午膳供應商 "原x" 的飯盒好難食

saui

我仔仔去年9月返小一, 學校午飯供應商就係"原X", 訂咗一個月, 難食到嘔! 但俾咗錢唔好嘥, 唯有叫仔仔頂硬上, 照食. 之後就日日叫工人送屋企飯俾仔仔, 唔想再嘥錢訂飯了.

最記得仔仔隔離位既女同學第一餐食豉油雞脾飯, 竟然成隻雞脾上, 冇切開, 仲要冇汁, 飯送到上班房時已經係凍到出晒"倒汗水". 最後個女同學梗係食唔晒隻雞脾及飯啦. 人又食唔飽, 飯餸又要倒, 勁嘥!

聽高年級學生家長講, 前一年個供應商好好, 選擇多, 又好味, 都唔知點解要轉, 仲要越轉越差嘛. 本想向學校反映, 但又唔多見其他家長反映相同意見, 所以都係忍住冇提出.

saui

其實"原X"係美X集團既附屬飯盒供應商, 點解D質素可以差成咁既? 而且佢既價錢都唔平, 學校係咩收咗好多回佣, 所以咁差都要同佢訂呢?

saui

唉 ... 呢間"原X"真係差到不能再差, 我真係從來都冇聽過一個家長讚過佢既食物. 我試過一個月就怕怕了   真伯送錢俾人虐待自己個仔, 所以我叫個工人辛苦D, 日日送新鮮飯及湯俾個仔食.

我都好替嗰D住得遠又或者父母及家人冇時間送飯既小朋友而難過 希望學校聽取家長既意見, 以後都唔好再同"原X"訂呢D垃圾飯盒啦

saui

既然冇一間供應商飯盒好食, 咁即係迫家長為子女自備屋企飯盒. 但如果家長真係忙於工作而準備唔到, 咁係咪唯有叫子女日日食垃圾.  供應商成日將自己既飯盒包裝到幾有營養, 幾配合1+2+3既健康飲食模式, 原來全部都係假話, 目的只為賺錢

教育局其實可唔可以監管到飯盒供應商既品質嫁呢? 成日都話香港痴肥兒童越來越多, 叫家長自己係屋企點樣教子女均衡飲食, 三低一高, 但同時又冇對飯盒供應商既作出監管, 咁作為家長既我地又係要孤軍作戰, 自生自滅, 冇人可以幫到手, 唉 ....

saui

聽到你咁講, 我真係打晒冷震 好彩我個仔唔使再食呢D飯盒. 但就真係好替訂飯既小朋友痛心 雖然打開門口做生意就梗係想賺錢, 但都唔好咁冇良心, 做到D飯盒QUALITY咁劣質至得嫁! 最慘佢地係獨市生意, 全校既飯盒都係佢地提供, 冇第二間俾父母揀. 眼見子女日日食D咁既垃圾飯盒, 真係好心痛呀

咁你有冇向學校反映呀?

原帖由 delimama 於 09-2-26 01:46 發表
原x不但d嘢難食, 個飯盒啤實晒好鬼難開, 亞仔有同學撕開張膠紙時唔小心成個飯盒連飯帶汁倒落個身度, 套校服就咁就玩完...
講開雞肶成隻上唔切開, 亞仔話上星期又係咁, 又冇手套唔知點入手...
最難頂嘅係魚, 亞仔話佢 ...