請問有冇mami冇點幫d仔女報d野學, 冇咩証書, 而考到d名校

毛妹

老實講，我唔信咩都無做、靠面試嘅運氣就入到名校。請問各位家長有無栽培過你子女咩呢？e.g.入有名幼稚園、學英文、興趣班、係屋企train下一d知識、培養閱讀興趣…
你係唔係連呢d都無做過呢？咁，你有無寫profilio呢？裡面係唔係一張cert都無呢？如果子女面試表現好，你又有無train過佢呢？
我相信每一位想子女考入名校嘅家長都會做d嘢去增加子女成功機會。靠面試，無學嘢、無證書都入到。咁，就真係誤導人喇！

毛妹

DGJS 係會收5張紙的profilo架！有d學校如宣道話唔收，但application form 都會有問孩子參加咩興趣班同有咩獎項。邊有學校唔理背景只看面試呀！講你都唔信喇！

毛妹

我覺得運氣同命水都重要，只不過睇唔過眼有d朋友過份低調啫！唔關呢道d家長朋友嘅！
我有朋友囡年前入DGJS，一味話面試同運氣最重要，無咩獎，睇彩數…後來先知…佢早兩年突然信教，入聖公會洗禮…囡囡有考過英文公開試…
其實有d家長唔想其他朋友入囡囡間名校，顯得無咁巴敝，所以斷章取義地話無做嘢！將d心得收收埋埋，唔比人學！我地一班朋友當然唔信喇！估唔到呢道都有人咁講啫！

毛妹

我同意實力(家庭及學生)+運氣。其實自己train、做小一練習、唔比睇電視、參加公文數、學劍戟等等，都係入名校心得，咪就係d幼稚園家長想借鏡嘅地方。亦非如一d家長所答只靠運氣啦！

毛妹

我唔係話呢d係方程式，叫大家效法。只不過係例子啫。名校學生嘅父母都會做d嘢想增加子女入讀機會，我其實係想佢地老老實實分享下心得。唔想講嘢就唔講囉，唔好話只靠運氣。好簡單，一d嘢都無做又入名校嘅請報上名來，我就信喇！

原帖由 Sindy 於 09-1-14 16:36 發表


唔認同唔比睇電視,參加公文數,學劍戟係入名校既方程式

毛妹

portfolio 要有resume，成績表、課外活動資料、洗禮紙等，都係顯示孩子長處比校長睇的。要得到獎項，唔係K2先參加，最好K1至K2就開始，小朋友就會越有進步。其實裁培都唔駛操到小朋友好辛苦，慢慢黎佢就會有興趣。除非你要入超級名校先至要勁操。

毛妹

Hehe，大家黎得呢度，就盡訴心中情啫！只要唔係人身攻擊，千祈唔好有hard feeling 呀！有咩得罪，有怪莫怪呀！

可能我識d朋友比較口密，口口聲聲話無咩心得分享~只靠運氣~攪咗大半年~先知佢有入教、有考試、仲係由K1開始部署…攪到我好心淡，對於d肯分享又講一半嘅人無咩好感。

我睇 lin624 應該係有報嘢學、有cert嘅，而版主就係想人地分享下報咩學，得咩cert？如果有，就唔好話無。咁會令人誤信唔駛部署就入到名校！Sorry 得罪 lin624！

毛妹

Sorry,無意冒犯！請問你孩子讀咩幼稚園？

呢個係關鍵。因為有d幼稚園e.g. 聖公會、根德園、St. Cat.、基督堂等都極受名校歡迎，如果加上有出色成績表，取錄機會大d。根德園今年有唔少人已成功被名校取錄，佢地父母之所以比孩子入根德園，因為知道佢程度深，受小學歡迎(當然有d唔係)。你呢？可以分享嗎？講真句，無心串人的。

原帖由 lin624 於 09-1-15 13:51 發表
其實 我從來冇講過只有靠運氣考上
只是單就題目而講
我真係冇點幫d仔女報d野學, 冇咩証書,
而考到大家爭住入既名校
所以 我願意講出來俾大家知道
每個小朋友 都係會有可能考上也許是諸多家長夢想既學校
我的原意係 ...

毛妹

見到咁人多咩都無就入到超級名校，可能我以前想法係錯嘅！Sorry！
不過，K2家長要比較一下，有部署同無cert人士入名校嘅成功率係點！講真句，你哋會因為有人無cert都入到而唔考cert咩？

毛妹

其實，唔知版主所謂名校，嘅邊類？我夠知道有d人無證書都考到入好學校，e.g. Good Hope, SFA, KTS, 宣道.....。不過，如果係DGJS同St. Paul co-ed等一級名校，絕大部份父母應該係有部署嘅。

所以，唔係話無證書都有學校收咁簡單，人人都知啦！唔通所有人無證書就無學校肯收咩！

毛妹

rtam,
我都係有朋友囡前年入超級名校，她一直保持低調。今年當我想了解要準備什麼，她只回答三句：「好睇面試！只會問d簡單生活問題！好睇彩數！」到我囡落選佢間名校後，佢就開始好似開籠雀咁分享校園生活、同學背景…仲話自己學校係全港數一數二。

老實講，我一直都唔信呢個朋友說話。同你一樣，仍然有同呢d人來往！唉！咩世界！

毛妹

講講下，都唔知你個朋友同我個係唔係同一個人！