荃浸PM和York AM你們會点選擇呢?

Chincco

miffy你好,我個大女家吓向york讀緊k2, 成績都唔錯,都考到前個幾名. 我都好同意你的講法, york的英文真係教得好好,但外面好多家長都誤解, 以為york一定要迫d家長幫小朋友報讀cambridge,而且費用又貴. 我都問過出面的學cambridge課程, 真係一d都唔平囉, 而且又唔知得唔得. 我個大女係細B,佢會參加今年3月28日starter的考試, 佢家吓得4歲3個月咋.

另外, 我想請教一下你, 有邊D津校或官校可以去叩門呀?

Chincco

miffy好多謝你啲意見. 你個仔仔係咪讀油蔴地天主教小學海泓道）, 聽聞間學校好難入架喎. 咁你上年叩門馬頭涌, 九龍塘官立係咪都ok呀. 我真係好担心呀. k1的時候已經幫囡囡選左一次幼稚園,好彩k1下學期轉到入york, 我得個15分,我個區又無我心儀的小學, 只可以考直資, 私校或叩門咋.

我有d朋友都話york唔好, 樣樣都係錢, 我都想問吓d家長, 向出面學嘢, 有邊間係唔洗比錢架. 但真係只有有小朋友讀緊york啲家長先知道, york真係有佢哋啲一套. 今年有幾個k3的小朋友考到男拔, 女拔...... 証明讀york啲小朋友有一定啲水準.

[ 本帖最後由 Chincco 於 09-3-9 15:07 編輯 ]

Chincco

pluto_yuen,你個囡囡今年8月入york呀 ? 我細女都係喎, 你係上午定下午呀 ? 因為我大女K1下學期插班讀york,所有只有下午班, 妹妹今年入york, 我都係比佢讀下午班. 我細女係細B, 佢12月出世, 你個囡囡呢 ? 唔知有無機會同一班呢 ?

我比我大女d考試卷比我d朋友睇, 嚇到佢哋死,再比佢哋d小朋友睇, 多數都係話唔識, 但我大女所有英文試卷都係100分. 佢家下仲向出面學緊英文話劇, 我問佢個外籍導師佢跟唔跟到, 因為佢只返左2堂, 佢導師都話佢勁, 半張A4 紙的英文一陣就背識晒, 仲有好多生字都識,但佢只係得4歲3個月咋 (係仲差4日先夠).

我唔係想話比大家知我個女有幾叻, 係想話比對york有誤解的家長知道, york真係ok架 !

Chincco

大家好, 我都係住向荃灣, 我大女家下返下午班,但佢啲上車地點係海灣花園,落車地點係千色店, 12:15pm上校車, 返1:30pm, 放學大約4:45pm到千色店, 因為佢放學後仲有參加其他課外活動.

校車費用係$860.00/month, 要帶安全帶架. 由於我大女向k1已入讀, 當時可以用學劵, 但加埋其他約$1,700 (未包校車),另外加茶點, 但茶點你可以自己準備, 不過我懶, 所以都係比錢york安排. 但上年開始佢哋唔參加學劵, 就要成$3,000學費啦.

pluto_yuen,原本我都係比細女返york,點知咁好彩比佢考到協恩幼稚園(剛剛上星期五收到通知書), 成千幾人考, 收得個60人, 仲係上午班, 經過詳細考慮, 同各方的意見, 我哋決定比細女返協恩幼稚園, 最多依舊比佢返英文playgroup,因為只有協恩幼稚園啲小朋友先有機會叩協恩小學啲門, 無法啦 ! 佢係妹妹, 到抽小學的時候佢連15分都無.

至於大女, 荃灣區我真係無心儀的小學, 只有考慮直資, 同試下叩門, 我會考慮陳守仁, 聖瑪加利, 德望, 聖芳濟各等.....

我大女3月28日就要返大陸考劍橋啲starter,我真係有d担心, 佢得個4歲3個月, 如果考得唔好, 就要到12月夠5歲先可以向香港考, 但12月考就太遲啦. 好多直資學校8-9就接受申請啦.

Chincco

Hi pluto_yuen, 其實我真係好喜歡york架，而且我個大女ｄ成績都唔錯. 起碼上學期考試都有獎囉.
至於幫細女選協思幼稚園, 只係希望比多個選擇佢. 雖然我細女得2歲3個月, 但佢由1歲半已經開始返英文playgroup,一個星期五日, 每日3個鈡, 所以佢d英文好好架,佢平日都係以英文為主, 出去interview都係用英文對答. 我哋打算會依舊比佢返英文playgroup,萬一有咩意外, 都仲有本錢考直資或私校.
大部份家長都Maryhnoll架啦,不過我得個15分, 邊可能抽到喎.

Chincco

pluto_yuen,我大女好好學架, 佢星期一放學後向通利學琴,星期二, 五向york返劍橋, 星期三上午返英文playgroup,個間playgroup我兩個女由歲半就開始讀架啦! 個間playroup都有好幾個york的學生,有個仲一星期返3日, 我個大女就只係返一日. 星期四向南豐學畫畫, 星期五學游水, 星期六上午返york,下午向偷景新城學跳舞.
因為佢之前考試成績都算幾好, 我問佢要咩禮物, 佢話要學話劇, 你話係咪比佢激死, 我話太辛苦啦, 遲下先學啦, 但佢話佢好鈡意喎, 家下星期六比佢向澳海城學英文話劇. 所以佢都好忙架.
佢之前仲話要學溜冰, 好彩有次睇電視見到人哋溜冰啲時候跌倒死死吓,佢先話怕怕咋.
至於校服, 我都係向york個度買, 懶得自己去揾.

[ 本帖最後由 Chincco 於 09-3-18 09:05 編輯 ]