Form 2 的仔仔 .....

agoodfox

就讀英中Form 2 的仔仔考完期考未派成績表，但已知各卷成績並計得平均分約為80。因為我e+比較忙，已經無好似以前佢讀小學跟得咁貼幫佢。踏入 Form 2，我無跟過佢功課、測驗或考試，你地覺得咁樣成績我係咪應該放心收貨和放手呢？我見佢每日打一兩個鐘波，我放工番黎，淨係見佢睇電視，無乜見佢睇書，10點半佢就訓覺。

我有時覺得自己平時太鬆，應該要鞭策佢多D，總覺得佢仲有好大的進步空間。始終長遠目標是考入好大學，如果到時才收緊，恐怕會遲左。我見佢D朋友仔，讀其他英中，佢地都有補習，而補習風氣都幾盛。

其實我好想知道其他中學的初中生的平均分大概是多少，80分大概是全級什麼名次，多唔多學生補習？

希望有家長可以分享下啦！

agoodfox

多謝咁多位家長的意見！

自律性方面佢其實都係麻麻地，好彩的是佢都尊重我同佢訂的上網打機協議和佢喜歡早睡的習慣。

佢語文科比較弱，中文一直係佢ge弱科，今次英文亦退左步。 我忍唔住決定都係要"鞭策"番佢，開始要佢睇番多D課外書、名作家的文章，做番D練習和上網睇下英文虎報的新聞，佢唔多願，俾面色我睇 ，但為左打機，佢死死地氣都肯做D。



出面多左個學好中文的topic，我就係個到學下野先！