英華書院好定九龍華仁好

davidmimi

原帖由 b-7 於 09-3-26 15:28 發表
九華來了新校長，聞說他是校友，棄教局高職回來 振興/救亡。它收的始終是 band 1，要救應不太難。

相反，英華卻勾上了一間大角咀小學，唔俾佢拖沈都拖慢。

...

講得對...

雖然係bk成日有人話九華差了很多,但係佢始終係油尖旺首選,差不多該區最top幾間小學的尖子,都係揀九華,我唔信會差得去邊呀.

davidmimi

九龍"油尖旺"同香港"灣仔"係兩個成績至top小學分區,亦係最多跨區學生的.

係灣仔區,父母長途跋涉將兒子放係呢區讀,係博大抽獎大機會d入皇仁.

係油尖旺,你話佢地係博緊邊間中學??

唔知有邊間揀??俾埋個list看吧...
http://ssp.proj.hkedcity.net/chi ... m&district_id=6

davidmimi

原帖由 catcatmom 於 09-3-26 23:57 發表
齋講名氣甘更係九華好過英華, 因好多家長唔會上網, 更加唔識入到兩間既周年報告,睇下近年公開考試成績, 連買份明報講升中既書都慳, 所以咪唔知九x既平衡公開考試成績連官塘band2學校都不如, 小學尖子入去又點, 會考 ...

講到會考成績...去年喇沙的取"A"數量達200,足足九華的1倍,呢方面的確值得校方檢討,但出奇地...透過拔尖計劃中六直入大學的人數...兩校又差不多喎!!!! 原因是..

兩校取A學生都係集中在頭40人左右,而呢班頂端學生大多是中一自行收生的一群,而拔尖計劃只是要求6-8科A,而華仁從不要求學生就做狀元,只要求學生達標升中六已足夠,而有信心拔尖的學生,才會報8科的.
http://www.jupas.edu.hk/jupas/c_content_eas.htm

好多學校會考合格率100%....如果做出來呢?? 很簡單呀,中五前將不達標學生趕出校,再另收達標的學生便可以呢!!

從來...尖子都係由家庭培養出來,學校只是錦上添花,若家長發覺學校唔掂,必定會轉校,一定唔會攬實"華仁"這個貞節牌坊,而斷送兒子的前途.

還有...油尖旺的家長唔係傻的,更不是"魯賓遜"呀,對於子女的前途,對於升中資訊,他們亦掌握不少呢!!!

davidmimi

我終於知九華的post,點解有人問,但又無人答了!!

對不起呀!!我生兩個都係"女"呀,無資格做"九華"的代言人呀!!

davidmimi

5* = A ?????

我由頭到尾都係講A,都無講過5* + A, 至於5*數據,sorry...忘記了!!!

我係某出版社教育版工作,上年做緊個拔尖專輯,拿到部分學校的數據,九華及喇沙是其中兩間....而對於兩校A數差距咁遠,所以特別深記憶.

仲有..九華剩計A,根本就唔過百呀! 九華成績跌係事實,但仍受油尖旺家長歡迎,亦是事實.

咁鍾意講數據呀，知唔知邊間名校有最多綜援家庭，係九華呀...12%.

我令其他家長誤會,講句sorry!!!

[ 本帖最後由 davidmimi 於 09-3-28 16:42 編輯 ]

davidmimi

你同我講沙崇,真係請你慳d啦!!!!

知唔知崇真點解會搬去沙田呀??
係廿幾年前深水埗舊址(現為崇真小學),教員室屋頂塌下,舊翼列為危樓,所以急急在2年後搬往沙田現址.

沙崇唔會趕人出校??
你估呀????梗有趕人出校啦!!

點解我知...因為我係沙崇舊生,仲係中四那年被趕出校!!!

張文偉校長都係首批由深水埗搬去沙田架,我睇住佢入職架..

[ 本帖最後由 davidmimi 於 09-3-27 23:34 編輯 ]

davidmimi

中學會考統計數據,就好似上市公司財務報表,只能作參考,請你看清楚,拔萃排第15呀,咁係咪拔萃又差咗呀!!

http://lscc.edu.hk/index_subpage02/Mingpao05/images/LSCC14.jpg

請睇埋底部(註),只為達70%合格率,而肯提供數據的46間學校,不代表全九龍呀.

編輯肯定知無參考性,純粹為你呢類鍾意睇統計數據的人而做.

100%合格率!!! 可能性極低!!!!

1級200人,每人報6科,即共做1200份paper
(200 x 6 = 1200) 0% Fail??

要做到0% Fail, 保証無人失手,無人成績差, 除了行政手段,接近無可能的, 你問問那些100%學校,校內試有冇人Fail??肯定會有,咁點解公開試,咁緊張情況反而可以做到0% Fail呀!!

如果無做"數據",低於10% Fail, 已經係好成功的, 奈何市面上太多"假數"了.

成日知少少扮代表,你係BK就過日晨,我係BK係搵料架,一日看幾百次架!!!!

[ 本帖最後由 davidmimi 於 09-3-28 21:43 編輯 ]

davidmimi

要評定中學水平(津校&有參加乙部派位),只需計頭30-40%學生成績已足夠了,而乙部派來的學生,是無法作準的,隨時有一屆抽晒全部band 1尾回來,咁當屆的數據便會暴跌了,來屆抽晒band 1頭,數據又會暴升的...

davidmimi

原帖由 catcatmom 於 09-3-29 02:46 發表
沙田祟真以前係一間band5學校,由真光既校長葉秀華過檔, 由以前取錄第五組別學生,升至現在取錄第一組別英中. 會考100%合格只是指5科合格, 明報亦有登其他100%合格既中學, 我只是求其搵左間沙祟出來作比喻. 而沙祟成績 ...

嘩!!你將崇真的歷史撈亂兼攪錯!!!

正確來講,當年崇真係分拆,而唔係遷校,如果上市公司有財技,咁當年崇真用的亦差不多,當年遷校往沙田,但深崇仍然保留(縮規模),由新管理層接管,而留低在深崇的,大部分都係成績差的學生(反正都唔讀書,唔想去咁遠),及一班等退休的老師,而沙崇則盡吸舊校精華,由1間band2尾學校, 分拆成1間band 1 & 1間band 5了.

係在辦學角度來看,為學校而做,為學生而做的,有時會係對立的,行政手段亦是必須的,我不覺崇真有錯,她仍是我敬愛的母校,張文偉還是我尊敬的老師.當年校運會師生賽,張校長400米赤腳跑嬴所有人,現在我都記憶猶新,沙崇係崇真最成功1間學校,張校長絕對功不可沒.

我的工作需要統計數據,係要真數據,要有真數據,先要剔除不準確的因素,所以評校只計頭30-40%,係合理的,band 1生有考第1,亦有考60,咁A校收晒考60的,而B校收晒考第1的, 5年後會考成績係咪一樣呀??

假設間學校肯接收學障學生,落差不是更大,體操跳水評分,都係剔走最高最低分,原因一樣!!

做人不要以偏概全,為拗而拗.

[ 本帖最後由 davidmimi 於 09-3-30 12:39 編輯 ]

davidmimi

原帖由 johnny_tangcy 於 09-3-30 13:33 發表
俾個新丁擺左d唔應該擺o既上來，全部証據...散晒!!!!

請pm我投票誰勝誰負，保証唔透露個人資料。

你唔好咁低能啦,同佢地一般見識啦!!

呢d叫做"理性討論"咩!!呢d叫做"網絡欺凌"呀,佢地仲沉醉緊上年圍嘔MINICAT的快感,一見"九華"兩個字就撲晒上來,扭曲數據,斷章取義,簡直係"瘋九症"呀,我真係唔同佢地一齊癲呀.

我唔知MINICAT有幾衰,亦唔知九華有幾差/好,但我想問你地一條問題.

有一天亞仔/女同你講,我地今日10個人打小明1個呀,佢幾衰呀,晒對新波鞋,話我地買唔起呀!!!

請問你有何感受呀?? 父母的身教比讀名校更重要呀!!

**任插,我不在乎**

[ 本帖最後由 davidmimi 於 09-3-30 16:55 編輯 ]

davidmimi

我看不到b-7的個人行為與華仁/英華/德信等學校有何關係....不要又與華仁榮辱掛鈎!!

呢個post已經爛到無可再爛,看到的...只是人性最最最醜惡一面,大家都無謂再留言了!!