升中選校策略 - 純屬個人意見

khmama

升中選校係一件令人頭痛的事, 大家不妨睇下小妹o既升中策略, 俾o的意見, 希望可以幫到大家。
(免責條款: 如果策略失敗, 小妹概不負責。)


1.  你是否band 1頭? 是, 去第2條。否, 去第4條。

2.  你抽到英中的機會超過100%? 是, 參考策略A。否, 去第3條。

3.  你抽到英中的機會超過50%? 是, 參考策略B。否, 參考策略C。

4.  你是否band 1中? 是, 去第5條。否, 去第7條。

5.  你抽到英中的機會超過100%? 是, 參考策略D。否, 去第6條。

6.  你抽到英中的機會超過50%? 是, 參考策略E。否, 參考策略F。

7.  你是否band 1尾? 是, 去第8條。否, 請參照band 2/3生選校策略 (待續)。

8.  你抽到英中的機會超過100%? 是, 參考策略G。否, 去第9條。

9.  你抽到英中的機會超過50%? 是, 參考策略H。否, 參考策略I。


[ 本帖最後由 khmama 於 08-11-13 22:58 編輯 ]

khmama

策略A:
恭喜你, 你已經踏咗一隻腳入英中! 因為抽到英中機會大, 所以你可以進取啲, 自行選2間心儀嘅超級英中啦! 抽獎第一志願填最心儀嘅band 1頭英中。記住band 1頭英中通常第一輪已經冇晒位, 千祈唔好填第二志願。之後填晒band 1中至尾嘅英中。

策略B:
抽獎機會超過一半, 當然唔好咁輕易放棄啦! Band 1頭考生叩門能力強, 所以你自行可以選1間心儀嘅超級英中, 再選1間心儀嘅地區band 1頭英中, 又或者係2間心儀嘅地區band 1頭英中。

策略C:
唉! 自行真係要俾啲心機。不過band 1頭考生始終叩門能力強, 都唔衰得晒, 所以你自行可以選2間心儀嘅地區band 1頭英中, 如果本區冇咁多英中俾你選, 不妨選一間中西區、灣仔、油尖旺、九龍城或沙田區中上嘅band 1英中, 因為呢啲區嘅band 1頭考生多數進取, 未必會吼中上嘅band 1英中。

策略D:
恭喜你! 雖然band 1中考生叩門能力差啲, 但勝在地區好, 抽獎入英中機會大, 冇理由自行選一間差過抽獎嘅, 萬一真係收咗你咪冇得抽獎? 所以明知冇機會, 你都要選2間地區band 1頭英中。如果收你就當中六合彩, 唔收都仲有抽獎。 當然有啲家長唔想咁搏, 想自行機會大啲, 就應該選2間中上嘅地區英中。記住唔好將價就貨, 為咗自行成功夾硬降低要求, 浪費咗入好英中嘅機會。

策略E:
考生要審慎一啲, 因為手上嘅籌碼唔多, 如果自行同抽獎都落空, 就得兩種做法: 認命 (派到邊間讀邊間) 同搏命 (四圍叩門)。所以你自行可以選2間心儀嘅地區band 1英中, 如果抽獎機會有80%, 可以選2間中上嘅英中, 本區或者中西區、灣仔、油尖旺、九龍城或沙田區均可。 家長如果想搏啲, 選心儀嘅地區band 1頭英中都得, 不過要預咗冇得面試。

策略F:
考生要自求多福, 唔好太心頭高! 所以你自行可以選2間心儀嘅地區band 1中英中, 如果本區冇咁多英中俾你選, 不妨選一間中西區、灣仔、油尖旺、九龍城或沙田區中上嘅band 1英中, 因為呢啲區嘅band 1頭考生多數進取, 未必會吼中上嘅band 1英中。

策略G:
真係要恭喜你! 英中你就入梗嘞, 不過自行你係陪跑, 等抽獎啦! 所以你自行填邊間都冇所謂, 咪照填自己最心儀嗰兩間啦, 反正預咗冇得面試, 一啲壓力都冇。

策略H:
考生要極之審慎, 如果自行同抽獎都落空, 就得一種做法: 認命。自行多數都冇機會, 所以可以選2間心儀嘅地區band 1中上嘅英中, 又或者中西區、灣仔、油尖旺、九龍城或沙田區band 1中上嘅英中。

策略I:
真係要祝你好運! 自行多數都冇機會, 所以可以選2間心儀嘅地區band 1中嘅英中, 又或者中西區、灣仔、油尖旺、九龍城或沙田區band 1中嘅英中。



[ 本帖最後由 khmama 於 08-11-26 22:25 編輯 ]

khmama

多謝大家捧場, 我會放o的實例印證下, 所以會將o的策略加以修改. 請留意最後版本.

khmama

原帖由 jhuiwong 於 08-11-16 18:55 發表
Dear khmama,

i wonder why skipping the 2nd choice option in the allocation system is a good advice, as every band one pupil's choice will be matched according to their preferences.
All band 1 pupils ...

唔好意思, 唔係好明白你既意思, 可唔可講清楚係邊一段, 邊一句?

khmama

1. 你是否Band 2頭考生? 是, 第二條. 否, 第三條.
2. 抽獎成功率 > 100%. 是, 策略J. 否, 策略K.
3. 你是否Band 2中考生? 是, 第四條. 否, 第五條.
4. 抽獎派位成功率 > 100%. 是, 策略L. 否, 策略M.
5. 你是否Band 2尾考生? 是, 第六條. 否, 策略P
6. 抽獎派位成功率 > 100%. 是, 策略N. 否, 策略O.

策略J
抽獎成功率高既地區, 好多時都有英中位留俾band 2生抽, 抽到既機會由10% - 50%不等. 呢啲區既band 1生應該唔會考啲band 1尾既學校, 因為好大機會抽獎入band 1中上既學校, 冇理由自行選一間差過抽獎既學校, 萬一被取錄就冇得抽獎. 所以band 2頭既考生自行應該選2間band 1尾既英中. 抽獎甲部可以搏3間band 1尾英中(全港各區), 乙部第一志願放本區或他區band 1尾英中, 如果有得選擇, 最好避免選有好多直屬/聯繫額但係又好少非保留額既中學, 因為呢啲中學既直屬/聯繫小學band 2生一定會填番自己間中學, 如果直屬/聯繫額唔夠派, 就會同你爭非保留額. 除非你覺得佢既直屬/聯繫額都夠派啦. 第二志願可以填本區或他區band 2頭中中, 其餘既志願都係排番啲校風好既band 2.

策略K
如果抽獎成功率唔高既地區, band 1生抽完之後, 好多時都冇英中位留低. Band 2頭考生自行可以試下到抽獎成功率較高既地區考1間band 1尾既學校, 理由係呢啲區既band 1生較為進取, band 1尾既學校比較容易爭. 另外考1間本區band 1尾英中或中中. 抽獎甲部可以搏3間band 1尾英中(全港各區), 乙部第一志願可以試下填本區或他區band 1尾或band 2頭中中, 其餘既志願都係排番啲校風好既band 2.

策略L
抽獎成功率高既地區, 好多時都有英中位留俾band 2生抽, 抽到既機會由10% - 50%不等.
Band 2中既考生競爭力較差, 自行應該選2間band 2頭既中中. 如果抽獎機會好大, 可以略為進取, 自行選band 1尾英中. 抽獎甲部可以搏3間band 1尾英中(全港各區), 乙部第一志願放本區或他區band 1尾英中, 如果有得選擇, 最好避免選有好多直屬/聯繫額但係又好少非保留額既中學, 因為呢啲中學既直屬/聯繫小學band 2生一定會填番自己間中學, 如果直屬/聯繫額唔夠派, 就會同你爭非保留額. 除非你覺得佢既直屬/聯繫額都夠派啦. 第二志願可以填本區或他區band 2頭中中, 其餘既志願都係排番啲校風好既band 2.

策略M
如果抽獎成功率唔高既地區, band 1生抽完之後, 好多時都冇英中位留低. Band 2中考生自行可以試下到抽獎成功率較高既地區考1間band 2頭既中中, 因為呢啲區既考生通常會考高一級, band 2頭考生會搏band 1尾既英中, 所以band 2頭學校比較容易爭. 另外考1間本區band 2中上既中中. 抽獎甲部可以搏3間band 1尾英中(全港各區), 乙部第一志願可以試下填本區或他區band 2頭中中, 其餘既志願都係排番啲校風好既band 2.

策略N
抽獎成功率高既地區, 好多時都有英中位留俾band 2生抽, 抽到既機會由10% - 50%不等.
Band 2尾既考生其實都好難自行考到好學校, 可以選擇到抽獎成功率較高既地區或本區考校風好既band 2中中中. 抽獎甲部可以搏3間band 1尾英中(全港各區), 乙部第一志願放本區或他區band 1尾英中, 如果有得選擇, 最好避免選有好多直屬/聯繫額但係又好少非保留額既中學, 因為呢啲中學既直屬/聯繫小學band 2生一定會填番自己間中學, 如果直屬/聯繫額唔夠派, 就會同你爭非保留額. 除非你覺得佢既直屬/聯繫額都夠派啦. 第二志願可以填本區或他區band 2頭中中, 其餘既志願都係排番啲校風好既band 2. 不過band 2尾學生入到英中或band 2頭中中都未必係好事, 如果唔想辛苦, 都係入band 2中既中中較好, 千祈唔好勉強.

策略O
如果抽獎成功率唔高既地區, band 1生抽完之後, 好多時都冇英中位留低. Band 2尾既考生其實都好難自行考到好學校, 可以選擇到抽獎成功率較高既地區或本區考校風好既band 2中中中. 抽獎甲部可以搏3間band 1尾英中(全港各區), 乙部第一志願可以試下填本區或他區band 2頭中中, 其餘既志願都係排番啲校風好既band 2. 不過band 2尾學生入到英中或band 2頭中中都未必係好事, 如果唔想辛苦, 都係入band 2中既中中較好, 千祈唔好勉強.

策略P
Band 3生只可以順其自然, 自行可以搏下任何地區band 2尾校風較好的學校. 抽獎甲部可以搏3間band 2中既中中(全港各區), 乙部第一志願可以試下填本區或他區band 2中既中中, 其餘既志願都係排番啲校風好既band 2尾至band 3尾既學校.

khmama

原帖由 bigc 於 08-12-3 13:41 發表
小女band one 頭 5名, 全級3名, 但北區得3間英中, 自選1間大埔英中機會大嗎 ?

大埔有5間英中, 你囡囡成績咁好, 當然可以選大埔既英中啦.

khmama

原帖由 shirleylsl 於 08-12-3 23:39 發表
khmama,

小女學校在黃大仙網, 校內成績屬BAND ONE 但不知是頭中尾(小五時 40/170),在第一輪自行收生時,可以怎樣選擇?
1)協和(本區) 2)旅港
OR 1)協和  2)觀塘官中
是否過於進取?還有什麼建議呢?
因本人對每間學校所 ...

你囡囡可能屬band1中, 協和可以試下, 旅港同觀塘官立機會唔大, 你可以試下選德愛. 下面有o的資料你可以參考下.

Band 1 :

01.保良局第一張永慶中學 (男女校)
Band1頭
校風:Very Good

02.德望學校 (女校)
Band1頭
校風:Very Good

03.可立中學(嗇色園主辦) (男女校)
Band1中
校風:Good

04.聖母書院 (女校)
Band1中-尾
校風:Good

05.德愛中學 (女校)
Band1中-尾
校風:Very Good

06.中華基督教會協和書院 (男女校)
Band1中-尾
校風:Good


Band 2:

07.保良局何蔭棠中學 (男女校)
Band1尾-Band2頭
校風:Very Good

08.文理書院(九龍) (男女校)
Band2頭
校風:Good

09.佛教孔仙洲紀念中學 (男女校)
Band2頭-中
校風:Good

10.香港神託會培敦中學 (男女校)
Band2頭-中
校風:Good

11.天主教伍華中學 (男校)
Band2中-尾
校風:OK

12.潔心林炳炎中學 (女校)
Band2中-尾
校風:麻麻

13.聖文德書院 (男女校)
Band2尾
校風:唔好

14.樂善堂余近卿中學 (男女校)
Band2尾-Band3頭
校風:唔好

15.五旬節聖潔會永光書院 (男女校)
Band2尾-Band3頭
校風:麻麻


Band 3:

16.聖公會聖本德中學 (男校)
Band3
校風:唔知

17.李求恩紀念中學 (男女校)
Band3中
校風:麻麻

18.彩虹天主教英文中學 (男校)
Band3中
校風:唔好

19.樂善堂王仲銘中學 (男女校)
Band3中-尾
校風:差

20.龍翔官立中學 (男女校)
Band3中-尾
校風:差

21.救世軍卜維廉中學 (男女校)
Band3中-尾
校風:差

22.中華基督教會基協中學 (男女校)
Band3尾
校風:差

21.中華基督教會扶輪中學 (男女校)
Band3尾
校風:差

khmama

原帖由 木土土 於 08-12-6 21:33 發表
德望學校真係Band1頭? 我真係孤陋寡聞, 除德望小學, 無聽聞身邊有人Band1頭最終去讀德望, 考到唔讀既就大把.

同意.

德望係直資, 唔記得抹咗去.

khmama

原帖由 shirleylsl 於 08-12-6 22:23 發表
khmama,

多謝你的資料!
如在自行希望選一間他區學校,請問官塘/深水埗有那些選擇呢?

係唔係一定要觀塘同深水埗?

khmama

原帖由 女馬口米 於 08-12-7 11:57 發表
khmama：

您好！小女學校在油尖旺網, 校內成績屬1尾2頭，(因學校計60/170才是 Band1，但其實該校每年約有55-60%入英中)小女成績約80/170。在第一輪自行收生時,可以怎樣選擇?
1)女真(本區) 2)協和(我們居於黃大仙)
OR 1)協和 ...

如果你既成績屬band1尾, 自行要考真光機會微. 但係你間小學勁, 如果考循道機會大o的. 如果跨區去考協和, 全級80機會微, 德愛可以試下.  下面係真光同循道自行收生要求. 你見循道係好睇區內排位, 你間小學勁會著數o的.

循道
2007-2008年度自行分配學位數目︰48

甄選準則︰
1. 教育局提供的次第名單 (50%)；
2. 小學之表現 (20%)︰學業及非學業、校長推薦；
3. 面試表現 (20%)；
4. 與本校之聯繫 (10%)。

真光
學業及學業以外表現50%、面試表現50%。

khmama

原帖由 beauty-wife 於 08-12-1 14:41 發表
您好! 有些問題, 希望你回覆.
選校真的令我好頭痛................唉

我仔仔全級應該70-90/170, 中等吧.
我屬官塘區, 自選學校可選那些呢?
另頭3個志願分別可選那些呢?
我想選基督教學校, 是否有宗教的中學校風都會 ...

唔好意思, 平日太忙, 冇時間覆. 你仔仔屬於band1定band2? 如果屬band2頭又想要基督教, 係得蒙民偉, 呂郭碧鳳可以考慮作自行. 校風好壞同宗教冇直接關係, 係同學生質素有關, 始終o的學生都係抽入去, 所以好學校都會有壞學生. 如果你仔仔係band1尾, 你自行要照選英中搏抽獎, 可以選順利天主教或他區如沙田band1尾英中. 如果係band1, 頭五志願可以選聖言, 蒙民偉, 呂郭碧鳳, 基智, 聖若瑟. 如果係band2, 頭三志願可以選呂郭碧鳳, 基智, 基孝... (待績)

[ 本帖最後由 khmama 於 08-12-13 11:25 編輯 ]

khmama

原帖由 shirleylsl 於 08-12-7 14:41 發表


如果係有咩選擇呢?
係咪因為依兩區競爭大呢?
如果唔係又有邊區介紹呢?
又要麻煩了

觀塘區競爭大, 英中大部分都中上, 冇咩選擇比band1中至尾既學生.深水埗係得聖母玫瑰同德雅較為適合你囡囡程度,但聖母玫瑰既競爭都好大,但都不妨一試.

khmama

原帖由 女馬口米 於 08-12-7 20:28 發表
多謝您的指教，我會好好考慮。


另外，還有其他提議嗎？

又要麻煩了！

油尖旺抽獎機會大,band1尾自行只能陪跑,不如唔好諗咁多,淨係諗抽獎算啦. 如果一定要自行,除咗循道,睇怕只可以選德雅.

khmama

原帖由 OSCAR123 於 08-12-11 14:59 發表
hkmama, 她好, 想請妳幫忙比一比意見
小女今年小六, 屬黃大仙區, 老師已講她屬band 2中 學生, 我想自行選校選兩間黃大仙或九龍城區 band 1 尾既 中中學校, 這樣做風險大嗎? 或是應該選 band 2 頭學校呢?
可以請指教 ...

如果屬band2中學生, 都係選band2頭中中較好, 自行九龍城區可以選真光, 培道同何文田官立. 都係校風很好的band2頭至中既中中. 黃大仙可以選何蔭棠同文理書院. 派位你就填何蔭棠,孔仙洲,交理,培敦,再填他區好既band2. 到冇得選時可以試下填番鄭榮之,林漢光同循道搏下有冇位, 先再填band3.

khmama

原帖由 beauty-wife 於 08-12-15 13:55 發表

我小朋友讀藍循, 其實係點睇間小學屬 BAND幾? 因平均分會有別, 我仔仔約60-80/170全校. 我想佢屬 BAND 2
頭. 蒙民偉當日有同個仔去聽中一入學講座, 但係校長講到
明唔係 BAND 1 唔會約見, 加上佢當日的態度唔係咁好 ...

你應該問清楚老師你仔仔既banding,因為選校策略會有分別. 蒙民偉的確差不多收100%band1, 難怪校長咁大口氣,但呢o的都係時勢做英雄. 基智應該屬band2, 校風OK. 而且係基督教, 合你既要求. 不過你最好問一問老師, 恐防我會出錯. 如果你唔堅持要基督教, 聖若瑟英文中學同聖公會梁季彝中學都唔錯, 可以考慮.

khmama

原帖由 puishing 於 08-12-16 09:59 發表
你好，khmama,想請教一下，我的女兒在中西區一所小學女校下午校讀六年級，成績是3x/17x,該校有直屬band1中學，她的成績直升是沒問題，但我想她跟隨表姐入讀英華女校，不知她搏得過嗎？因爲，聽説，如果不把直屬中學填報首志願的話，萬一 ...

如果你係嘉諾撒聖心或是聖士提反, 就唔使咁搏, 因為呢兩間都唔差, 如果係高主教或者聖嘉勒, 就搏下啦. 你有冇問過囡囡意願? 可能佢鍾意原校直升, 始終讀中學既係囡囡.

khmama

原帖由 Noddy-mammy 於 08-12-15 12:09 發表
Khmama,

小女全級30/160，因為元朗英中只有五間，想自行派位選一開間區外英中，小女運動成績比較好，可否提供一些選擇，女校也可。Thks!

選定咗未? 如果未選定, 心目中諗住邊區?
:)

khmama

原帖由 nicholasmom 於 08-12-14 15:52 發表
khmama,

可以給我意見參考嗎?.
謝謝幫忙

唔好意思, 漏咗你個post. 油尖旺係好區, band2頭有機會升band, 只要考好第三次呈分試就得. 所以自行可以搏下band1尾英中, 如試下循道, 或者九龍城既丘佐榮.

khmama

原帖由 coco-cat 於 08-12-13 23:10 發表
khmama

小兒在灣仔綱，成績欠佳，屬band 2尾，但品性純良，有什麽學校適合他呢？

灣仔區band2尾選擇唔多, 得佛教黃鳳翎中學同鄧肇堅維多利亞官立中學可以考慮, 校風好唔好就最好你親自去學校睇下.

khmama

原帖由 OSCAR123 於 08-12-13 19:05 發表




hkmama, 妳好,
謝謝妳的提議, 但再想問 九龍真光和培道都有直屬小學, 收外來學生的機會會不會少d?

真光小學部得33人, 抽獎已經有26個直屬位, 唔使同你爭自行. 培道小學有103人, 仲係男女校, 抽獎有33個位, 都係比band2既多, 因為band1會抽英中, 所以都唔會同你爭自行. 而且自行30%學額係另外既, 同抽獎分開. 外來生自行可以放心去報.