點樣先可以令到個小朋友有閱讀興趣....

一家的太陽

本人經驗：
1,同佢一起讀.尤其低年級識字唔多,容易放棄.
   一起讀可以避免呢種情況.
2,家庭內要有讀書環境和氣氛.父母從來唔讀書睇書,
   如何要求小朋友多點閱讀?
3,分享讀書樂趣.我自己有時讀到一些趣事.會同佢分享.
   佢會問你點知既?答佢：書上有寫囉.
   久而久之,佢會明白書中有一個廣泛既世界.
4,在佢經常活動既空間,放一些書,使佢隨手可以拿來翻讀.
   在阿仔p.1時,通過學校買了一套兒童版既中英對照
   莎士比亞書物.放在書房既電腦位附近.
   嗰時佢鍾意睇多拉A夢漫畫多D,幾乎冇郁過那套書.
   老公還怪我晒錢.
   後尾佢識字又多了,或者正係就手,有時見佢打機之間,
   會拿來翻讀.問下來,已讀完幾册.儘管都係讀既中文版,
   但都好.知道書既內容後,以後讀英文版時會順當一點.
   期待中.....

一家的太陽

其實閱讀習慣係培育出來嘅,唔係迫出來嘅.
所以我會被小朋友自己揀書,只要內容有益.
當然也會推薦覺得好嘅書比佢.

阿仔低年級時,只鐘意睇多啦夢漫畫書或關於太空嘅書,
我當然想佢讀多點文學類既書籍,可以提高語文水平嘅嘛.
但發覺真係迫唔到嘅.

依家識字多喇,閱讀嘅書也多樣化d,空餘時間,
除了打機(須限定時間),就書不離手.

培養一個好嘅習慣,真係需要時間浸潤嘅.

[ 本帖最後由 一家的太陽 於 09-3-23 14:56 編輯 ]