係咪停止比阿女返 n 呢 ?

三個白白豬

阿女自8月開始返 n (全日) , 每朝返學都喊,同我講數話唔返學,氹佢,同佢講道理都用盡,佢每朝都肯返學,但一到學校條街就開始喊,我真係冇晒計

同老師講 , 佢話比時間佢適應,因返全日時間太長喎 ~
佢每朝入到課室就冇乜喊 (試過兩次喊到嘔).

每日接佢放學,佢又好開心,又識講返當日學左乜,發生咩事....

喊左足足三個月,我究竟比唔比佢繼續返呢間 n 呢 ?

kitcatchi

我囡囡十月開始返N1....頭兩日返學有我陪佢好開心...但係之後就成日都喊要搵媽咪...加上佢係讀下晏...冇得瞓覺所以好炆....到依家返學都仲間中有喊...我希望佢返多兩個月會好D啦

beemaggie221

梗係比佢繼續返喇~

莫講你囡係n1, 我囡而家返k1果時都係咁喊.  日日叫唔返學, 連老爺奶奶都話不如唔好比佢返學一星期, 等佢情況穩定d再算.  我無理佢地, 佢地話你唔好強迫佢上校車喇 .. ..等.  我同老師傾過, 老師話佢上課時情緒好好, 無喊過, 而且故事時間答問題, 她好積極回答. ..我都唔信, 不過放學時又鬼咁開心返黎.
老師同我講,  佢話而家d小朋友好叻架, 佢地知道用喊功, 你地大人就會就範, 如果今次佢地成功, 下次一樣用呢招.  所以大人就千祈唔可以屈服, 等佢地知道喊係解決唔到問題, 要佢自己面對.  現今的家庭通常得一個小朋友, 個個就晒佢, 如珠如寶; 相反, 學校咁多小朋友, 老師比例一對1x, 老師唔會take care咁多之餘, 仲要自己照顧自己, 換是我,都想在家多於學校喇~  一下子, 要佢離開最親既人, 喊~難免的.
如是者, 過左一個月, 我囡而家話:媽咪, 我好鐘意返學呀.

放心喇~比d時間佢適應, 一定得既.  到時你睇見佢自己識著鞋著襪等, 各方面既自理, 你就唔會心痛佢而家喊成咁喇.  或者, 你也問問老師佢上課時情況, 咁你會安心d

原帖由 三個白白豬 於 08-11-7 22:15 發表
阿女自8月開始返 n (全日) , 每朝返學都喊,同我講數話唔返學,氹佢,同佢講道理都用盡,佢每朝都肯返學,但一到學校條街就開始喊,我真係冇晒計

同老師講 , 佢話比時間佢適應,因返全日時間太長喎 ~
佢每朝入到 ...

Gmajor

好應同beemaggie，我個囡都係n1，初初都係咸，依加不知幾鍾意番學，學校鐘嚮，即刻錫我幾啖，跟住同我bye-bye，佢d同學都係咁，你要忍心少少，為佢好，要開始學習！努力呀！我地支持你架！

carol716

小朋友真係好醒架, 由其現在的小朋友, 我個囡現在讀緊2歲n班, 最初返學咪又係咁...日哭夜哭, 又話唔返學, 適應期3星期返9:30, 我家姐湊佢返學, 一入到去就哭到七彩, 日日都要換衫(日日哭到嘔), 第四個星期開始習慣, 由我自己返工前湊佢返學, 佢唔知係咪蝦我家姐, 定係佢習慣左, 又知點哭都無用(我無理過佢, 由得佢哭), 差幾日就夠一個月, 佢就已經知道無用, 又習慣左...現在一同我講bye bye就跑入學校玩唔理我啦...仲日日同我講好鍾意返學...激死

原帖由 kitcatchi 於 08-11-7 22:26 發表
我囡囡十月開始返N1....頭兩日返學有我陪佢好開心...但係之後就成日都喊要搵媽咪...加上佢係讀下晏...冇得瞓覺所以好炆....到依家返學都仲間中有喊...我希望佢返多兩個月會好D啦 ...

sixlau

我個女都係9月開始返全日N1.佢當初都係喊左好耐.直情係班上大叫,喊得好利害果隻.老師要日日打電話比我.到依家佢進步左好多啦.只係分離個刻佢先至喊1,2聲.之後好快無事.放學佢都好開心.所以我覺得佢唔係唔鐘意返學.

佢之前喊得好利害果時係我帶佢返學.後來我阿媽同我講可能佢成日以為我會唔理佢,把她放在學校就會走.所以後來由婆婆帶她返學.真係好似喊得無咁利害.之後過了一排,等佢情緒穩定左依家先由我帶番.

你再比d時間你小朋友.慢慢來,千其唔好灰心呀.有乜問題你可以問下老師,我諗佢地會比到意見你的.

三個白白豬

我都同老師講過,因佢係班中大仔,自理比人地優,加上屋企有個細佬,佢都會照顧埋佢.
所以老師口中的家姐 ,只係答我可能分離時間太長(全日9:00-16:30),唔習慣.
但己三個月,情況都未見好轉(朝早喊),所以我就諗住同佢轉返其他半日學校會唔會比較合適呢 ?

蜜蜜

原帖由 三個白白豬 於 08-11-7 22:15 發表
阿女自8月開始返 n (全日) , 每朝返學都喊,同我講數話唔返學,氹佢,同佢講道理都用盡,佢每朝都肯返學,但一到學校條街就開始喊,我真係冇晒計

同老師講 , 佢話比時間佢適應,因返全日時間太長喎 ~
佢每朝入到 ...

Pls find out the reason why ur girl cries for 3 mths, usually children cry for few weeks if they have isolation problems. my girl went to nursery for 2 weeks, she started to cry on the 3rd day. which is quite strange for my girl 'cos when she went to playgroups, she never cries even that was the first time she went there, she was fine without me in playgroups. so i put a mp3 in her school bag to see what had happened to her in school. finally, i found the school was dull and totally useless, 'cos it's kind of daycare more than a school. even in 2 hrs class, they did nothing, but asked the students to play toys on theirown and took them to playground. the teachers and other assistances were talking on their own. so i stopped let her to go that nursery and let her got back to her playgroups which i think she can surely learns more. this is only my point of view.

060905

媽媽俾小朋友長大啦, 佢返n1喊, 你想唔帶佢返學, 咁佢讀k1又喊, 你係咪都唔俾佢返??

我好明白個種心痛心情, 我個女今年9月返n1時朝朝返學, 我一話走, 佢就喊, 足足喊左1個月, 1個月後, 唔單止無喊, 如果你唔俾佢返學, 佢反而喊呢, 小朋友係要放手俾佢成長架, 媽媽！

[ 本帖最後由 060905 於 08-11-28 12:47 編輯 ]

waiman222

我阿囝11月開始返N班, 初初都係返學到放學都會喊, 但喊左一個星期後, 現在放學已經無喊了, 只係返學是喊. 其實
佢都差不多喊了一個月, 不過現在返學都會喊, 但我依然堅持要比佢返學囉, 需要見到佢好慘, 但這是佢必須要面對及成長的, 所以你都要努力, 加油.

ericby

don'y push her to go to school, it may affect her learning interest, i think

jk923

原帖由 060905 於 08-11-28 12:45 發表
媽媽俾小朋友長大啦, 佢返n1喊, 你想唔帶佢返學, 咁佢讀k1又喊, 你係咪都唔俾佢返??

我好明白個種心痛心情, 我個女今年9月返n1時朝朝返學, 我一話走, 佢就喊, 足足喊左1個月, 1個月後, 唔單止無喊, 如果你唔俾佢返 ...

好贊成，雖然我2個返學都無喊，但我想話你知，有d小朋友連上小一都喊話唔返學。

cs1673

我個囡下星期一返全日n1, 我最擔心呢樣野.
我都驚到時頂唔順會唔俾佢返. 不過見甘多家長意見, 我諗到時都要硬起心腸先得了!

大考驗!!

yaulinda

我囡囡8月起返幼兒班,
頭兩個月都係日日講數,唔想返學,
一返入課室就開始哭,
多數哭起碼一個鐘,
初時老師都挽吓佢,
但只是暫時停止哭,
老師一放低佢, 佢又再哭,

我奶奶都話肉痛個孫,
叫我唔好俾佢返學,
不如返番playgroup算,
但我明知個囡遲早都要面對,
而且我對間學校好有信心,
知道佢哋係有教小朋友嘢,
因為個囡會在家中唱d我無教佢嘅歌,
所以都忍心堅持要佢返學,

一踏入第三個月,
個囡唔單止無再哭,
而且仲變得好鐘意返學,
返到屋企又話俾我知邊個同學仔仲有哭,
前日佢咳,
我無俾佢返學,
點知昨日一天光已經自己拿書包,
話掛住羅老師, 想返學,

所以我覺得,
如果你認為唔係間學校或者老師有問題,
而係小朋友只是未適應的話,
堅持而肯定地告訴她,
"你一定要返學, 大人一定會來接你",
是有用的!

birdbird111

我b返咗n1四個weeks.. 呢排d情勢好似不受控制咁.. 無拿拿係屋企喊到"痴"哂線.. maybe佢返pm.. 下午又無得訓.. 但佢明明眼訓.. 放學返來又唔訓.. 到食飯時就開始勁喊.. 喊咗半個鐘自己訓著咗.. 呢幾晚都係咁.. 飯都無食.. 只係飲咗小小奶.. 上午又唔食飯.. 不停飲奶.. &食小小包..
真係胆心.. 有無人可以教下我.. 點安排??? 佢每日訓得10-11個鐘.. 其他時間又唔訓.. 勁喊..
返學前好乖ga..  可能有得訓午睡.. help...
但我問過老師.. 話佢上堂都ok.. 係入課室喊小小..
見佢學校d相都玩得好開心.. 佢自己都話返學好玩.. 落校車時都好開心.. 係上校車時有喊.. 真係唔想咁樣放棄唔返學..

bb623623

不如你試下唔好帶佢番學, 搵其他屋企人幫手帶, 阿仔老師講過, 如番學時, 小朋友同佢最愛架親人分手, 佢愈會唔舍得, 反而搵d佢唔重視架人送上學, 佢情緒就會好好多, 不如你試下呀, 等佢習慣了可能會好d.

Mqchris

我個人認為如果小朋友2、3個月返學都大喊，你想點都要睇一睇當中的原因..

1. 你的小朋友是否細女，其實2歲半以下的幼兒, 專家都認為不應該或不需要太早上學, 如果佢係細b的話，又太不適應，都應該小心處理。足3歲上學先係教處本身的原意。

2. 要小心看看老師的態度... 我個人都係做幼兒，小朋友分離係會喊，但喊幾耐就好睇老師的功力。如有無真係用心去抱一抱佢、有適當又有積極性的說話。不是只罵或不理會... 由她哭完。我真的見過有些老師，可能真的太忙，真的讓他自己坐著、呼呼喝喝的、then cry...

如果你可以肯定外在因素不是問題，年紀又不是太細，那好的心理因素是一個原因...改半日都係好事、或者再同老師(可以的話)討論一個良好的分離安排。如媽咪可以陪上 課，接著先離開10分鐘後媽咪會回來...再增加離開的時間....或者在開心的時間媽咪會回來。

我2.6歲的女女亦是這樣學習分離的... 過程良好。 當然老師有心，學校環境都可以吸引都她...

BH_2

我個仔都係從bb開始番 playgroup, 我都估唔到佢會哭得好多...佢由8月開始番到依家, 哭少左, 但早上穿校服都要攪攪震.  不過其實唔代表佢唔喜歡返學.   我觀察左好耐, 都發現:

1. 因為我之前比較有時間, 成日陪佢, 佢會對分離較其它小朋友困難d.  第一個月我自己帶佢在校門口我想走就哭, 而家已坐校車, 係上車時哭一聲, 之後老師說係學校好開心.. 所以俾其它人帶佢番會有效.

2. 如果個晚去街訓夜左 (eg Sunday), 早上叫佢起, 佢就扭, 所以個日最好早少少叫佢, 要預多少少時間穿校服.. 等佢 settle 左先去坐校車會好d.

3. 俾佢自選一件 jacket (因佢學校校服冇jacket, 所以可以任選..) 或帶少少野返, 佢好開心.

4. 可能佢之前上 playgroup 都好多野玩, 在家都係, 所以學校的設備對佢來說唔算新鮮, 冇其它小朋友熱愛番學, 不過我會提佢佢已有好喜歡的老師, 反而好過"番學校好多野玩" 之類的說話.

5. 取佢學校的勞作讚佢做得好, 叫佢唱多d學校教的歌都幾好, 佢會覺得有人欣賞.

6. 當然最重要同老師多d溝通, 睇下老師的睇法.  如果有可能, 請老師vedio 多小小你個小朋友番學上堂的情形俾妳睇下.  (阿仔學校一直都有影d俾家長睇, 不過唔係個別, 只是大圍都有,  我覺得幾好, 起碼有個概念. )

hyto

totally agree!

Because I've got the same experience. My son cired every morning if grandparents brought him to school. But he haven't cried anymore when my maid brings him.

不如你試下唔好帶佢番學, 搵其他屋企人幫手帶, 阿仔老師講過, 如番學時, 小朋友同佢最愛架親人分手, 佢愈會唔舍得, 反而搵d佢唔重視架人送上學, 佢情緒就會好好多, 不如你試下呀, 等佢習慣了可能會好d.