07-08年宏福幼兒園媽咪繼續入o黎傾~(PART 4)~歡迎新朋友加入

ElainAiolia

報到 ……………

626mama,
唔該晒你開過新一 Part 比我o地上o黎吹水。

rplyan,
旻旻無乜事o麻？真係要好好休息o下，如果唔係，星期日o米見你o地唔到o羅。

係呀，Dr. Chau賺得太多錢，所以係佐敦開多間診所，新o既on duty 時間已pm o左比你及本topic各位。真係唔好意思，其實我早排已知佢有新診症時間 (o米就係子聰衰o左，又係白行一次o羅)，但因我返工實在太忙，無時間上o黎update比各位，搞到白行o忝。

天藍,
星期日你帶唔帶印印呀？因我會帶，但又怕佢悶，如你唔帶，我都會考慮唔帶。

hongmimi / pcdogxx,
你o地去o左邊呀？

ElainAiolia

Dear all mami,
尋日好開心，雖然無乜o野玩，但D小朋友可以走o黎走去，兼且有專人侍候 (就係軒爸、匡爸及各位工人)，令到我o地D Mami可以勁吹水，亦多謝各位o既禮物，Thx！

rplyan,
希望尋日o既失策活動無嚇親你la:;pppp:，希望下次你會再參予我o地D節目。

626mama / hongmimi,
麻煩代我向你o地另一半講聲多謝。

天藍,
唔該晒，已收到Agent及皮膚科醫生資料。

個簡介會我考慮緊去唔去聽，因我未知果日使唔使返工，如去，我再聯絡你呀。

ElainAiolia

pcdogxx,
原來你o地去沙灘咁好玩，擔心你o地點搭車o忝 (係o米要行番去厠所門口上車？)，我o地架車經過沙灘都見到好多人係果度玩緊，但因我要返屋企冲完涼後同99佢o地食飯 (因佢o地一早上o左我屋企竹戰呢)。之後仲夠時間幫子聰買埋番學鞋o忝。

626mama,
我諗你尋日真係好開心，不枉軒軒扭計要去沙灘，概然咁近烏溪沙站，你o地去o米好方便o羅。

好慘呀，無o左一日假期不特止，仲要做阿四，樂天D諗，軒軒又可以去遊船河。

今日我特登去學校外面偷睇子聰落校車返學，見到軒軒，佢落o左校車後 (約9:00 a.m.)，好似唔係好想行入學校，於是我同佢講話子聰係入面等緊佢，佢先有番D表情同行得快D o乍，其實果時子聰校車都未到，成9:05 a.m. 架校車先到，都唔知個司機兜o左去邊，因子聰今朝8:35 a.m. 已上o左校車。放學時，我見D學生仲未出o黎o米同個司機吹o下水，佢都話我個站係尾站，我o米問佢點解車程咁耐，佢無答我呀，奇奇怪怪咁。我今朝見有三架校車都幾新淨，子聰果架重好大架o忝，全部都有安全帶及保母跟車。

ElainAiolia

626mama / pcdogxx,
協康 10-12月你o地報o左邊一班，我今日去o左報「快樂小人類A及B」、「主角接班人」、「感官樂園B」及「美味廚房C – 聖誕食品」，本來想報多幾樣，但D時間同畫班及英文班撞，只好揀剩呢D。

ElainAiolia

Dear all,

Please check e-mail.

ElainAiolia

Dear all mami,
子聰一陣都要睇醫生，因我覺得佢有D咳，隻眼D敏感仲未好，唯有請醫生飲茶至得。

rplyan,
唔使客氣，少少禮物等D小朋友開心o下o麻。

旻旻咁開心，搞到訓唔著覺，果晚子聰都成＋一點幾先走去訓。係呀，D mami經及新抱經始終口講全神D，下次再約我o地梗預埋你。

626mama,
協康果度唔知我o地有無機會又一齊上呢。

你要去遊船河，o米無得去協康個中秋會o羅，你公司果度可唔可以唔去o架。

放心la，尋日軒軒返學落校車好乖無喊，不過今日我無去學校睇子聰，反而係屋企樓下送佢上車及接佢落車，可能今朝我係度又同佢不停咁講bye bye，結果搞到佢想喊。

今日有2張回條，分別係提家長交9月份學費及車費 (我o地$530-包來回)；另一份係叫家長申請學券D資料，乜唔係31/5已截止呢o羊，况且我正本已係暑假前交o左比幼兒園果邊la，我已寫o左手冊話比學校知，叫佢o地去跟進番張學券。

ElainAiolia

hongmimi,
e-mail 已收o左相，影得好靚，隻八爪魚雖然影得唔係咁清楚，但都好似好大隻o咼。

你就好la，可以同匡爸係沙灘拍拖，好sweet呀！匡匡講o野真係好o力，都唔似咁細個，嘻嘻！

乜你都有報「齊齊賀中秋」呀？我無報呀，睇情形應該有626mama及天藍，唔知pcdogxx有無報呢？

天藍,
昊藍好犀利，咁捱得眼訓o既，子聰夜晚眼訓都唔去訓，要全人類入房先肯去訓。果日夜晚食完飯仲趕得切買鞋，仲要係Keroro同比卡超o忝，所以佢o米唔想訓覺住o羅。

我都有D同事o既仔女讀緊培橋，我都可以問o下佢o地讀成點o既。

協康果度10/9截止報名，你就番時間la。

我睇o左昊藍個blog，佢好o力仔，仲可以咁快適應到，果然mami教導有方，昊藍比心機、加油呀！

ElainAiolia

626mama,
協康 10-12月，我1/9去報o左「快樂小人類A及B」、「主角接班人」、「感官樂園B」及「美味廚房C – 聖誕食品」，本來想報多幾樣，但D時間同畫班及英文班撞，只好揀剩呢D，但唔知抽唔抽中呢。

子聰31/8果日一上40X巴士已好快訓著，直情到落車都唔願起身，一返到屋企，佢見到嫲嫲佢o地o黎晒，即刻精神萬倍。

自從2/9之後，子聰上車我都唔敢同佢講bye bye，只係揮手就算，反而咁樣，佢又無想喊o咼。有關學券果度，老師寫番手冊覆o左我話張正本係學校已存妥，唔知老師覆o左你未呢？

ElainAiolia

天藍,
有心la，子聰隻眼好番好多，佢呢次睇醫生又發現多一樣o野，就係佢有機會有濕疹。話說我同醫生講佢隻耳珠近塊面個連接位 (唔知你明唔明) ，唔知係o米玩o野o既時候整損o左，但都成 2 wks都未好，我諗住叫醫生比D藥膏佢揸，點知醫生居然話呢D係起濕疹o既先兆，佢仲話遲D有機會會係D手腳o既摺位出玩，叫我留意o下，若果真係咁唔好彩有發現，要帶子聰返去睇醫生，搞到我有D唔開心o忝。

培橋果度我得閒幫你問o下人呀。

今日我都有接送子聰搭校車，放學時，佢落o左校車後，我見佢呆呆地，我o米同佢講：「我好掛住你，唔見你幾個鐘，真係掛C我la。」跟住佢先笑o乍，仲同我講話佢都係好掛住我o架。呢一刻真係好開心o架。

o黎緊今日星期六，子聰唔會上畫班，因之前幫子聰報協康個煮o野食班同畫班撞時間，所以尋日下午去o左畫班度補堂，MissWong之前話4:30 p.m. 有班幼兒畫班可以比子聰補堂，點知我尋日去到Miss Lam話可能Miss Wong記錯o左，原先果個時段o既幼兒畫班已於9月份升晒班去視覺藝術畫班，我o地既然到o左，Miss Lam話照補堂但會就番子聰個程度，但視覺藝術畫班係一個半鐘o既，放學時，Miss Lam話今堂較簡單，所以子聰都可以跟到。我想attach張相上o黎比你睇，不過唔識整。



[ 本帖最後由 ElainAiolia 於 08-9-4 15:48 編輯 ]

ElainAiolia

rplyan,
唔使對唔住，除非你有心帶旻旻出o黎傳染我o地，我o地會嬲你同唔會放過你(講笑)，病發初期症狀唔明顯，大家都唔知，又無心，最緊要揾出佢病發原因，究竟係EV71腸病毒 / 手足口病 / 濕疹先，跟住對症下藥快D醫番好為首要，亦要好好休息o下。我o地會多加留意自己o既小朋友o架la，你放心la。

ElainAiolia

rplyan,
旻旻今日好D未呀，最終醫生點講佢個病？你o地D屋企人好D未呀？你個工人真係好，自己都病到C仲同你屋企o黎個大清潔，算係唔話得la，你o地真係有福la。

有心，子聰D濕疹多番好多，只係D咳難好D，印印今日都同子聰帶口罩，佢話費事子聰傳染比其他同學。

ElainAiolia

天藍,
原來果間音小都幾多o野要家長follow，因我撞到我同事佢個仔剛o岩今年9月讀呢間學校小一(有大約30幾本書，要包書)，只係返o左一個禮拜，我同事已經話勁多o野，但佢都慶幸個仔讀呢類學校，佢話若果係傳統學校 (有大約50幾本書)，可能仲C得快D。

佢果仔果班一班大約30個同學，有雙班主任，其中一個緊係惡D la，越高年級，班主任就越惡。開學已需要揀選小朋友要學o既樂器，每種樂器有限人數 (我同事建議揀D冷門樂器較好)，以便參加校內樂團。每日除o左係學校做好功課外，仲有Worksheet要係屋企做，遲o下係屋企亦要做網上功課。另因該校係基督教，所以要小朋友背金句，而家長要評分交回學校，老師跟據小朋友o既熟悉度及家長評分，再會評多一次分。而通告、回條等會經e-mail或佢o地個網址得知，學校fix o左4點後先upload比大家。佢亦建議我買定部Casio o既demo帶返屋企 (因D帶有不同物料選擇，只需要買多D唔同種類就得)，因D小朋友有好多物件要寫名及班別，好多家長都唔會手寫，因老師會睇o下整唔整齊又比分。搭校車方面，原來可搭校車 (約六佰幾蚊) / 保母車 (約四佰幾蚊)，不過校車直達學校內兼有老師接落車，而且遲到，學校係不當遲到計，相反保母車只可停在校外上落兼無老師接落車，遲到照計遲到論，所以我同事個仔貴D都搭校車，始終保母車怕D學生遲到會揸快車、危險D。食lunch係學校訂飯盒o既，我同事見過話OK。呢個禮拜已叫學生每人最多捐3本圖書，以開拓校內圖書閣o既圖書容量。

多謝晒你D相呀，白石D相好生動。

ElainAiolia

626mama/ hongmimi/ pcdogxx,
你o地去o左邊呀？

hongmimi,
星期六，匡匡同匡爸有無冷親呀？果日原來匡匡頂o左子聰個位補堂，佢o地無帶遮，我叫佢o地攞住我o地把遮用住先，佢o地又話唔使，冒住雨行去荃灣廣場，真担心佢o地會冷親。佢o地3個係畫班出面係咁跑，玩到癲晒好開心，希望我o地快D又再搞過D function，等D小朋友又再出o黎玩至得。

ElainAiolia

rplyan,
「音小」難唔難考，都幾睇父母interview時o既表現。本來我o地呢個topic有個mami叫whatever，佢果時同個女去IN，佢話都唔知點解會收佢個女，可能本身個女英文底子好，再加上佢自己都幾buy「音小」個教育理念，兼且佢果日IN o既時候見到個露天表演場地，覺得好感動，所以有D淚光，唔知係o米咁先收呢。不過到最後佢個女無讀到呢間學校，係因為「女拔」收o左佢個女，但佢都會再帶個仔 (同我o地小朋友一樣大) o黎IN呢間學校。

我同事兩公婆無宗教信仰、亦唔識人，只不過見人報佢先報，佢個仔又無學樂器，只係閒時係屋企打機時仲意打鼓 (佢interview都係咁照講)，其餘問題佢都解釋得好詳細 (但佢個仔有Phonics張cert.)，可能咁又收o左佢，不過佢話呢間學校唔主張家長將D小朋友資料整到好靚仔o既Profile，只需要用個靚少少o既file入住D cert. / 其他o野，及影印定一套比學校存檔就得la。

佢亦識得有D同事又係基督教、D仔女又學緊樂器，但學校最終唔收，我諗佢o地收人好飄忽，如睇IN時表現。

ElainAiolia

天藍,
子聰仲有D咳，中醫話因為佢唔識咳D痰出o黎，所以要慢D先好。

Halloween出o黎聚o下都好o咼，但要諗o下去邊而又唔使同人迫，仲要一早要定方案，以防無晒位book場，唔知626mama得唔得閒搞呢？

626mama,
軒軒話你知無同子聰玩，可能真有其事，因子聰架校車好遲先到我屋企樓下樓子聰，我諗佢返到學校都開始準備上堂lu，仲邊有時間玩呀。我問子聰係學校有無同軒軒玩呀？佢好抵C咁答我話：「有，玩少少la，但我成日都唔見佢，可能佢無返學呀。」再問佢都唔答我la。

軒軒對眼無o野o麻，對眼乾 / 有D污糟o野入o左去都會敏感，最緊要唔好捽眼，如果唔係，仲腫得犀利，子聰都係好容易敏感

子聰個燈籠尋晚聰爸執埋D手尾，今朝已經交o左la，但唔記得影張相o忝，派返o黎先補影番，今年我覺得靚過舊年果個，係用利事封整o既，另外特登走去買o左2個o郎o郎加上去。

pcdogxx,
今日子聰落樓下玩見到鈞渝，佢一見到子聰係好遠已不停係咁叫陳子聰、陳子聰咁，仲好開心o忝。你同hongmimi係o米好忙呢，唔回應都上o黎睇o下la。

ElainAiolia

pcdogxx,
哎喲，你又出o左trip la，今次又去邊呀？係o米好掛住我o地同………….. 鈞渝呢？中秋節應該會係屋企做節，暫時未有節目。

我覺得間學校o既通告有問題o者，又會咁唔清唔楚。其實你可以老實D同鈞渝講話學校通告無講要DIY，所以mami無做到，下次mami一定會問清楚D，等佢唔好以為你真係懶至得，因D細路會記得你曾經話過自己懶，當日後有類似事件，佢都會記得你係懶o既，因佢o地記性非常好。

小欖BBQ都係一個好提議，有沙灘可以玩燈籠、螢光棒及砌沙都得，但怕唔怕多蚊 / 熱氣呀？

[ 本帖最後由 ElainAiolia 於 08-9-12 00:32 編輯 ]

ElainAiolia

天藍,
子聰最終今日都係去o左睇Dr. Chau，Dr. 仲問印印 (因我要返工，由佢帶子聰睇) 上次睇完仲未好呀，今次仲開埋抗生素比佢食o忝。


今日睇Dr. 都發生o左件事，話說5點半鐘我收到印印電話喊住咁(我都心知不妙) 話唔見o左子聰，仲話周圍揾都唔見佢，我當時都好掹o米問佢係邊度唔見，佢話佢自己行o左佢reception度攞No.，而子聰就係近門口個滑梯玩，當佢攞完No.
及望o下而家睇到幾多號後，佢再望去滑梯個位已經唔見o左子聰，佢話成個診所揾，又去商場及厠所揾都唔見，我o米叫佢去商場叫Dsecurity幫手，而我再打電話去診所叫D姑娘幫我嗌o下子聰睇o下會唔會係診所，但姑娘話無，我o米打比聰爸話佢知唔見o左子聰，叫佢可唔可以趕去幫手揾 (其實聰爸當時返緊工)，聰爸聽到嬲到震兼發晒癲，同一時間我收到印印電話話揾到子聰，佢企o左係診所門口問印印去o左邊，後來印印問佢剛才去o左邊？佢帶印印行到診所最入話同個哥哥坐係果度睇「數碼暴龍」o咼，你話係o米嚇C人。之後打番比聰爸話佢知揾番子聰，佢仲鬧緊話個工人點睇仔，後來仲打o左幾次電話o黎問我子聰點，到我見到子聰後，想鬧印印都鬧唔落，因佢對眼紅晒仲有D眼淚，講o野把聲都仲未正常番，我o米同佢講話小朋友要睇緊D，因佢o地唔知驚，會周圍走，最好連去厠所都拖住佢o地。子聰唔使講梗係又比我話o下同嚇o下佢la。

子聰無報到協康「齊齊賀中秋」活動，但都可以一齊坐車o既。

ElainAiolia

626mama,
D老師又會咁衰話對鞋大，所以唔比軒軒去玩要佢坐係度等上堂。

hongmimi,
好殘忍呀，居然父債子一齊還，可憐匡匡唔知發生乜o野事。

係呀，因果朝早子聰要上埋last一堂協康o既煮o野食，時間撞o左o米掉堂o羅。畫班果日我見匡匡同昊藍上堂好開心，好好玩咁，而匡匡不停咁o支膠水但又唔痴o野上去，好搞笑。

ElainAiolia

天藍,
Sorry，上次匡匡同昊藍一齊上畫班，我都無同佢o地影相，但剛過去o既星期六，我有幫子聰同昊藍影o左video，你check o下e-mail 。

昊藍打敗仗，要休息多D至得，起碼開開心心玩埋個中秋節至病，都好o羅。小心身體！

626mama,
星期六，我o地係協康玩得好開心 （等我引o下你先），但如果你同軒軒o黎埋一定仲開心o者 。

hongmimi,
今朝見你都好精神 ，原來同匡匡一齊中o左招，飲D蜜糖水潤o下個喉嚨可能會好D。你o地使唔使請醫生飲茶 ？

ElainAiolia

天藍,
Sorry，上次匡匡同昊藍一齊上畫班，我都無同佢o地影相，但剛過去o既星期六，我有幫子聰同昊藍影o左video，你check o下e-mail 。

昊藍打敗仗，要休息多D至得，起碼開開心心玩埋個中秋節至病，都好o羅。小心身體！

626mama,
星期六，我o地係協康玩得好開心 （等我引o下你先），但如果你同軒軒o黎埋一定仲開心o者 。

hongmimi,
今朝見你都好精神 ，原來同匡匡一齊中o左招，飲D蜜糖水潤o下個喉嚨可能會好D。你o地使唔使請醫生飲茶 ？