嘩你真係住得幾遠喎!不過西貢真係無乜學校揀!我同你相反我媽咪係住面貢!
我住康逸苑,我搭雙程係$640!我估單程都係平少少。你想嚮邊度落車呀?等我幫你問下有無站?媬姆車既安排好細違心架,佢地盡量安排路程短D。好似我個case 咁,叔叔安排將軍澳線架車出隊道後最後一個站接呀女,所以大約8:25am先上車,而放學就跟觀塘、藍田線,12:35pm到屋企樓下!咁樣將軍澳架車咪唔駛咁耐!媬姆車都係有人跟車,佢地好好架!尤其呀女放學跟B叔叔架車,佢真係好好人!
至於學校好唔好就答唔到你,因為都係返左咁短時間,唔可以咁概括答你!不過 up to now 我都幾滿意!尋日先第一日有份聖經功課--填色,學校都派左通告話呢個星期會開始俾功課。
其實選學校好視符家長對學校既印象,我揀學校都係憑直覺咋!