報皇家鋼琴試﹐是否寫老師做Applicant？

VeryHappyMum

琴行學，琴行會係Applicant;

私人學，老師或家長其一都可做Applicant;

當日我囡考琴，老師幫佢交表，Applicant寫係我，所有考試資料同試後成績都係直接寄返屋企，我再話比老師知。(不過我問過老師，佢自己唔會做Applicant，因爲佢話多學生，記唔到咁多嘢，同埋唔想做信鴿傳話)

VeryHappyMum

1) 合理情況下，小朋友唔怕陌生人 (例如去到麥記，自己夠胆買嘢食。
2) 琴老師比足 briefing，小朋友清楚每一步驟。

做到以上兩點，我覺得可以唔駛揾翻譯，而且 d 考官講得好大聲同清楚 (傻既例外，唔敢包)，考生只係操熟 d 歌同aural ，到時跟住做，但如果本身己經彈到鬼五馬六，到時怯場，就算有翻譯都幫唔得 d 乜。

揾翻譯好似只係比多幾十蚊，但我想小朋友 enjoy多d 個過程，所以冇加翻譯。


題外話 ....... 如果係琴行學，自己又係試場，可以早一兩日落去「裝」吓個考官個樣，等小朋友有心理準備，皆因有d雖然好nice，但外表無奈真係幾嚇人 (好似鐵金剛 d 歹角咁)，聽聞今年真係有人出嚟喊 ，話係比個官樣嚇親。