保良局第一張永慶中學VS中華基督教會協和書院

尹若藍

原帖由 jupierhk 於 08-11-19 21:52 發表
保良局第一張永慶中學VS中華基督教會協和書院
邊間好D???
成績???
校風???
多唔多人爭???邊間少D???

p.s.我係大約係band1頭-中度...係自行分配個度揀邊間好??? ...

jupierhk
成績 : 保記
校風 : 差不多
多人爭 : 差不多 (保記可能會多d , 因有小學跟尾)

保記讀書壓力會大 d , 協記就輕鬆 d 。

如果個小朋友係好鐘意讀書 , 就試保記 , 但係保記得兩班精靈班 , 如果小朋友去唔倒精靈班 , 其他果三班唔會有人特別照顧你 , 精靈班既同學仔會有多 d 受到照顧既機會。(因為有聯係小學 , 所以差距都會幾大。)

協記就活動會多 d , 校風兩間都差唔多 。 但係呢排見到有 d 協記學生著住套校服拍拖 , 情況都幾令人擔心。

尹若藍

原帖由 shirleylsl 於 08-12-4 23:46 發表
尹若藍

你好,小女學校在黃大仙區,屬BAND ONE組別(小五成績全級40名內),若在自行收生階段選旅港及協和, 是否太進取呢?還是有什麼提議,因本人對各中學收生要求不是十分清楚, 謝謝! ...

shirleylsl
你好 , 黃大仙區小學都要睇下邊間 , 因為間間派位都唔同 , 所以就算你小朋友考全級 40 內 , 都要睇埋間小學既排位 , 如果小學排位係前既 , 全級 40 都可以選一 d 好 top 既中學 , 但係相反小學排位後既 , 你都唔敢幫佢選 d 好 top 既中學啦 , 所以小學排名都好重要。

假設囡囡間小學係好 top , 你選協記都有機會 , 但係都要睇埋小朋友面試表現 。
假設旅記 , 因為囡囡唔屬於果區 , 所以競爭會比協記大一至兩倍 , 仲要無左個大抽獎機會 , 同埋入到既機會唔大 , 以我所知旅記收既學生 (自行) 大部分都係 top ten 。

尹若藍

原帖由 shirleylsl 於 08-12-5 13:01 發表
真是十分感激!
小女學校係鳳德聖文x,都唔知學校排位,因為老師建議自行可博他區(沙田,官塘,深水埗),那你又覺得是否可行呢?
又要麻煩你了!:loveliness:

shirleylsl
囡囡間學校响呢區都算出名 , 已往派位都幾理想 , 但係囡囡頭 40 名內 , 老師建議自行他區 (沙田,官塘,深水埗) 就有少少奇怪 , 以我所知頭 40 屬於 band 1 生 , 除非自己有心儀中學响他區 , 如果唔係都應該係呢頭熱門幾間學校試下 , 機會會比他區大 。(個人意見)

尹若藍

原帖由 NO.FOUR 於 08-12-5 17:57 發表
尹若藍 :
請問保一是否有一隊管樂隊?但我今年搵極都睇唔到有關佢O地O既管樂隊消息。
如果有5級單簧管是是否有優勢?
另如果係慈雲山聖文德考10-15名,是否有機會?
謝謝!! ...

NO.FOUR
sorry , 我唔係好清楚保記有無管樂隊 , 有 5 級單簧管幫助唔大 , 因保記成績行先 , 如果數學特別標青 , 收你既機會就會大 d , 保記好著重數學呢個科目。
如果自己有戰績(數學科 , 公開賽或世界數學測試) , 一於報保記。
註 : 保記著重成績多於活動

尹若藍

原帖由 shirleylsl 於 08-12-5 22:52 發表
尹若藍

十分多謝你寶貴的意見, 我會重新考慮自行時的選擇
本區五間英中(除保一外),你會怎樣排位呢?
問題多多,希望唔會太打擾!
(得知你囡囡讀ST.CATH,真是替你高興
你一定放了不少心機吧! ...

shirleylsl
1. 協記 (首選)
2. 國際xx教 (直資)
3. 聖x (學生純樸)
4. 可x (傳聞會跌band)
5. 德x (學生麻麻地)

純屬個人意見 , 希望幫到你。

尹若藍

原帖由 shirleylsl 於 08-12-6 22:26 發表
尹若藍

唔該晒!

希望幫到你。