有冇家長考慮比小朋友考直資或私校? 可以分享嗎?

Chincco

我得個15分, 好的津貼小學一定無我份, 所以我一定會比小朋友讀直資或者私校囉 !

Chincco

我個女讀緊英文幼稚園, 成績都OK, 真係唔想佢讀中文小學囉, 但得15分, 名小學就一定無我份,可以點喎, 我覺得好似只有選直資或私校的出路.

最近聽到好多家長話聖瑪加利都OK, 雖然之前好差, 但新校舍落成後, 間學校好左好多, 我有個朋友個仔入到佢哋間中學, 佢猛話間學校好到不得了. 另一個朋友個仔都想報讀, 點知佢哋連application form都唔收, 話佢成績唔夠好喎. 唉 ! 真係好煩呀 !

Chincco

我哋住向荃灣區, 但荃灣區真係無我心意的小學,所以一定要跨區, 但有得個15分, 最慘荃灣區係無直資小學, 真係煩死人.

我個鄰居個小朋友向祟真幼稚園讀緊,佢媽咪話祟真都唔錯. 原來祟真家吓幼稚園同小學都有國際班 & 主流班分, 但我問過如果讀崇真小學國際班要成5千幾蚊學費. 我個鄰居話佢之前去過幾間荃灣區的小學觀察, 佢話一定唔會考慮喎, 佢話佢都係得15分, 所以只好考慮直資同私校.

Chincco

係呀 ! 我打電話去過祟真問過, 佢哋話主流班就$3,600, 國際班就$5,200架, 仲叫我5-6月可以再打電話比問吓有關申請入學的事.
我個大女都係04年出世, 不過係12月中, 所以係細B, 仲係全班最細, 但佢讀書都好OK, 所以想同佢揾間好D的小學.

請問"國際小音" 同"優才"學費貴唔貴呀 ? 因為我仲有一個細女, 所以學費都係選校的考慮因素之一.

Chincco

ming2 ! 你兩個女都好叻喎,咁細個就可以跳班.
mrsanthony我好同意你啲講方, 所以我只可以選擇直資或私校. 但真好煩,大家可唔可以比下意見, 到底邊d直資或私校好d.

Chincco

國際音小係咪即係國際基督教優質音樂中學暨小學呀

Chincco

Hi G-Ma,
其實我對smc都好有興趣, 你似乎佢smc好了解喎, 係咪有小朋友向度讀呀 ? 我朋友個仔就讀緊F1, 佢就話好好喎, 所以我都想比我個囡試吓考小學, 但好似話要interview埋家長架喎, 係咪呀 ? 你仲有無其他資料可以提供呀 ? Thank you !

Chincco

Hi G-Ma,
真係好多謝你提供啲意見同資料. 我兩個囡都係由1歲半開始返英文playgroup, 兩個囡interview幼稚園啲時候都係以英文對答.所以我真好希望佢哋可以讀英文小學囉, 我對smc都真係好有興趣, 請問知唔知幾時有開放日呀 ? 我之前問過要到今年8月底先開始接受小一啲申請喎.