有個資優兒係唔係好?

kathylo

自從大女兒兩歲多, 就開始有情緒和行為的問題, 那時, 到了她四歲多, 我們擔心她會影響她將來小學的生活, 直到上年尾, 經朋友的介紹, 去帶她見一位教育心理學家, 我們只是想找出她的問題所在和有什麼辦法可以改善她的情緒和行為, 結果, 是她一切正常, 只是她的腦袋轉數很快, 又思想敏銳, 教育心理學家只是和她玩一些遊戲, 她已經掌握到教育心理學家的底線, 還嘗試控制那位教育心理學家, 佢叫我們等她小二/三時, 留意下她那方面比較優勝, 到那時才決定做唔做評估

當我們得到這個結果, 真有喜亦有悲:
喜的是她一切正常
悲的是她可能是資優兒

我有兩個朋友, 她們都有資優兒
第一個friend, 個仔升中啦, 好驚band 1中學唔收, 佢個仔成績好, 但操行唔多好, 時常比老師投訴, 因為佢個仔好多課文已經識, 所以上堂唔同老師合作, 因為由細細個時已經有情緒問題, 所以同屋企人關係唔好, 又唔肯聽爸爸媽媽話, 試個咬阿媽大腿, 一拳打阿爸心口, 現在要他上EQ課程, 情緒才好好多, 但要比成千蚊一個月上堂
我問他們, 可以選擇的話, 想唔想個仔係資優, 他們即答"極唔想"
第二個friend, 個大仔現在是成人啦, 但個仔中學時, 越來越出現很多的情緒和行為的問題, 於是經醫院專科的介紹, 去在見教育心理學家(即我個女見個果, 係這個friend介紹),
見在之後, 原來佢個仔是資優兒, 但因為腦部發展得太快, 所以影響他的荷爾蒙, 以致他的思想和情緒出現偏差, 所以佢地時常唔知個仔諗緊什麼, 又唔明個仔點解要那樣諗, 攪到關係唔好, 佢地又擔心, 佢個仔係中二果年, 試過無返學, 又搵唔到佢, 原來走再上屋企大廈的天台, 嚇到佢地死死下, 現在長大了, 但又患上抑鬱病, 佢地亦講過, 資優原來唔係好野, 可以選擇的話, 真唔想個仔係資優

見到佢地的情況, 真唔想自己個女都係資優, 但若果真的係資優, 唉, 會唔會係惡夢的開始?