培正 vs. 民生, any advice please?

ritaloklok

曾經聽過一個講為小朋友選幼稚園既講座, 講者講到, 幼兒腦部發展, 要隨著年齡增長, 才能發展完全, 一般幼兒, 最少要到3歲, 基本腦部先發展完成, 所以太早比幼兒讀書, 可能會因為幼兒腦部發展未完全, 影響他的能力, 而當幼兒不斷失敗, 就會令他對讀書失去興趣; 另外, 幫幼兒選擇幼稚園, 應該選擇一間他返得開心的, 能令他腦部,心智及身體充分發展, 最好能發掘出他的潛能, 令他能於上小學前, 有充分既準備; 幼稚園係比幼兒玩, 而上小學才是真正讀書~

培正及民生都係一條龍既學校, 家長選擇其中一個目的, 都係希望小朋友將來可以直升, 免卻將來搵唔到好既中小學~

以個人觀點, 兩間最大分別係英中及中中, 如果不是因為這原因, 我一定會選培正, 因為培正除英文以外, 真係一間成績品行都好既學校~

但其實無論大家依家選擇邊間, 到小學時, 都可以再 apply 其他適合自己小朋友既學校, 依家既選擇, 只不過係一個最後既選擇~

所以我於選擇時, 以我覺得最重要既觀點去選擇~

雖然見到不少對民生既不好批評, 但每間學校都會有好有不好, 一個少少既論壇, 只不過代表少部份人既意見, 可以作為參考, 但一定不可以作為個人既選擇, 而且你覺得不好既, 相反我可能應為會好~

就例如民生幼稚園程度不夠好, 但小朋友返去係好開心, 這是我想的 ; 又如民生小學好谷, 這又是我所希望既, 因為我覺得基礎好緊要 ; 最後民生中學係英中, 這正是我只報呢間既原因, 因為儘管成績好, 英文程度係將來出來工作最重要工具 (大家要知道培正之前考既英文係甲組課程, 佢既 a = 乙組既 c)~

儘管依家比我既小朋友讀邊間都好, 將來小一前, 我都會睇下佢既情況, 到時搵第二間小學讀都未定~