St Paul Co-edu interview on 7 Mar

LittleKidult

今年F.1 有103 個男仔, 231 - 103 = 128個女仔........(非正式統計, 係係各班d通告數出黎既)

原帖由 Heart 於 09-2-23 16:10 發表
arieswong,

Congratulation! Which ps/district that yr daughter belongs to ? Is she ranked within top 10 or top 5 in p5? Somehow, I wonder SPCC prefers girls very much as far as I heard.

H

LittleKidult

有幾個課室比家長等候既, 你當然可以走先, 等小朋友自己走都得, 當日學校唔會開放其他地方, 所以會幾悶下.
上年我地10:45 開始, 12:30 先走得....你預一個鐘至個半鐘到啦..

原帖由 王國國民 於 09-2-24 11:45 發表
有無人知面試多久?

家長在學校等或稍後返來接?

LittleKidult

我地上年去就大部份考生都係著校服, 學校冇硬性規定著咩衫, 不過我覺得著校服會穩陣d. 如果真係吊腳就睇下借唔借到條校褲, 再唔係著便服都應該問題唔大, 不過唔好著到五顏六色, 大紅大紫, 最潮最型, 好似做show咁就得.
考法 (上年):
1, 先係禮堂右邊(好多考生一齊)自己睇編中文文章, 約10~15分鐘會去禮堂中間第一排老師(一排約有10位老師), 會被安排去第一排既其中一位老師, 一對一坐底用廣東話講翻先前份文章.
2, (呢part用普通話) 見完第一排老師(幾分鐘), 即刻行去第二排其中一位老師, 然後睇編中文文章, 呢part係要用普通話, 讀編文章(好似有d地方留空要考生補充翻, 用口講唔使寫)
3, (些part全英文) 完成第二位老師後考生會被安排係禮堂最左邊等, 等齊10~20人, 就會被帶去睇段冇字幕既英文短片, 睇完後會3個一組被帶去某班房, 3個考生續一入房見老師問翻先前段英文既野, 當3個考生都分別完成後就一齊再入翻房, 3個人一齊討論先前段片
4, 完成, 走得, 等結果
5, 祝好運!!!

LittleKidult

應該冇, 或者因為我個仔得鋼琴五級, 所以唔使, 不過眼見好似冇人帶住樂器.
重有, 只要帶住封面試信就得, 唔使帶其他証書/文作等.

原帖由 MoneyWong 於 09-2-24 14:33 發表


Hi,

以前如果學生有學樂器, 要去音樂室示範, 請問上年要唔要?

LittleKidult

考果陣覺得好難, 而家都OK既.

原帖由 mezk 於 09-2-24 16:37 發表
真係好多謝嗮你的分享。你個仔覺得英文難唔難？

LittleKidult

佢話英文個part唔得, 尤其係討論, 全組人都係英文討論冇乜點出聲, 廣東話同普通話就冇乜問題.

原帖由 mezk 於 09-2-25 11:22 發表
咁你個仔果陣識唔識答點問題？

LittleKidult

英文grammar 好似係教高一級, 因為本書係用"2", 好似係外國出板社既書黎, 唔係咁多地方有(漢榮,商務都冇), 我地最後都係去書單提供既書店先買到(係中環), 其他都係用普通出板商d F.1書. 書本唔多只買左$2xxx, 通識/電腦/音樂等都係用學校自己比既筆記, 所以唔使買. 科學/數學又會有d唔教住, 留翻下年教等.....

原帖由 skngan 於 09-2-25 13:55 發表
請問中一教的內容是否較其他學校高一或幾級？

LittleKidult

好慚愧! 我地冇教佢英文, 因為我地英文都唔好.....
佢只係每星期六去私人補習英文個半鐘同補一個鐘普通話, d功課都係佢自己做, 我地只有提佢做功課(因為佢成日掛住睇小說/上網), 好少教佢, 除左電腦科/數學有時會問下我地, 其他都係佢自己攪掂.
學校規定今年要睇8本(好似)英文小說同6本中文(好似), 每個月要睇一本, 學校借既, 跟住就會有quiz等...成日要企係黑板前做presentation, 中英文都有, 有時講新聞, 有時賣廣告....

原帖由 mezk 於 09-2-25 14:12 發表
多謝，多謝！小兒就係英文差點。考試都很好，就係唔鐘意讀英文課外書，所以識的英文詞少點。唔知你的點么教個仔學英文既？

LittleKidult

返學又冇乜問題喎, 聽佢講都幾開心, 成日同佢講話轉校佢都唔想....佢唯一擔心既係運動方面, 因為佢唔識游水, 但係學期尾要考50m自由式....係英文差左d, 但其他科問題唔大, 暫時佢自己都應附到.
可能因為佢比較開朗同唔怕醜(之前去面試成日"溜"其他考生傾計....), 所以都好夠膽做presen同好夠膽講英文

原帖由 mezk 於 09-2-25 15:28 發表
咁佢e+會唔會覺得返學好辛苦，英文科難咗，同埋英文如果差點，會唔會影響其他科的理解？多謝！

LittleKidult

佢好多時都係同幾個同學行落山

原帖由 yhma 於 09-2-25 15:41 發表
Hi Littlekidult

請問spcc多課後活動嗎?你仔仔什樣放學,行落山,坐巴士,小巴...?

LittleKidult

祝大家既小朋友考到心儀學校!!