有無09年崇幼主流家長,入嚟交流吓啦!!!

曦彤媽媽

原帖由 skyyoyobebe 於 09-1-14 22:11 發表
hi 各位:
我囝囝又係讀主流班上午!!你地住邊區呀!!我住西貢!!

All,

Hi, 我囝囝都係讀主流上午班, 家姐就讀緊k3. 希望有家姐嘅經驗可以同大家分享la.

曦彤媽媽

[............... .小朋友名........ 住地區........上/下午班 Monty           卓瑤              牛池灣         上午班 Tina               思思              美孚           上午班 Skyyoyobebe 柏希              西貢           上午班 曦彤媽媽         雋曦              油塘            上午班 miutang         思捷 (囝)       荃灣            上午班 jenny媽媽       欣欣              荃灣            上午班 Cat                樂淳              荃灣            上午班

曦彤媽媽

原帖由 miutang 於 09-1-20 12:57 發表
原來真的有了, 詳情請看

http://www.edb.gov.hk/index.aspx?nodeID=71&langno=2&UID=103307

miutang,

唔該晒你呀!

曦彤媽媽

原帖由 miutang
於 09-1-15 14:12 發表
曦彤媽媽>> 可否分享下這間學校及主流班的特色?

miutang,
唔好意思,咁遲先答你呢個問題:
先講吓好果方面,崇幼嘅外籍老師好多.佢地會provide到好好嘅外語學習環境,除左上堂之外,每朝老師同d同學仔打招呼都會用英文或者普通話,加上上課前做早操同校園電視台直播,都會係用英文或者普通話,仲有就係禱文,我記得亞囡k1讀左無幾耐,已經識得返黎講返個普通話禱文俾我聽.當時我真係好surprise同好開心.課堂外,仲會有learn with fun同齊來說普通話嘅活動,俾小朋友儲印仔,令佢地覺得更有興趣.講真,我囡囡英文係比較弱d,但經過兩年多嘅學習,佢已經無再抗拒,起碼佢依家會同我分享上外籍老師堂嘅趣事.
另外,崇幼都會著重同學閱讀課外書籍.所以每逢星期五都會有兩份book report要做.其實都幾好嫁,可以迫到佢地同我都要睇書呀! 講開星期五,d通告都幾恐怖,平均都有成4至5份呀!
學校設施方面,都幾多,唔知我up唔update呀,例如有電腦室,波波池,視藝室,音樂室,舞蹈室,沙池,天台,美術室等等.
仲有,崇幼嘅課外活動出名多,學術方面有英語樂園,普通話班,科學班,數學班等;運動方面有籃球班,網球班,羽毛球班,體操班,跆拳道班,小小運動家等; 美藝方面有水墨畫班,畫畫班,輕黏土班等;音樂同舞蹈方面有電子琴班,敲擊樂班,英語對對唱班,翩翩舞藝班,芭蕾舞班等; 其他活動有砌lego,快樂甜點大師班等; 校隊方面有合唱團,舞蹈隊,童軍,交通安全隊,敲擊樂隊等.講左咁多好野,都要講吓d唔好野喇! 崇幼d admin係幾混亂嫁.特別係d支票,有時開左成個幾兩個月都未過數呀! 另外,仲有校車,唔準時都係一個好多家長唔滿意嘅地方.不過詳情我都唔知,因為我地係自己湊返學.此外,親子嘅功課同活動都幾多,好多時都要做資料搜集,所以電腦加printer都好重要.仲有,響專題學習方面,好多時都要帶野返學校,所以要靠小朋友識得返黎講先得.因為崇幼響山上,所以蚊實有,不過我又覺得近呢一年,情況好似改善左d,雖然我都見有d好惹蚊嘅同學仔都有俾蚊針,但都好似無k1時咁嚴重,唔知係唔係大個左嘅關係.定係學校加左d驅蚊機真係work呀.
總結黎講,祟幼係一間好嘅幼稚園,老師好好,好有愛心同好用心去教導學生.宗教氣氛好好,逢星期五都有兒童崇拜,又有d家長小組查經聚會同團契,又會有復活節同聖誕節嘅佈道晚會等.學術方面都ok,唔係太深,不過又唔會話太淺.

以上純粹係我對崇幼嘅睇法,希望能夠俾大家做個參考la.


[ 本帖最後由 曦彤媽媽 於 09-1-21 10:50 編輯 ]

曦彤媽媽

原帖由 miutang 於 09-1-21 12:00 發表
謝謝曦彤媽媽的分享, 令我對這間學校有信心, 我覺得這間學校是平, 靚, 正之選, 唯一輸蝕的是名氣, 不過, 我認為只要小朋友學術兼德育都發展得好, 不論是從哪間幼稚園, 相信都會有好多小學收的.

你大女考小一未? 結 ...

好感謝神, 亞囡自行收生已經入左基灣, 所以我地唔洗再煩.
另外亞囡d同學仔有考到聖方濟各, 陳守仁, 宣道, 禮賢, 培道, 聖三一都有.

曦彤媽媽

原帖由 miutang 於 09-1-22 11:39 發表
恭喜晒.

另想問曦彤媽媽及tina, 為何選主流班而不選國際班?

我選主流是希望小朋友有正規學習廣東話, 始終英文及普通話不是母語, 及國際班只有下午班.

但普遍好似prefer國際班多d, 註冊時也是有些父母要求轉國際 ...

miutang,
其實我覺得國際部係會比較free d 同埋d 小朋友會活躍d, 所以唔多適合我個囡嘅性格, 加上我地都係唔想佢讀下午班, 所以都無諗到. 另外佢k1果年都未有學劵, 所以如果讀國際部都幾貴呀!
我諗依家多左好多父母揀國際部, 係因為佢依家抵讀, 佢個學費又就到個學劵. 不過其實有左學劵嘅國際部, 校長講明上外籍老師課果時間會無咁多嫁. 另外, 依家崇幼主流已經無開全日班, 唔似國際部, k2可以轉全日, 可能d家長都會consider k2有全日班呢樣野呀.

曦彤媽媽

原帖由 Monty 於 09-1-30 15:29 發表
因為我都係聽朋友講咋....佢朋友要2nd in先至收,所以我咪有d擔心崇小未必會收哂崇幼學生....

其實今年真係唔係必收, 亞囡d同學仔有d都要2nd in先收.
因為今年行小班教學, 加左成千蚊學費. 每班只得25-28人, 加上聽聞又收左好多聖貓同柑桔園, 所以崇幼都唔係未收.
不過話分兩頭, 加左學費, 都有好多崇幼生無考上去呀!

曦彤媽媽

我都祝大家新年進步, 大朋友就工作順利, 生活愉快; 小朋友就開心快樂迎k1, 快高長大, 聽教聽話.

曦彤媽媽

原帖由 Monty 於 09-2-6 17:51 發表
點解呢???  

因為黎緊小一係3600學費, 講真都唔係平, 俾3600, 出面仲有好多其他選擇.
另外, 又有d家庭有兩個小朋友, 加埋都成7200, 未計書簿雜費同學野, 即係閒閒地成萬幾蚊個月.

曦彤媽媽

原帖由 Monty 於 09-5-12 08:11 發表
我會早d,因為之後又要湊囡囡放學~

我會9:00左右, 因為送左家姐返學, 可以註埋冊.

曦彤媽媽

原帖由 jenny媽媽 於 09-7-6 10:29 發表


你放心啦~我大女而家o係呢間學校讀緊K19月升K2佢返學返得好開心我相信你小朋友到時返學都會返得好開心...以我記得好似係可以o架.....係啦我都希望我囡囡可以同你小朋友係同學仔 ...

大家咁話, 有個照應ma.
想當年亞囡k1時, 咁啱細佬出世, 所有崇幼d活動同開學果幾日我都無得去. 今年可以同細佬去喇!

曦彤媽媽

原帖由 Monty 於 09-7-16 13:28 發表
各位,

收到信通知:

27/8(四)家長日,18:30在課室會見班主任,19:00在學校禮堂有簡介會~

1~4/9幼兒班學期初適應期,分A & B組,
我囡囡係B組:11:00~12:00

*我囡囡讀 K1F(上幼信),有冇同學仔又係讀呢班呀!!!!!! ...

yeah, 我囝囝雋曦都係 K1F, 多多指教!

曦彤媽媽

原帖由 Monty 於 09-8-31 08:05 發表
唔緊要....
聽日就開學lu...不過囡囡返11至12點果組~
好緊張ar~  

我叫sarah, 係雋曦媽媽, 果日都未得閒同你地相認, 唔緊要la, 實有機會. 我聽日上9:00-10:00果組.
班主任真係好一般咋, 比起家姐果時果個班主任, 真係爭好遠. 仲有一樣野, 我老公覺得好無謂, 就係叫個3歲小朋友帶口罩, 雖然我知咁樣係保障大家嘅健康, 不過佢話d小朋友戴唔夠一陣可能就會除低個口罩四圍放, 仲牙煙. 呢樣就要睇下老師點教佢地喇.

曦彤媽媽

原帖由 Monty 於 09-8-31 16:02 發表
Hi Sarah,

我叫Iris/丁丁,係卓瑤媽媽,我都覺得呢個班主任真係一般,唔多細心咁,希望唔係la~:sigh:

口罩呢樣我囡囡N1時都要帶,唔帶就放返入書包咁lor~:nothing:  ...

hi iris,

班主任就有待觀察, 再相處下先知. 俾d時間大家互相適應la. 口罩方面, 原來只係大人要戴, 而小朋友唔舒服先要帶. 咁都好d.

我個囝好攪笑, 放學返到婆婆度, 剩係識得同婆婆講食茶點d野, 婆婆問佢老師姓咩? 佢話唔知wor. 俾佢笑c.

曦彤媽媽

原帖由 Monty 於 09-9-1 20:46 發表
hi sarah,

係ar...only大人帶...ok啦~
老師今日覺得好過家長日嗰日lor~

今日收到興趣班份通告,返到屋企整好哂野,第一時間攞出嚟研究,諗住報tennis,不過要k2-k3,冇計~
咁而家對跳舞,畫畫 & 整點心有興趣,但要想俾囡 ...

我都有收到, 不過諗住下期先俾亞囝報, 因為記得初初果時我都有幫家姐報, 但係佢未習慣, 攪到要退返$. 所以我會觀察下細佬返學嘅情況先.
另外我個囡有學過籃球, 畫畫, 水墨畫, 輕黏土, 英語對對唱, 整點心. 其實樣樣興趣班都幾好, 真係會學到野返黎. 佢d同學仔都join過英語樂園, 拼lego. 佢地都話學得好開心. 當然進度未必有出面d興趣班咁怏, 因為始終係大班小朋友上同埋價錢平好多. 但如果當俾佢地玩吓都幾好.

曦彤媽媽

原帖由 itbc 於 09-9-3 14:00 發表
幼信班
曦彤媽媽------------------雋曦
Monty  -------------------卓瑤
JENNY媽媽----------------愫欣
IrisLau-------------------祐搴

幼望班
Tina    -------------------思思
b_lsh  -------------------凱添 ...

iris,

多多指教!

sarah(雋曦媽媽)

曦彤媽媽

原帖由 Monty 於 09-9-24 13:35 發表
hello KG,

我囡囡讀幼信班~
我係全職媽咪,我 & 我老公都係基督徒~
你呢????

我囝囝都係幼信班~
我係在職媽咪,我 & 我老公都係基督徒~ haha

曦彤媽媽

原帖由 Tina 於 09-10-12 22:29 發表



以往是可以在內聯網內可看到, 只要login內聯網入去就可以, 而login 是以你小朋友的出世紙號碼login. 今年就唔知得唔得.

今年d login name轉左喇, 你可以睇下小朋友本手冊有佢張相果版, 就係貼住左個login name同password呀!