讀寫學生什選擇中學

yayaya

你可試聖本德，因我細姨甥亦有讀寫障礙(到現在佢連自己的名亦寫到歪歪斜斜)，當日我帶佢註冊時，有一欄好似是填學習上是否需要支援。我剔"要"。幾日之後，學校有人打電話聯絡我妹。開學後，姨甥仔分配的一班人數約廿幾人，佢呢班教的課程比較淺，但就有好多課外活動。佢而家讀得都幾開心，又冇壓力。:)
點會搵到呢間，其實個時我細妹係附近做野，(佢原本唔係呢區)因學校話我姨甥仔的成績不會有太多選擇。我妹唔甘心等派位，因佢怕派到差校風的中學，於是佢就特別留意好校風的Brand 3 的學校。佢話呢間學校的學生著校服都好整齊，男生的校服又唔會"飛"哂出黎。
或者你可到學校附近睇一睇，留意D學生。如你想知其它學校，亦最好親身到學校附近睇一睇D學生。