考二級琴試

HinMa

小朋友在5月中考2級piano,但到現在仍未教sightreading & aural,正常嗎?

HinMa

老實說,我是否應該轉老師呢?
但5月中就考,是否學都學唔切呢?
因為琴老師同我講要有心理準備小朋友會fail.

HinMa

我個小朋友跟呢位老師已經三年多,是我去年問老師囝囝可唔可以報校際音樂,佢就話唔好報,不如報皇家音樂個試,而我本身對鋼琴全無認識,更加唔知個流程係點,老師重話為了我慳錢,叫我唔洗請翻譯,佢會教到我囝囝點應付,但一直至三月頭我先知考琴試係要考三首歌,scale,sightreading &
aural (我重傻到以為係考oral),都係其他家長同我講我先識,於是我自己去問老師教左未?原來3月7日佢先開始教第三首歌,其他家長話無理由喎!
我囝囝真係好鍾意音樂,佢一星期去五天練琴,每次45mins至一個鐘,完全係自願,唔洗迫,有時我想懶下唔去琴行,佢都會提我今日未練喎.

HinMa

因為我身邊的其他家長見我對仔女學左咁耐琴,點解重係學D好淺既歌仔,而且堂堂彈黎彈去都係果幾首,個個都同我講可能係老師拖住黎教,但我心諗係咪都要教學生架喇,一路學上去都有排教喇,點洗拖呢?所以我都無特別理會,但到囝囝三年級時(即去年10月左右),佢見好多同學都報校際,有D報二級,有D報三級,咁佢就問我佢係幾多級,老實講我真係唔知學到咩級程度,所以先問老師佢地係幾級,佢就話亞仔一至二級,亞女就未到一級.
老師叫唔好報校際我就唔報,但佢係12月份打電話黎叫我報二級琴試,重係deadline前一天叫我報.
其實都唔緊要,我最不滿的是:
1) 佢係教左好耐琴,有經驗的老師,應該知道要3月前就教晒琴試既野(係我新既琴老師講),因為有d人係會4月考.
2) 佢同我講囝囝會有機會fail,要補下堂先得,但平日3點幾放學後佢full晒,而且4/11復活節佢唔得閒上堂,第二日會再打電話俾我講下點補,我等左佢三日,電話都無個,5月15日好快就到,所以我的起心肝另找新老師.

本來我都唔想係呢個時候唔跟佢學,話晒都跟左佢三年幾,好黎好去,但新既老師話佢唔讚成我同一時間跟兩個老師,會令小朋友好混亂,而且等極佢都無電話俾我,即係佢都full到無時間,只好轉老師.

我明天就去上第一堂,我有同新老師講,我唔係想佢包囝囝合格,只係我想亞仔入到去考琴,都要知道自己要做咩,個流程係會點.

打左咁多野,唔好嫌我長氣,只係想發洩一下,好多謝各位!

[ 本帖最後由 HinMa 於 09-4-9 17:33 編輯 ]

HinMa

bebebe12345,
唔好意思,請問UID係代表甚麼?
是否年資的表示,因為我是BK媽咪好耐了.

原帖由 bebebe12345 於 09-4-6 16:22 發表

見到你的UID得三個位(好少見)，同埋囝囝這麽勤力練琴，真係想唔支持下都唔得 ...

HinMa

上星期五上左第一堂，老師同佢練sight reading，其實我真的不擔心囝囝既分數,如果努力左都fail都無所謂,我只係緊張佢清唔清楚考試既流程,若果矇查查咁就去考試,真係唔考好過考.
多謝你!

原帖由 bebebe12345 於 09-4-15 14:15 發表

同新老師上完堂，都OK嗎?
唔駛介意位老師講既野，仲有時間，先攪好3首歌
同scale，世事無絕對，不用太担心。

HinMa

洛婷,
我聽左你囡囡既考試歌，佢既手指好過我對仔女,新老師話佢地有時會豎起隻食指，要改番d手勢.
你囡囡好d未呀?祝佢明天精精神神去考試。
我想問問甚麼叫JE呀?

HinMa

囡囡好番就好了,考試時她緊張嗎?

原帖由 洛婷 於 09-4-16 15:05 發表
今朝早同女女去咗考琴試 , 終於可以鬆一口氣 ,

希望佢攞到好成績 !!!!!!!!!

HinMa

bebebe12345,
多謝你的解答.

HinMa

仔仔下午就去考琴了，頭先朋友告訴我先知道係立即知result，我重以為要等寄黎先知。
洛婷，你囡囡ok嗎?

HinMa

ming2,
係呀要等7個星期呀，原來朋友擺烏龍，佢個囝囝都未考過royal這個試，只係考校際果個。

原帖由 ming2 於 09-5-15 11:45 發表
HinMa
你考邊個琴試呀??皇家試一向都要等六至八星期先有結果出架喎...冇可能即刻知架?!