點樣教A仔分別屋企人身份???

SandraLo

原帖由 owl_2046 於 09-3-19 17:00 發表
亞仔依然未懂得分, 同佢講:叫我先. 佢次次都答:爸爸
無論邊個問佢都只係答:爸爸

唉!有咩方法教識佢.........指教下我啦

我估佢未必係唔識分辦你地邊個係邊個, 有可能係你個句「叫我先」佢未理解到, 因佢唔明点解「叫我先」呢個問題由唔同人問會有唔同答案...... 亦可能佢覺得爸字發音易, 敷衍了事.......你要知問題响邊先教到, 如果係關乎認樣貌, 就可用照片！

SandraLo

原帖由 owl_2046 於 09-3-20 12:19 發表
亞仔基本上好多音都識發識讀, 但大多都係我一句佢跟一句.
我叫佢:叫我媽咪先, 佢大多數都會肯叫, 但有時佢會話:唔叫呀.......真係比佢激C
總之逢有人叫佢: 叫xxx先, 佢心情好都一定跟到, 否則C都唔叫.
我諗我都要好 ...

好似January咁講, A仔學你我他等係會覺得難d, 咁你同佢講嘢時就可以暫時避開呢d字先, 以免佢唔明又有挫敗, 甚至出現鸚鵡語......

SandraLo

原帖由 owl_2046 於 09-3-29 14:30 發表
咁我想佢叫我, 應該點教?
係咪邊個想亞仔叫自己, 就走去亞仔面前, 指住自己呢?

查實佢係咪已知你係媽媽同識講媽媽, 只係到你時唔叫？
你見到佢時會唔會都叫佢(名)？

SandraLo

原帖由 owl_2046 於 09-3-30 10:22 發表
係呀, 佢係知嫁.
當我同佢講: 叫聲我先, 佢都只係好"求其"叫一聲:爸爸
我話唔係, 係媽咩呀? 佢先叫"媽咪媽咪
另外叫佢叫人時, 佢都唔鍾意望人.
但當同佢玩佢有興趣既野時, 佢眼睛望好實在..........

...

呢個其實involve幾多嘢, 簡單講.... 就係点教！
我諗你都知, A仔可以「遊」得好緊要吓, 佢attention未到, 咪隨口up, 你要俾個「合適」嘅環境佢先, 即係企定定, 捉住佢要佢望住你, 或者你叫佢先, 而當佢做到時要大讚佢, 或者抱一抱高佢, 佢亂up就唔好放佢走, 要等......

SandraLo

原帖由 owl_2046 於 09-4-7 16:32 發表
呀, 好明顯係我老公既做法, 我老公十個堅持要亞仔望住佢叫.
我就求其佢有叫我就算數, 因我覺得捉住亞仔佢好似好辛苦, 佢又大力, 我又唔想同佢鬥力..........衰心軟......
...

你都明白係衰心軟就要改正啦！
A仔勁遊雲, 唔識模仿係佢地學習最大阻力, 你若能堅持, 不單止幫他學叫你/叫人(睇到係邊個先叫), 重幫埋佢模仿同專注！

SandraLo

原帖由 owl_2046 於 09-4-9 17:40 發表
嘩! 咁緊要!
我要十個堅持先得啦!
遊雲呢家野.......好難攪

係架, A仔媽咪唔懶得, 起居生活食飯著衫都係教..... 叫佢望住先講同做, 努力, 加油啦！