幼 稚 園 涉 歧 視 自 閉 童

korg

我亦為緊呀仔班主任的說話好好好唔開心.

• 8月時返咗幾日學, 老師察覺到佢同其他小朋友唔同, 於是我將個情況講清講楚. (真係好清楚!!)
• 9月份, 老師問咗我3次, 希希在家會唔會倒玩具. 我都係答好少會咁. 我以為佢都好留意希希, 我只希望佢唔會discriminate 希希就ok了.
• 前幾日, 放學時佢問我覺得希希點, 我話佢有d地方進步, 有d地方退步. 佢即刻問我咩嘢退步. 我話佢多咗d脾氣, 有時又表達唔到想點. (其實我覺得都唔係好勁, 好多小朋友都係咁.) 我以為佢想幫我啦, 原來踏多2腳.
• 老師話: 我覺得佢嚴重咗, (表情好誇咁) ... 已經開咗2個月學(8月返每日1個鍾咋, 9月出水痘呀), 話佢咩都學唔到. 完全唔望人的, 點叫佢都唔彩人, 又唔會同d小朋友玩. 融入唔到d同學... 有冇諗吓去d有識得train佢地嘅學校呀?
• 我解釋, 佢地呢d小朋友係唔望人的, 望就唔係自閉啦, 唔好話2個月啦, 我識有d返咗3年特殊學校都唔肯望人, 因為佢地好驚望人的眼. 唔回應都係佢地嘅特徵. 佢話: 你要教佢的, 我話有教佢... 佢有時會應我的. 可能學校會唔同. 不過佢真係好鐘意返學, 佢好開心.
• 老師話佢都好乖, 唔會distrub其他人, 成日自己玩, 好enjoy. 不過咁唔得ga, 學唔到嘢. (我心諗, 佢識幾多你唔知姐!) 老師話, 要佢識聽指令, 回應老師先得, 我唔知你係屋企有冇做d咩去幫, 不過你要加倍幼力lor!
• "如果我係你, 我會搵d真係幫到佢, 專業嘅學校. 你有冇諗過轉去讀i位呀?" 唉, 我第3次解釋比是佢聽, 我等緊e位, 唔可以又i位又e位.

當時我已經想喊了... 我喊咗2日!! 我感覺到條路唔易行.
之後家長會. 主任同我傾, 問我希希做緊d咩training. 我又再講... 明顯主任真係主任, 我講d名稱佢都知. 令我覺得佢比較了解. 我一再解釋我唔係放個仔係度由得佢, 而係等緊其他學位, 同想佢係度有d小朋友比佢接觸吓. 我冇其他要求! 佢都係要我讀i位, 叫我搵i位學校... 我話我排緊私人的centre, 有位我會走. 佢就叫我讀住先.  

雖然佢地口口聲聲話我地唔係嫌棄佢, 亦唔會放棄佢, 佢係度讀3年都得, 不過我為你著急...

我的確覺得老師係叫我走, 不過佢唔可以直接講! 我有問做老師的朋友, 佢覺得佢好冇愛心, 而家呢個年代, 一定要認識"特別"d嘅小朋友, 唔識教咪學lor, 自己進收自己都要la.

我真係好想即刻唔讀, 不過又唔想一時衝動, 搵到第二間先走.

korg

呢幾日同其他同學仔媽咪傾過, 覺得個班主任真係好有問題, 極之冇愛心同耐性!! 唔好話自閉症, 佢連2歲嘅小朋友係點都唔了解.

尋日去接呀仔放學, 個老師好cool, 連byebye都唔同d學生講. 咁佢有咩理由要求學生懂得禮貌呢? 佢只係想d家長教好晒d仔女比佢咁. 我一定會同學校投訴.

korg

January:

你可唔可以pm我知邊間幼稚園呢, 我唔係要名牌, 係覺得好失望, 冇信心!! 我都希望搵到有2歲班的學校插班, 因為我覺得呀仔enjoy返學. thanks!!

原帖由 January 於 08-10-17 20:00 發表
千其吾好吾開心呀, 我覺得係呢個老師吾夠愛心同吾識handle. 因為囝囝既原故, 我最近識左幾個小朋友既媽咪, 佢地囝囝都係自閉症傾向仲係d名牌幼稚園到返學, 果d老都一樣咁包容同錫佢地d小朋友.
...

korg

penny_li

我真係唔覺得我諗多咗同太多!!!
係咪所有自閉症小朋友都要去S位orI位返學呢? 如果係一定, 我絕對唔會去其他學校. 我都係第一次做自閉症小朋友的媽媽, 上年報N1時我都唔知呀仔係. 一知道, 我都冇停過為佢打算!! 呢間學校我都有問過協康, 當時有位家話OK, 我先比呀仔試吓. 那時我都唔知應該點, 問咗2間屋企附近的學校都話full, 有d只有K1-3. 所以先比呀仔去讀!

我有同班主任講, 想比呀仔試吓. 睇吓佢得唔得. 希望試一個學期. 未返足2個月, 佢已經對我講: 佢完全唔肯望人, 唔回應自己個名, 唔聽指令, 咩都學唔識!!

佢唔識教自閉小朋友唔緊要. 佢教唔到我個仔都唔緊要. 但佢的說話同態度, 絕對唔係一個幼兒園老師應有的. 講真, 自閉症的確普遍咗, 辦教育的, 係咪都要面對新一代的問題呢? 唔理唔學係咪就最醒? 如果個個"正常人"都唔肯接受, 唔肯了解自閉症, 係咪就啱呢？　

我亦講清楚我排緊其他密集式training, 亦有其他training做緊... 點解身為幼兒老師咁冇耐性同愛心? 佢對咗我個仔,個幾月, 我個仔一眼都唔望佢, 佢係咪都要檢討吓自己呢? 如果唔想浪費時間, 係咪一出世就sent佢去特殊學校最唔浪費呢? 我有交代而家係試吓... 我見到我個仔每日都好開心行入學校, 有d都仲喊住入去. 我先照原定計劃試一個學期. 呀仔2歲半, 我只係想佢有d小朋友係身邊相處吓, 唔駛留係屋企咁悶. 咁都係浪費時間?

而家知佢係點, 我真係唔想再浪費時間比d冇愛心嘅人身上, 以免呀仔學佢冇禮貌, 態度差...

加上, 班上唔係得我一個不滿班主任, 佢教小朋友有秘密唔好講比媽咪知; 投訴一個得2歲的女仔刁蠻,任性, 冇禮貌, 唔守規矩... 等多宗罪. 咁嘅老師, 你認為我諗得到咩??

我將呢件事, 向很多人詢問(社工, 治療師, 家長, 老師等), 係咪我有咩唔啱而自己唔知. 一致認為係班主任的問題. 我唔係要win. 而係真係好傷心!!   

我知有好多人都建議去i位學校讀普通位. 但我都聽到有媽咪說i位學校都未必鍾意再多收呢類學生. 所以我都要問多d, 見咪校長先比呀仔讀.

呢d都係有咗經驗先知道! 雖然我仲係好嬲遇人不淑, 不過都努力為呀仔打算!!

原帖由 penny_li 於 08-10-19 00:05 發表
睇完妳d野, 老實講真係唔好諗得太多同多左, 其實就算去e位, 都可選有i位的學校讀普通位, 那裡的普通老師都是有經驗照顧這些小朋友, 只有好處, 而無一害, 主任可能只是覺得不想妳浪費時間, 黃金6年很快過, 普通的老師 ...

korg

hi all,

我囝囝在那連鎖式學校返咗3個月, 我同主任compliant咗個班主任後, 我就退學了. 因為主任又求又解釋個班主任係第一年教2歲.

退學時都有另一間學校收呀仔, 雖然好遠車程, 但真係非常之好. 不過唔係normal 幼稚園, 算係special school. 所以每位老師都好pro, 好有愛心.

講番那位班主任, 我而家其實係想多謝佢令我即時唔想讀佢間學校. 雖然佢的態度同說話令我很難受, 但佢真係唔想教我個仔, 亦令我唔考慮太多下去咗而家間學校.

呀仔當然進步好多啦, 希望大家都唔好灰心同放棄. 幫小朋友搵合適嘅學校比佢地!! good luck!!!