病完又病, 點解架?

靚媽唔易做

我女上年8月開始返n班, 10月第一次發燒, 之後就咳, 斷斷續續未停過, 依家仲有氣管敏感, 中間都發過2,3次燒但好快無事.  上兩個星期某日夜晚又突然發高燒, 燒完又話感冒菌入腸, 攪到佢肚痛肚疴, 食藥+戎口後呢幾日無乜事, 只係夜晚訓覺同朝早起身有幾聲咳, 但見佢日抖無乜事都算啦.........點知今日返黎又有鼻水, 打完乞痴(唔識打)仲有兩條綠色鼻涕走出黎, 今晚又要再食藥先訓.........

想問吓到底返學後d病真係無停手架呢, 有無人好似我女咁........其實我知返學會多病咗, 但密到咁係正常定唔正常呢?  依家攪到我有d想比佢停學啦, 請大家比d意見我呀.

同埋你地有無比魚肝油d小朋友食幫佢增強抵抗力架, 請分享~

p.s.  佢未返學前係無乜病痛既小朋友, 就算病一食藥就好, 但依家食極都唔好

靚媽唔易做

o個頭講完, 今日放學返黎食食吓飯又嘔, 依家姐姐話佢仲有發燒, 真係想暈底.......因佢咳同有鼻水都算, 我最怕係佢發燒, 依家唯有係咁叫姐姐keep住同佢探熱, 希望佢快d退燒啦.

退學我都唔想, 因佢返學始終開心過係屋企淨係對住姐姐, 同埋都有諗過依家退咗, 遲d9月返學都係要面對呢個問題, 學個fd話齋呢段時間係儲抗體喎, 如係咁真係希望佢上到k1會好d.

靚媽唔易做

我通常睇2次都唔得的話會轉醫生架, 因有時唔係d藥唔得, 係佢食純咗攪到唔work.  我之前第一次睇o個個醫生, 一食藥就攪掂, 但再睇第3次時d藥已經無用lu, 所以最後轉第2個.

$600睇一次都ok既, 但如果成日要keep住睇就真係好貴啦, 你試下去佐敦嘉賓大廈, o個度好多兒科專科, 我上兩個wk睇過一個叫趙長成都ok喎, 都係$380乍.