買小提琴, 邊隻牌子好?

neko_meow

原帖由 cheapbombom 於 09-2-2 21:16 發表
想買一個質素好少少既4/4, 係自己用既, 倍啊女一齊學...
睇緊Solo Strings既, 最平個個HK$960, 之後就係HK$1,900, 偏向想買HK$1,900個個, 試過di音色真係有分別, 但又怕半途而廢, 點簡好?

另外, 亦考慮緊VIF BV300, ...

隻隻琴既聲音都有分別，純粹係視乎你鐘意邊種聲，你最好親自試下先
除左hkstring同solo string之外，土瓜灣有間叫歐亞既d琴都似乎ok，我同老師去過試cello，D cello價格同質素都算合理，印象中佢地有賣比較平價既捷克小提琴，大陸琴一樣有，可以去試下比較....

點解未開始就怕半途而廢呢?...或者應該咁諗，花左咁多錢買左隻琴，點都要學好佢唔好浪費...

neko_meow

原帖由 小伊 於 09-2-5 00:21 發表
與其買部2千幾！算吧啦，5354，不如揀隻幾百蚊好過。況且，街鋪D牌子琴點會有好野丫！

咁應該買幾錢既先唔算唔三唔四呢....
我睇琴時都好煩惱，預算得三萬，三萬既琴應該剛剛夠用，試隻五萬既覺得五萬個隻幾好，幾鍾意，再諗下五萬個隻可以用耐d，不如儲多二萬啦，但到如果儲到五萬時又睇到十萬個隻幾好....十萬個隻好聲好多wor!咁我應該幾時買先好???  咁我買五萬個隻又算唔算唔三唔四?

其實買提琴睇牌子根本無咩用，最重要係隻琴既聲，同一個牌子既琴一樣有好D同無咁好既貨，牌子琴都唔一定唔好ga...去街鋪買一定要幫人比舖租同人工，無可能"超值"，但一般人邊有咁易搵到中介人訂又或者會去琴展同歐洲既琴村睇琴呢.....

btw,香港都有D知明度低既樓上舖/倉，係yahoo拍賣場度好易搵到地址，如果有心機搵同慢慢試既話，個D地方應該會買到比較平同質料好既大陸琴...

neko_meow

原帖由 Sindy 於 09-2-5 20:29 發表


你預三萬,咪三萬度揀到最靚囉,到時你可以負擔到十萬,咪十萬度揀最靚囉.......無乜唔三唔四,最幣又無buget.要靚琴,究竟要靚到咩程度,自己識唔識分(好重要),即係買樓咁之麻,想要豪宅,有幾錢先,預左幾錢出黎買野,係範 ...

似乎你誤會左我意思la...haha...可能我表達得唔好，其實我只係想講，點解買二千蚊既琴就唔三唔四買，要買不如買幾百蚊既好過?....二千蚊既琴如果識聽其實已經同三百蚊隻既差好遠，一隻琴一般最少都用一兩年，要買隻難聽既聽一兩年還是買隻覺得好聽既好?..心裡諗住貴琴有幾好時，二千蚊既琴先會顯得唔三唔四者.....我覺得聽到有分別，拉落把聲先鍾意而且價錢合適先最重要....牌子或者邊度出產都非重點，就算隻琴係超級超值都好，唔係你鍾意既聲拉落一樣好惡頂......千金難買心頭好

neko_meow

唔好意思，搞到離題tim....

比D信心啦~我聽老師講過佢最大既學生係60+....學琴學cello仲要學樂理，好勤力。30+仲好後生者，有排未生锈啦!通常有鋼琴底音準拍子都會唔錯，好快可以上手~唔好再諗唔得同會唔會半途而廢啦~

原帖由 cheapbombom 於 09-2-5 22:47 發表
你地越講越專業, 咩十萬八萬一隻琴, 攪到我唔好意搭嗲!
我係放低左20年再學番, 心理障礙都幾大, 擔心會唔會個腦生锈, 所以, 我當自己係beginner, 亦無講比老師知自己以前學過, 減少心理壓力罷!

我今年都30+++, 有感 ...

neko_meow

我拉大提琴ga...拉左兩年左右，其實我現在都係借老師既琴用，只係最初學既時候買過一隻好平既琴拉，兩星期之後老師已經借左另一隻比我.....其後都轉過兩次琴，今年我都打算買琴，因為借人地既琴真係幾大壓力....整爛會賠唔起...不過未諗好買幾錢，我都唔細，二字頭啦，無可能係音樂上有好大發展，買太貴似乎無咩用，平又未必夠拉....而且我想買8分7既琴，比較難買，我諗十月會去琴展睇睇，無合心水先再作打算...

對Joshua Bell認識唔深，只係聽過一隻佢拉Rachmaninoff既碟.....對小提琴認識唔深，通常都係聽Itzhak Perlman、 Jascha Heifetz、David Oistrakh既碟多，你覺得Joshua Bell有咩作品比較突出?等我下次買碟時可以留意下~你就好啦，可以有機會同鍾意既樂手合相同睇佢演奏會....我鍾意既好多都死左好耐lu....

原帖由 cheapbombom 於 09-2-5 23:57 發表
neko_meow,

多謝鼓勵....唔後生啦, 人老左學野會慢, 但今次重學主要為興趣, 最緊要係享受過程, 暫時不考慮得太長遠...

你學小提琴有幾耐? 我學生時代, 已經鍾意Joshua Bell, 佢超級靚仔, 黎過香港演奏幾次....好開 ...

neko_meow

Amati既cello???買得起就好囉~不過買得起都唔會買，前排拉過一隻法國琴，二十幾萬既我已經完全覺得自己拉佢唔起...莫講話買，用唔起既就算送比我都無用.

原帖由 小伊 於 09-2-6 00:06 發表
嘩，咁pro玩到10萬budget呀，不如考慮加多少少買隻Amati。

neko_meow

加油~同囡囡講你細個好勤力咁學左四年，E家先學得咁快佢應該會明唔會唔開心既~我以前都係咁哄屋企D BB，佢地以前好唔滿意我學得快過佢地....我都係同佢地講我上多佢地十年音樂堂勤力左十年先叻過佢地DD，佢地即刻開心返.(E家D細路幾咁現實呢....)

十幾萬或以下既琴好少會買保險，就算私人外借比其他人都未必會買，幾十萬以上既琴自用都未必會買，外借就應該會買，再貴D通常好少唔會買.....老師個朋友係外國學琴時曾經借過一隻貴琴用，借時已經買左保險而且講明如果要同隻琴出國的話要通知琴主同一定要handcarry唔可以離身，我老師就要飛先會幫隻琴買保險. 至於唔記得攞琴...我老師細個時都試過講講下電話唔記得左攞琴就落左車，結果要追巴士...馬友友都曾經將佢隻Montagnana放左係的士無攞....早一兩年都好似有個小提琴家試過放左隻Stradivari 放係的士無攞....

原帖由 cheapbombom 於 09-2-9 22:40 發表
尋日上左第一堂小提琴..比想像中愉快及順利....

老師聽我講過下n年前學過一陣子, 但就無問詳情....佢問我仲識唔識睇五線譜, 我話都要諗一諗di手指位, 佢又問, 咁數拍子呢? 我話, 好基本既都ok既...咁佢就首先叫我拉 ...