中區有邊間幼稚園for女仔係好?

060905

堅道真光幼稚園同大坑真光小學係有聯繫, 因為本人曾經都想小女讀真光, 不過後來聖嘉勒收左小女, 所以放棄！

另外聖心/聖嘉勒/聖士提反女都是不錯選擇, 只於聖保羅堂係男女校黎架喎！

如果你去聖士提反女要坐車, 咁聖嘉勒都要, 因為佢地幼稚園係附近。

我唔贊成小朋友咁細個坐校車, 如果可以既話最好自己親自接送, 盈盈而家係堅道讀N班, 我每朝返工前都親自湊佢返學, 放學就婆婆接。

060905

我表姐係細細個(幼稚園)讀聖心, 當時無收男仔, 我小學就開始讀聖士提反女, 我妹妹又係由幼稚園讀聖嘉勒, 我又唔覺得讀女校有咩問題bor！

我自己反而喜歡女校, 而家d小朋友太早熟, 讀男女校既小學我反而加倍擔心, 我唔係話讀女校可以掉而輕心, 但係始終會容易睇實佢！

唔好講到小朋友會發生個件事, 始終拍拖會令人分心架麻！

060905

第一, 而家香港女多男少, 所以男女校都以女仔居多！

第二, 我相信唔係太多男仔家長會揀d無直屬中學既幼稚園俾仔仔。

第三, 好多男仔爭住讀聖心幼稚園, 係因為聖心幼稚園, 容易考入高主教小學, 相反聖士提反女無咁易, 所以無男仔讀都唔奇！

原帖由 spmok1999 於 09-3-12 12:54 發表

聖心幼稚園都係男女的~

060905

人比人比死人, 每個家長對佢自己既仔女期望都唔同, 有d人好注重學業, 有d人好注重品行, 亦有人好重視小朋友快樂既童年, 而我自己覺得三樣都好重要, 所以我幫盈盈考幼稚園時, 都無打算考top 1學校, 我只係揀有英中既幼稚園黎考, 雖然盈盈考唔到我最心儀個間, 只係waiting list, 但係我唔會再諗咁多, 盈盈會係今年9月讀聖嘉勒, 因為我細妹都係個到畢業, 而且我識既人讀st clare都讀得唔錯, 當然成績及唔上dgs個d, 但係佢地個個都係品學兼優, 所以我對st clare都充滿信心！

原帖由 spmok1999 於 09-3-12 16:57 發表

咁我用 spce, dgs, dbs ... 去比較丫o麻~
我又冇話呢兩間唔好, 只不過唔係 "最top最難入" o者~
我朋友個女今年 9 月升小一都有 in. 呢兩間, 兩間都收, 但 dgs 連 waiting 都冇, 仲有其他都唔收o既我唔講啦! 咁你話 ...

060905

原帖由 spmok1999 於 09-3-12 16:57 發表

咁我用 spce, dgs, dbs ... 去比較丫o麻~
我又冇話呢兩間唔好, 只不過唔係 "最top最難入" o者~
我朋友個女今年 9 月升小一都有 in. 呢兩間, 兩間都收, 但 dgs 連 waiting 都冇, 仲有其他都唔收o既我唔講啦! 咁你話 ...

同埋以我同盈盈面試既經驗, 面試時答得好唔代表一定會收, 我覺得好憑眼緣, 有d學校盈盈表現麻麻, 竟然都收, 但盈盈表現得好好個d, 反而唔收, 所以我認同HIUYING_95話考得入唔代表讀得好！

060905

認同, 尤其聖嘉勒中學係摩星嶺好多人都嫌太峽涉, 有d人連小學幼稚園係光景台都太峽涉呢！

另外, 有好多家長想考入聖心, 並非讀私小, 而係想讀聖心既下午班(津校), 我今年識有幾個家長揀聖心都係呢個原因, 並非人人都想讀私小架！好似盈盈有個同學仔, 其實聖嘉勒都收左佢, 佢都報埋聖士提反女, 就係因為貪聖士提反女係津校, 所以你話點解聖嘉勒會俾聖心少人考, 唔多唔少都存在呢個因素。

我妹妹係聖嘉勒讀得幾好, 佢08年會考文科考到22分, 係一個唔錯既分數,我當年係聖士提反女都考唔到14分, 諗咯自己都有d失禮, 咁樣代唔代表聖嘉勒勁過聖士提反女呢, 真係無人知, 個別既表現會令到一間學校名氣大, 同樣地dgs係好多10A生, 但係代唔代表個到個個學生都考到20分以上呢, 我相信一定唔會全部囉, 每間學校都有唔同媽咪既棒場客, 希望唔好因為自己既個人期望, 令到大家都唔開心！

恕我多口,spmok1999媽咪你講既野, 反而係會令人覺得你有偏見多d！如果你真係咁想你女女讀好出名既名校, 你倒不如放棄考聖嘉勒！

原帖由 kkmoremore 於 09-3-13 00:49 發表
我覺得聖嘉勒相對易考/少人報, 唔多唔少係佢個地點問題. 因為佢個地點真係幾"掉腳",試想想如果住東區/九龍去返學,真係幾遠! 換轉我地大人, 如果住九龍/東區/新界, 都唔想到西環返工啦, 但中環就多數都冇問題! ...

[ 本帖最後由 060905 於 09-3-13 18:56 編輯 ]

060905

聖嘉勒係天主教。

原帖由 Sum107 於 09-3-13 18:52 發表
多謝大家意見,我會慢慢思考.
請問聖嘉勒係基督教定天主教呢?

060905

津校唔洗俾學費, 政府俾錢(免費教育)

私小係要自己俾學費, 每間學校收費唔同, 每月2000-5000不等。

原帖由 Sum107 於 09-3-13 18:54 發表
唔好意思,我唔識啲新學制-津校同私小主要有咩分別?

060905

原帖由 Sum107 於 09-3-16 10:27 發表
唔好意思,津校同私小除左洗唔洗比學費,仲有咩大分別?

津校 – 就算同一間機構所辦既幼稚園升小學, 都要派位, 例子：聖士提反女, 唔一定100%收回沿校生。(可參考其報名表格)

私校 – 由同一機構所辦既幼稚園升小學, 基本上係會95%-100%收番, 除非你放棄唔讀/ 成續真係差到學校唔收。(就算學校無足夠學位, 同一機構所辦既幼稚園係會優先取錄, 例子：大坑真光係會100%收回堅道真光及大坑真光幼稚園。

只於教學方法/ 辦學理念 , 其實唔同學校都唔會唔一樣, 咁就唔關津校或私校事。

060905

有, 小女今年會係st clare讀k1。

原帖由 goofy_bb 於 09-3-16 21:49 發表
想請問一下st clare 有幼稚園嗎 ? 本人欲想知道多一點資料