又一村幼稚園好嗎!

skytek

好唔好見仁見智。
教主流課程, 收非主流o既學費, 比主流幼稚園略貴。
課程淺, 功課壓力近乎零(每星期都有功課, 但都好容完成,可能是 K1 的關係)。
主流課程相當淺, 但勝在內容豐富, 又有故事單章, 又可以上網玩遊戲, 可以同時選擇廣東話或普通話, 小朋友鍾意玩時又可以增加自信。
當初選又一村是因為又一村和我o地有個共同理念: 小朋友讀得開心。
相信每間幼稚園都會令小朋友開心, 但係我o地覺得又一村會”強化”小朋友的愉快開習。老師會特別親切(可能對我o地D大人o黎講, 會有D假, 但係對小朋友o黎講就非常受落), 最緊要小朋友讀得開心, 有良好品行及自信心。

如果你想每朝早帶小朋友返學, 而小朋友又是着住件名牌幼稚園的校服, 有一種高人一等的感覺, 我想信又一村未必俾到你, 因為又一村並非走名牌路線, 班數又多, 考得入o既相對容易。(我覺得又一村絕對有條件走名牌路線, 因為地方大, 又坐落高尚住宅區, 有D活動更安排於五星級會所:又一村俱樂部(以前覺得幾神秘, 而家有幾會入去睇o下)。又一村係一所老牌幼稚園, 我就覺得絕對稱得上。

[ 本帖最後由 skytek 於 09-11-26 22:48 編輯 ]