2005年出世或~宏福幼稚園媽咪~~~入黎一齊傾計丫。 (PART 2)

wendyugar

仔仔於今年入讀K1，校車周姑娘都幾好,有問必答,仲會同我講仔仔依家坐校車情況,而我就8:35上車跟住就5:05落車,時間可以接受.

wendyugar

Ｈello,

我仔叫Jasper都係Miss Maggie教，返青怡全日班Apple組,我諗佢地有機會係同學仔,如果係就真係好,大家媽咪可以互通消息

仲有我收到話要帶相summer holiday嘅相我都預備好了,但我無收到話要預備六角型顏色筆,究竟係咪要？

原帖由 希望05 於 08-8-27 14:30 發表
wendyugar

Hello~你好呀,你係咪都係在青怡返全日班啊.請問你仔仔叫咩名及讀那一組呢?

我仔仔叫孝孝,今年在青怡依邊都係讀全日班,係Miss Maggie教的.

wendyugar

Hello,
真係好,我仔係Jasper , Apple組真係要好好互通最新情報,琴日收到話要整花燈,真係有難度,依家仍在諗計中,各路媽咪有無好提議.

原帖由 rplyan 於 08-8-27 16:37 發表
wendyugar

你好呀, 我個女旻旻同希望05個仔仔同一班但唔同team,
得閒入o黎傾下計, 大家媽咪可溝通下都仔女心得.

wendyugar

dordor1207,

雖然我唔知發生乜嘢事,但希望你要開心地面對一切,化怨恨為力量,若許可以的話請平心靜氣地同對於傾吓,若真係無得傾就要好好咁抽多啲時間陪個仔,因為母愛好重要，男人始終唔夠細心，一切應以小朋友著想呀！

原帖由 dordor1207 於 08-8-27 12:11 發表
開 part 2 就好啦.. 我真係頂唔順改極都改唔到..係呀.. 我有剩左好多宏福既物資係度.. 唔知你地有無用呢.. 我就咁無左 1900 蚊.. 唉....

同埋我好唔開心, 好唔捨得我個仔無讀宏福.... but... 呢o的事日後都與我無 ...

wendyugar

Dear 希望05，

Thanks! 咁孝孝係咪同Jasper一組呀？

原帖由 希望05 於 08-8-28 13:23 發表
wendyugar

粗六角顏色筆要9月中有工作紙做時,才開始用.我諗遲下Miss Maggie會正式通知大家.

wendyugar

最近感冒菌好勁,真係要小心希望旻旻快D好返啦！原來你都係帶旻旻睇Dr Chow㗎！依家Dr Chow有限時㗎,即使是係度睇症最後都係7:00.

原帖由 rplyan 於 08-8-28 13:39 發表
各位,

旻旻今日冇返學因昨日黃昏突然發燒100.4, 吃藥後已好點, 但今早又再燒100.8, 下午要看青衣城dr chow, 希望佢快o的好番, 否則星期日我驚去唔到玩.
( 我地好想去呀)

(dr chow現在好似下午4:00才係青 ...

wendyugar

希望05，
我真係好開心呀！等我今晚問Jasper有無同孝孝及旻旻玩先，
咁你有無去到較早前有兩日家長陪同上課呀？即9:00-10:00一個鐘識應班呀？Jasper就係果個點都要媽咪同Daddy陪嘅嗲嗲仔,佢第一日仲捉住Daddy隻腳點纒到實，我諗如你在場嘅話你應該見過Jaspser同我。

原帖由 希望05 於 08-8-28 13:49 發表
wendyugar

係呀,Jasper同孝孝是同班同組的.而且大家都係全日班,即係一齊食飯一齊午睡添呀~唔知佢地fd唔fd呢?
rplyan的囡囡旻旻都係同我地一班架,只係另一組.但係有時都會兩組一起上堂,所以Jasper都會識旻 ...

wendyugar

All Mama,

要做燈籠及帶相我都知,可能Jasper係K1新生的關係,所以Ｍiss Maggie都有打電話畀我講Japser校內程況,而响communication book都有寫佢的點滴,我諗可能miss maggie未放啫,不過毋須擔心，我地班mama一於互通消息,好好溝通！

原帖由 rplyan 於 08-8-28 14:01 發表
all mami,

你話點算, 又話得一班k1(青怡), 旻旻&孝孝同班只不過唔同team, 但"希望05"又知道做燈籠, 六角顏色筆及9月中做工作紙, 旻旻條team就冇提及過, 所有o野都係希望05講先知, o甘點算定話老師新好多o野未上手.: ...

wendyugar

原來孝孝係舊生,咁即係已經有好多玩得埋嘅同學生,咁加埋Japser一齊玩呀！而且我相信响小朋友的世界裡好快就會成為朋友。

wendyugar

Please try DHL

wendyugar

Hello ElainAlolia,

今年花燈同樣係環保,對我來說同樣是超難,因我是全無藝術創作細胞,不過話明要親子都要加番兩錢肉緊,話好靚我諗就no way,希望無肉酸.

wendyugar

Dear 希望05,

我琴晚問Jasper有無同孝孝玩,佢話有呀！仲話鐘意同佢玩,都唔知好唔好信,但後來我再問,咁你有無同咁旻旻玩,佢就話無,睇怕佢真係有同孝孝玩,等我今晚再問清楚先。

wendyugar

希望05,
我唔知Japser响學校老師叫做Jasper或佑佑,可能孝孝唔知佢叫Jasper所以你可以問佢佑佑,但Jasper同我講話老師係叫佢Jasper,所以你不妨兩個名都試試。

rplyan,

旻旻無事真係好,不過你記住叫旻旻飲多D水,最緊要多休息.

wendyugar

rplyan,

我覺得佢地應該係認識,只係唔同組,應該好快玩埋,等過多兩個星期,再問下jasper先。仲有我早兩日响communication book見到Miss maggie寫Jasper的校內情況，咁我前日寫咗D闗於Jasper响屋企講畀我知校內發生的事,其中一件是因為Japser同我講話Ｍiss maggie畀佢帶車仔返學校同同學仔玩,我以為佢自己作,點知Miss maggie回應話真係可以比佢帶,原來Japser講真㗎,你話我幾老土呀！以後都要信佢所講嘅嘢,同埋呢本communication book幾好,即使我唔可以同jasper返學都可以用文字同miss maggie溝通.

wendyugar

希望05，
等我今晚問吓,有最新消息再話你知。

wendyugar

希望05，
我問過Japser佢話miss maggie係有本薄記低佢地嘅嘢,我問係咪邊個唔聽話時,就記低話畀媽咪知,佢話係呀！咁我問佢咁Miss maggie有無記低你的百厭嘢,佢就話無,我好乖呀！真係認叻就no,1,都無佢咁好氣。

仲有我想問吓孝孝坐校車車牌號碼幾好，jasper就係JC3668,如果一樣咁佢地應該好易埋。

wendyugar

626 mama,

Jasper由於是新生的關係,一早我己向學校申請畀佢於8用份坐校車不過只限單程，我仲畀埋工人份錢,因我怕佢會喊,最後工人只係陪佢兩日Jasper無喊,工人就無陪,所以佢都識應得到,不過工人姐姐同我講話今日轉咗架大小小嘅車,送Jasper上車時仲有3個小朋友己經坐咗响度,都係8月份同一個司機,只係唔同車。

wendyugar

626mama,希望05,
我諗諗下,軒軒同孝孝都係早過Jasper塔校車,若果都係同一架校車咁即係話姐姐見到嘅３個小朋友,有機會係孝孝同軒軒.
我諗學校都曾經教過睇醫生,因為Ｊasper佢响屋企攞起玩具聴筒話同我聽心跳,不過就無孝孝咁叻仔,扮心跳咁過癮.

wendyugar

希望05,
因為我好有誠意同Miss Wai講因我住得唔近學校,朝早返工時間好難有的士,所以希望學校代安排,最先老師都怕Jasper會喊,而我亦唔放心咁就同Miss Wai講我可唔可以畀埋姐姐的錢同塔,後來學校好好就幫我安排,不過由於是8月所以只得單程，9月就有來回.真係好開心㗎,亦都好多謝學校,我諗學校真係會不斷改進,最受惠當然是大家及小朋友啦！若真係有全日班專車都好,不過我諗真係有難度,因為全日班唔係咁多人坐校車,所以只好連同上下午一齊塔。

wendyugar

希望０５，
若今年我收到我都會同樣反映,希望能爭取得到。