係恐怖..

pcdogxx

Hongmimi,
你會唔會join學校d興趣班呀?   藝術班班果個我諗唔會, 我想等你地學梗果間, 因為小班d, 同埋每堂都有評估..

而家係諗梗報唔報小跳豆果個因為鈞渝好鍾意跟歌跳舞...
同埋12:00 - 1:00 d時間幾好..  星期六d日子協康報晒堂lu....

pcdogxx

各位,

鈞渝呢排成日講我就黎三歲生日喇..   好想開生日會..   今日學校開冇佢份真係有d掃興添..  要等到十一月先到佢地..  真係有排等...

其實我十二號都會係屋企同佢開, 會請返自己d朋友.   我都好想請埋軒軒昊藍子聰一齊開一個生日會..  因為而家佢地好好朋友..  鈞渝開口埋口都係子聰軒軒昊藍匡匡.. 乜都問有冇佢地份..   但係我又唔想咁大班人一齊攪, 我驚我分身不下..  唔想招呼到呢個又招呼唔到果個..   我想佢地玩之餘我地又可以一齊傾偈嘛..  

我聽人講冒險樂園好正..  嘩.. 但係原來好貴架..  請十個小朋友都要起碼二千蚊落樓....   真係肉都赤埋..  所以取消左呢個念頭...    如果真係攪可能等佢大少少先...   所以未決定點攪!!  如果諗唔到可能係返屋企攪算.. 跟住我唱埋錢俾你地去冒險樂園玩好過俾二千幾嘛..  哈哈.

請問大家10月18 or 19日得唔得閒呀?
地方 : 另議 or 鈞渝屋企
係屋企攪可以親自下廚d小食..  
時間 : 2:00 - 5:00pm 如冇地方去.. 攪夜晚我都好樂意架..  6:00 - 10:00pm

等你地覆實我在諗下點攪..  哈哈..

pcdogxx

626mama,
你一而再再而三咁提住帶糖水同菊花茶.. 我唔帶都唔得啦.   哈哈...

你入去睇下.. 個草地真係好正架...   
http://hk.myblog.yahoo.com/pcdogxx/article?new=1&mid=232

我23號果日join左迪迪尼年票呀.. 襯24號前可以免費帶多個人入去..   唉..  叫左爸爸果日放假, 所以打風都冇得改..    結果10:00去玩到3點到. 好過冇啦...

我發覺原來協康會有個course我撞左時間呀.  開頭冇睇清楚添...  不過又兩個都抽中喎..   兩個都幾好.. 我又唔想放棄是但一個..  所以有三堂可能要遲半個鐘先上到..  10月開始鈞渝都會好忙喇..

天藍,
首飄零燕連鈞渝都識唱呀..   佢好鍾意呢首歌..
你都帶昊藍入去走下啦.. 一定開心死佢....

恭喜晒呀.. 昊藍真係叻仔.. 成日都俾咁好既surpise你..  
我都好想快d有位鈞渝同軒軒都可以讀, 聽你地咁講都覺得果個畫班幾好...

Hongmimi,
匡匡有冇同你講尋日佢見到我呀?  尋日我去接鈞渝放學, 見到佢地排隊上校車..  佢好攪笑.. 次次見到我都好似好驚咁..   唔知佢係咪諗.. 點解會係學校見到 Auntie架.. 陣間佢報串俾媽咪聽係學校曳曳咪屎火.....  哈哈....
我問佢鈞渝係邊.. 佢話係課室呀. 跟住講大一堆我唔係聽得咁清楚既說話..  佢就出去上車喇..  結果我都係唔知佢講左d乜...

你公司d IT咁變態架..   真係咩都俾佢地諗得出..  如果我間公司係咁, 都唔知點算.. 實冇晒人生樂趣..

匡匡張邀請咭好靚喎..   你應該俾佢畫花果張我地睇嘛..   嘻嘻...  

ElainAiolia,
你隻腳點呀?   有冇去睇呀?  我唔記得答你, 佢每次睇係$160, 但係佢好好架.. 一定唔會"dum"症..  如果你隻腳真係痛.. 快d去睇下啦..  間店舖名叫"華友堂".

我收到email 喇..   又會選係2月14日既.. 哈哈..    其實基本上都應該冇問題既..我都好想鈞渝見下d舊老師..  不過咁早決定真係唔知到時有冇野攪..  最驚學校又攪活動咋..   如果Hongmimi & 天藍都冇問題既你就預埋我啦... 唔該晒你通知我地呀..   

今晚你係唔係屋企呀? 我拎埋部機俾你吖...  今晚食完飯可能落街行下.....

Rplyan,
真係開心聽到旻旻冇晒事.. 真係擔心死喇..  希望佢唔好再病令到你咁擔心啦..    得閒就上黎吹吹水喇..