08 / 1E 大紅花 園地

小樹熊

我囡囡 Christy 係 1E 大紅花班啊~

唔知呢度有冇同班同學仔的 Mami 呢??

Christy 返咗兩日學都好適應，只係朝早七點起身覺得早咗D，而送完家姐返學就要送細佬返學，咁又輪到細佬返幼兒園好早....

我係在職媽咪，依家覺得幾大挑戰，又要送佢地返學，又要返工，又要接放學仲要照顧家務......

希望大家交流吓啦~

小樹熊

原帖由 晴晴的媽媽 於 08-9-3 11:45 發表


Hi 小樹熊，

我囡囡是Grace 也是讀1E 大紅花班呀！

我都是在職媽媽，也是自己駕車送囡囡返學，因為搭校車真係好早，而家10分鐘車就到，囡囡也是大約七點起床。

不過，我實在無你禁勇敢再生第二個小孩！

你 ...

晴晴媽咪,

妳好呀! 絡於有 1E 班家長喇~

我情況都幾頭痛，我先生係外地做野唔係香港o架，姐姐都冇喇~ 剛走了，剛開學都係自己揍，但好在我公司都係向流浮山果邊，暫時放學就係 time-off 倍佢，呢個星期都係放半日。

下星期開始就會拎 3:30 - 4pm time-off 去揍佢放學，然後會帶埋佢返公司到 5pm，收工走多轉去揍細囝......

好似好癲咁，但係冇辦法家庭因素所以都希望自己試咗睇吓攪唔攪得掂先，好在我個 GM 好体諒而且公司又爭我太多補假。

下星期就真係大挑戰喇，要攪埋 lunch 比佢帶返學，希望攪得掂啦~

夠鐘去接佢喇~ 一陣再傾!

小樹熊

原帖由 晴晴的媽媽 於 08-9-3 14:21 發表


Hi 小樹熊,

禁真係幾煩喎！點解唔俾個囡在學校吃飯盒呢？
我就真係好怕係早上又要準備早餐、午餐，重要係趕時間 ，你間公司真係好好！我今年農曆新年帶我囡上公司做功課，只係一日禁多，都有微言！更唔好講話中途請假去 ...

晴晴媽媽,

因為我自己平時都係帶飯返工食o架，而囡囡係暑假期間都比佢晚飯時試咗好幾次用飯盒食，佢都好適應，我都係想佢試咗帶飯先，如果過一排佢覺得想試吓訂飯就會比佢試吓囉。

而公司就因為我 office 係 depot，文職叫做會留係office o既主要得我一個，做野就一個頂三個所以好多野都係大家傾掂佢，都叫有好有唔好啦，自己做得辛苦經理知道o既，所以都好會比個方便我，但係headoffice D同事就係係咁睇囉，我每月都起碼有三、四日要做通宵，瞓得一、兩個鐘朝早又要照常返工，但要補 time-off 就會有同事係上邊寫字樓講囉，不過好彩我自己都唔會理呢D是非，而且一年都只係見佢地幾次所以佢地講乜，傳返我耳咪當聽唔到囉~

下星期放三點半都會帶囡囡返 office 做功課又好、畫畫又好，又或者同其他 worker 玩都好，都係一個鐘o者，希望平平安安攪得掂啦!

妳都係駕車，咁朝早趕唔趕呀?? 放學姐姐接呀? 我呢幾日見放學時都幾混亂呀，如果即刻見到小朋友就話o者，如果唔係好似 Christy 第一日咁跟大隊行到落嚟其他學生已經跟家長走上車咯，而老師又唔知幾時閃埋，我個囡唔識就自己行前想抎我架車，當時我仲係出面塞緊，好彩我眼利見到個囡就cut線入去唯有 double park 住叫個囡上車，我已經同 Christy 講如果係大閘唔見我要留係閘後張大陽傘枱度等我，唔可以自己行出嚟抎，好危險啊~

小樹熊

原帖由 amychoi 於 08-9-3 17:31 發表
小樹熊

妳好嗎? 記得我嗎?

其實妳可以比囡囡留響學校, 等到妳5:00才接她走都可以的, 到10月份應有些課後活動參加, 如參加的話, 到時都要放4:30, 我囡囡上年參加完活動4:30後, 就上圖書館做功課, 等校車5:30才送回 ...

amychoi,

梗係記得妳啦，我其實都係咁打算，但係知道興趣班係第一個月係唔會有，所以都要暫時咁安排先。

我都同 Christy 填咗報名表，希望佢有機會參加啦，我都係諗住如果佢要參加課外活動就可以留校到下午五點咁就會自接佢，後接細囝。

只怕佢報了名但編配唔到佢參加，不過知道原來可以去圖書館做功課等到五點幾先走就安心D，如果可以咁就要我自己 "準時" 收工，五點一夠就要走，如果唔係都唔知點約個囡依時落嚟抎我，到時最多帶文件返屋企等佢地瞓先做，其實依家每月月頭月尾果個幾星期都日日要帶文件返屋企睇、係屋企做，唔~ 長期博鬥將會來臨......

小樹熊

原帖由 amychoi 於 08-9-4 11:45 發表
做媽咪幾咁偉大! 努力呀!

我囡囡昨日小息都同廖心悅一齊食野, 佢話唔見妳囡囡, 如妳囡囡暫未有同學仔一齊, 佢地可約埋一齊傾下計認識下學校.

  

amychoi,

其實星期二、三 兩日 Christy 都有係小息時抎心悅玩o架，夏瑞芸仲有一個梁展諾係 1D 班呀，Christy 都有同佢地玩，咁我咪同佢講除咗要抎舊同學玩外其實都要識吓自己班的同學仔，第時分組做 project 時都容易同其他同學仔相處吓吖嘛。

但係琴日就冇囉，Christy 話老師有野比佢地做所以遲咗放小息，去完洗水間之後就夠鐘咯....

晴晴媽媽,

妳琴日有冇睇過囡囡帶返屋企果份圖功呀?? 關於認識學校o既呢?? 我睇到覺得好得意，估唔到學校會以呢個方法嚟帶小朋友認識學校!

吖~ 不過 1E 班呢度的家長有小心提一提小朋友呀，事原 Christy 琴日放學時，我一接佢就發現佢頸背有幾條好明顯o既血痕，我一上車就即刻問 Christy發生乜野事，佢原先話唔知ｏ架。

但係返到屋企佢猛咁話痛、同好　”叶”，咁我就再問佢乜野事，原來佢話班裏面有個女仔係排隊時突然扯住佢掛係頸個名牌左、右兩邊咁猛搖，Ｃｈｒｉｓｔｙ　已經即係咁佢停唔好咁整佢，但係當時老時就叫佢地靜Ｄ唔準講野，所以　Ｃhristy 冇出聲，佢怕會比老師話......

但係原來果位女同學係整 Christy 之前已經以相同方法整過另一個排係佢前面的男同學，我同 Chrsity 講今日一定要同果位整佢o既同學仔講及要比佢睇吓佢條頸背o既血痕，然後記得要同佢講唔可以再咁樣拉扯同學仔條名牌繩，一定要比佢知咁樣整人會整傷人地o架。

如果妳地睇到 Christy D血痕我諗妳地都會覺得好心痛，不過我都想 Christy 自己返學校處理一吓先，希望佢知邊媽咪冇可能成日倍住佢，係學校佢要學懂點樣保護自己....

小樹熊

原帖由 晴晴的媽媽 於 08-9-5 11:34 發表


Hi 小樹熊,
我有睇過囡囡帶返屋企果份圖工，覺得好好亞！囡囡畫d圖畫，真係笑死人！仲畫埋校長添！ 都是一個好方法加深佢地認識學校!

你囡囡有無話係邊位(幾多學號)?等我也叫囡囡小心d，因為囡囡在幼稚園時已遭過細過 ...

晴晴媽媽,

邊位就唔知喇，因為 Christy 都唔記得佢叫乜野名，淨係話個女仔企係佢前面，咁個女仔前面仲有個男同學，就係咁一前一後o既都佢呢個妹妹整過......

講出嚟其實係想家長記得提一提自己的朋友小心自己個名牌會被拉扯到，佢地D皮咁簿好易損。

琴晚亦同 Christy 講埋其實唔駛怕老師o格，自己冇做錯事老師唔會亂罵人o既，如果遇到問題應該主動舉手等老師睇吓幫唔幫到忙??!

可能之前聽到有朋友話老師好惡、會罰小朋友留堂，做錯事會記缺點聽埋聽埋所以依家佢都驚老師囉~

小樹熊

原帖由 晴晴的媽媽 於 08-9-8 09:43 發表


小樹熊，

原來是禁！我返去屋企都有同囡囡講，佢話睇到christy頸上的痕都真係幾深！我都藉此機會教囡囡有什麼事發生要舉手讓老師知道。

今早你囡囡有沒有著PE衫？因為囡囡話以後學號 1-15 ,每個星期一(上學期)都要穿PE衫，你 ...

晴晴媽媽,

我呢兩日好忙呀~ 都係忙住新開學要幫 Christy 準備D返學用品，仲有細囝果D咁，琴晚就攪到 2:30 am 先至瞓得，因為攪掂佢地瞓之後要做家務同埋執埋囝囝返學D床鋪。

今朝 6:15 起身都唔係幾夠時間用，因為要翻熱飯午餐盒，除咗書包仲要帶埋個飯袋其實都幾重，我為有提 Christy 記得飲多 D 水，如果唔係支水就白拎O架喇。

上星期五果日接放學 Christy 都有講今日要著運動衫，但就冇妳囡囡講得咁清楚 1-15 號 逢星期一著，今晚要問清楚 Christy 先!

都有同 Chrsity 報小型網球，係佢自已選o既，不過都唔知收唔收佢，仲有個体操都係話 17/9 選拔，但係 Christy 都冇學過，只係有興趣玩唔知選唔選到佢呢??

今日我唔可以去接佢放學要另外抎家人接，因為我剛驗到有孕，要去檢查一吓驚有問題呀......

希望今日係 Lucky day 會有好消息啦~

小樹熊

原帖由 晴晴的媽媽 於 08-9-8 12:13 發表


小樹熊，

一個人照顧兩個細路真係幾辛苦！努力加油!
你真係好勇敢呀！我生左小女一個都已經怕怕！

我本來替囡囡報了參考體操校隊選拔賽，後來佢爸爸話怕佢太辛苦，於是說服了囡囡，等佢今年適應了小學才再作打算！

我聽小二的家 ...

晴晴媽媽,

咁樣係咪 "當" 佢已經收咗?? 因為 Christy 都已經問住我小型網球幾時上??

不過今日 Christy 冇返學呀，食哂早餐、換埋校服臨上車無端端嘔仲話好辛苦，卒之帶咗佢去婆婆度休息，一陣要返去接佢咯......

妳囡囡交咗敬師咭同埋燈籠未??

Christy 都未，佢話冇心情喎，等好返D先啦~

[ 本帖最後由 小樹熊 於 08-9-9 10:26 編輯 ]

小樹熊

原帖由 晴晴的媽媽 於 08-9-9 10:38 發表
小樹熊，
昨天問了囡囡，佢話佢無得參加小型網球，要參加中國舞，因為小型網球太多人參加啦！而且上學期每個星期一都要帶技巧鞋上中國舞喎！你問一下christy 昨天老師有無同佢講?

昨天手冊前面校訓果度貼了一張紙是列出以後art ...

晴晴媽媽,

Christy 琴日同今日都冇返學，因為腸胃炎同發高燒 (103.4) 明天都會請假要比佢休息吓，呢兩日佢淨係瞓、飲水、食葯、嘔，跟住都係大昏迷......

星期一咪著体育衫o既! Christy 話老師要佢地拉荕，仲示範比我睇，笑到我肚痛，因為佢做到成隻烏龜咁，好好笑~

不過就冇講要帶技巧鞋，一陣等佢瞓醒問吓佢先~

我諗如果星期五佢 ok o既會比佢返學，咁日叫好D o架喇，瞓醒就話好肚餓，因為琴日全日都冇乜野落到肚，依家就仲瞓緊，希望瞓夠喇，會好得快d啦~

小樹熊

原帖由 晴晴的媽媽 於 08-9-11 09:40 發表

小樹熊：

昨天囡囡回家已經即刻話俾我知，christy無返到學，仲問我佢點呀?等我今晚返去話佢聽。  好好地讓christy休息下，食左藥，再休息多d，好快就會好呀啦！祝您(Christy)早日康復！

昨天有三份通告，一份是訂閱 "Hi Charlie"要交165元，星期五小息要落去操場佢地的counter交的，此訂閱需填寫一份form及支票，我在學校網又好似未見到有，或者你要打電話問一問學校。另外兩份通告就可以在網上查看。

至於功課，phonics k 已做到p.4-9啦！另外有兩張是中文科普通話拼音的工作紙。

晴晴媽媽,

多謝關心小囡啊~ Christy 叫做好返好多o架喇~ 不過今朝七點幾就起咗身話個肚好痛，不過係冇得痾果種痛，一陣 lunch 我佰返屋企睇睇佢點，依幾日都要麻煩婆婆照顧佢，因為琴日我都唔舒服......

其實琴日我都有返過學校幫 Christy 拎工課，但係就得一張中文工作紙 (係臏單韻母 a / o / e) 不過就冇通告啊，我入校網睇過都唔見 1E 班有工作資料?! 原來有咁多野做啦?? 一陣都要打去學校問吓先得，因為都預咗要返去幫佢拎功課，真係唔該哂妳話我聽，要幫 Christy 跟跟先得喇~

小樹熊

原帖由 goodbaby 於 08-9-11 11:08 發表
你好, 我係1a班bantony媽咪呀, christy 係咪食學校o的飯o架?  我個仔呢兩日都係話好tired, 肚痛, 噚晚都冇o的燒呀... 唔知會唔會o的食物唔衛生...

你個女christy今日好返o的未呀?

...

goodbaby,

Christy 係帶飯o架，佢今次唔舒服應該係星期日家庭聚會時被傳染，果日有個表妹仔一個下午嘔咗六、七次仲要次次都嘔到一地係果種，當時係一班老表圍住玩緊，佢一嘔完我都疏散咗我兩個小朋友同埋另個家姐兩個小朋友上咗我屋企直到食晚飯時先至叫佢地落返嚟婆婆屋企，不過真係太近啦，同場的五個小朋友三個明顯中招，我家姐的兩個小朋友星期一就高燒、痾、嘔，我家 Christy 就高燒同嘔，細囝就淨係話肚有 D唔舒服，不過佢就冇燒同埋幾精神......

我都唔係好妥，琴日去睇醫生時已經即時同家庭醫生講埋其他家人陸續出現的情況，醫生話咁嚴重最大可能係諾沃克喎，所以同醫生講叫佢開多日 sick leave 比 Christy 想等佢真係清咁 D 先至好返啊，真係唔想佢帶菌累到人......

不過琴日見佢真係好返好多，冇嘔、冇痾亦冇再發燒，只係倦D要瞓覺咁囉~

[ 本帖最後由 小樹熊 於 08-9-11 12:33 編輯 ]

小樹熊

晴晴媽媽,

琴日睇到妳講 Phonics K 的功課係 Lunch 返屋企時已經即刻同佢做咗喇，唔該哂!

仲有都唔該哂妳教我點 check 功課資料，就係漏咗一個 step 仲以為有資料 upload 上去 tim~ 原來係我自己唔識用.....

琴晚同 Christy 做功課佢都好掹掙呀，因為全日都都冇正日休息過、當然係冇瞓午覺啦，因為婆婆上咗嚟我屋企係Christy開著電視，Christy 話嘈到佢瞓唔到喎.... 我唯有安慰返佢婆婆上嚟照顧佢，佢老人家冇世藝唯有睇電視啦，如果下次又係咁應該要主動同婆婆講一係請婆婆細聲D、一係請婆婆係廳到睇咁就可以瞓到覺啦。

同佢一路做功課，佢一路話好倦、好眼瞓呀，投訴咗好幾次終於做完，一刷完牙唔駛幾秒就瞓著咗喇~

吖~ 請問晴晴有冇同妳講星期一帶的技巧鞋係咪指定要粉紅色呀? Christy 話老師講要粉紅色，我就覺得奇怪乜唔係要白色咩?! 唔請妳囡囡有冇講呢? 因為 weekend 要同佢去買咯~

小樹熊

原帖由 goodbaby 於 08-9-11 12:41 發表
哈哈.. 我個仔宜家每晚8:30pm就話要訓... 第朝6:30就起身... 因為校車好鬼早就到(7:20)...

goodbaby,

嘩~ 妳囝囝咁好 8:30 就要瞓覺，如果我自己煮飯呢，七點零鐘食完就可以 9 點零瞓覺，但係如果落婆婆家食飯呢就要等埋其他家人，一般 8 點幾 9 點先至食完，返到家同佢地一齊執吓書包、玩吓，睇吓圖書，依家一定要佢地 10:30 熄燈，不過琴日同 Christy 做完功課都 10 點幾，Christy 瞓咗輪到囝囝請我倍佢玩飛行棋，因為真係一晚都冇乜倍過佢，所以都倍佢玩咗一鋪得一隻棋的飛行棋，雖然有小小抎佢笨，一切從簡又等佢玩快 D，當然要比佢 Win 啦~ 不過做大人的應承咗就要做，都係花 5、6 分鐘啫，完成佢心願咁佢又開心D ，亦瞓得快 D。

不過我就攪掂佢地瞓之後我又要彈起身做野，差不多兩點先瞓，今朝又要 6 點起身，好倦呀......

小樹熊

原帖由 goodbaby 於 08-9-12 11:51 發表
係呀, 佢8:30-9:00一定會訓, 但weekend就會夜小小, 我個情況會比你好小小, 婆婆會cook好飯比我個仔食先, 跟住會等我放工帶佢返我個屋企(我地住得近)..所以我一返到去就乜都唔做同佢做好功課先, 如佢ok我就會叫佢讀小 ...

goodbaby,

其實我同婆婆都住得好近，同一個村屋屋苑，相隔三座，婆婆同公公其實搬咗上梓木頭好耐，一個月先返香港一、兩次，不過今次咁o岩我 part-time 做奧運D duties 所以佢專登留底幫我幾睇日，又咁唔好彩 Christy 又病埋......

如果婆婆同公公返咗香港我就例必會落去佢度食飯，但係佢地一上返去我會同我細佬講我唔落去食咯，因為真係唔想等人等得太夜，時間唔見多，自己係屋企煮小朋友又可以玩、睇圖書做佢地想做o既嘢，時間見使好多，但婆婆度食淨係等嚟等去都成個鐘咁滯，婆婆明天走我又可以係自己屋企煮，雖然要自己煮但係小朋友都鐘意留係自己屋企多D~

我細囝 4歲半，過多個星期我要檢查多次，如果好運o既希望我家可以增多一名小成員，如果真係咁我個自立大計就實行唔到喇~ 要再抎姐姐幫手咯~

小樹熊

原帖由 晴晴的媽媽 於 08-9-12 11:52 發表


hi 小樹熊，

我聽囡囡講話是技巧鞋(白色)而唔係粉紅色的芭蕾舞鞋喎？

唔知其他1e班家長知唔知呢?

晴晴的媽媽

晴晴的媽媽,

唔~ 有估怪啊!! Christy 話係粉紅色技巧鞋，如果係咁我會過隔離問吓其他班老師叫帶乜野鞋，我知道 Christy 上過中國舞仲話要拉筋......

明天問咗先算~ 唔該哂

小樹熊

晴晴的媽媽,

請問今個星期究道邊日要著運動衫呢?? 淨係記得 17/9 係選拔，咁幾時仲要著運動衫呢??

其實有D堂淨係個time table都唔係好明......

仲有今朝我唔知醒起身，一扎醒已經 7:05 分，嘩~ 即刻彈起身整飯、又要開奶比細囝，又要叫 Chrsity 起身，好趕、好趕、趕到仲要比熱水淥到手...... ，好彩最後 7:35 分出到門口，7:45 返到學校，細囝 Brian 返到學校時先至 7:50分學校都未開門......

經過今朝咁驚嚇o既情況，真係要教多兩個鬧鐘先得，不過可能真係太倦喇......

小樹熊

原帖由 晴晴的媽媽 於 08-9-16 12:20 發表


小樹熊：

我上星期五返屋企再問一次囡囡，佢又話係粉紅色喎！ 但我問佢為什麼上次又講話係白色技巧鞋呢？跟住佢又話好似兩樣都得！我唔理佢了！下星期先帶粉紅色芭蕾舞鞋，如果唔對，就等佢俾老師話啦！

另外，請問 ...

晴晴的媽媽,

其實 Christy 都係話要粉紅色，不過如果冇o既就白色都得 我琴日同佢買咗對白色o既，都想買對粉紅色比佢，不過我去天瑞睇就冇粉紅色，請問知唔知邊度有粉紅色買?? 我想今日同佢過新北江睇睇有冇粉紅色買~

另外關於校際音樂節應該學校會出通告叫學生參加啊?! 因為 Christy 學琴間行都有見過係和富o既學生經佢地報名同埋得獎，但我記得好似係學校會同妳報名但係唔會派老師倍參加o既同學去 (就好似校際朗誦節咁樣安排)，不過詳情都係問一問d高校家長好D~

小樹熊

晴晴的媽媽,

哈~ 哈~ 哈~ 原先要問o既問題已經找到答案喇，原來係派咗兩盒字咭返嚟

[ 本帖最後由 小樹熊 於 08-9-16 21:18 編輯 ]

小樹熊

晴晴的媽媽,

妳睇咗英默範圍未?? 我會今晚開始同 Christy 溫，續日溫一D希望佢易D記得啦~

唔同 Christy 做咗幾日功課，發覺佢 D 功課真係要家人倍住做O架，因為就算寫咗手冊都要同佢解題，佢以前 K3 時係可以自己完成家課，我就間唔耐埋佢睇吓佢就得，依家就唔得咯~ 連帶細囝 Brian 做功課o既時間都拉長咗......

小樹熊

原帖由 amychoi 於 08-9-17 12:03 發表
小樹熊

囡囡都係上左1年班半個月, 可能未掌握到, 慢慢來啦! 遲些會明解的.

amychoi,

係囉~ 真係要大家慢慢適應，琴晚係同 Christy 上 / 下半場咁做功課，飯前做咗大部份，飯後再做埋淨返少少，然後先至同佢一齊執書包。

不過琴日 Christy 淨咗2/3盒飯冇食到，餸呢就整不多食哂係淨返少少菜，一接佢放學時佢已經即刻同我講喇，佢話開始食飯冇耐好快老師就話差不多夠鐘喇，要收野喎??! 佢話佢跟本未飽不過老師叫收野就唯有收囉~

我唯有叫佢要食快D，lunch 時間其實好少咋，如果開飯準備仲慢吞吞咁就一定唔夠時間食o架喇，卒之琴日接完佢買咗個面包比佢食，佢一路食一路話好好味，可能肚餓關係吧~

[ 本帖最後由 小樹熊 於 08-9-17 12:25 編輯 ]