又一村幼稚園好嗎!

szenam

我囡囡今年讀k2,我覺得佢讀得好開心,校舍大環境好為人父母都希望子女可以係一個空氣好,令佢地舒適既地方學習,老師真係好有愛心開學時成日會打電話比家長,雖然佢無九龍塘d名校咁吹谷咁出名,但係佢本身自己有外籍老師同普通話老師,見亞女都上得好開心,另外我囡囡學芭蕾舞有個同學仔讀KV,其實佢依家寫既生字同數字都係差不多,只不過KV要小朋友默書,又一村唔會要小朋友默,講真我自己叫囡囡默英文大小階A-Z,佢都識默同埋一D生字,佢寫得多睇得多佢都記得,所以我本人覺得除左學校之外係屋企自己都要比時間佢,讓小朋友可以多睇多寫多記,除此之外不得不讚係佢地既茶點同電腦課程,每月$160茶點款式多開生日會大大個生日有野食有玩具有野飲,我記得K1第一次開完生日會佢拎住個生日袋一落校車個樣不知幾開心,如果當月生日的小朋友另外仲會有份禮品,原全唔需要另外再交錢,唔似一D商業化既幼稚園,而佢地用個套電腦課程覺得比小朋友好多野玩同好多野學,雖然有好人反對咁細個比佢地玩電腦,但係適當的知識學習我覺得對囡囡有幫助,可以多用腦袋多設計自己的作品可以增強自信心,所以再比我間多一次我都會間又一村!