tko 新 x 城互動教育

咕怪媽媽

未上過課, 不評論它的教育質素.

不過行政就真係不敢恭維!

有朋友介紹, 佢的英文班係 native teacher, 學費又平過亞囡依家的少少, 諗住去試下.

一問, 冇試堂. 不過單張上有寫 $500/4堂, $150/一堂, 比 $150試下一堂啦.

點知姐姐仔話要問過老師. 岩o既, 要尊重老師.

留左電話, 等左一日, 無聲無息.
即管打電話去問,
一問, 姐姐仔話, 老師話咁樣上一堂, 好難預人數喎.

其實姐姐仔一答問左啦, 我已經少少火.
如果佢話, 老師/學校未回覆, 都無問題.
但佢好爽快咁一聽到我自報姓名, 已經識講我幫你問左啦~~~
我第一個反應就, 吓, 我唔打黎問你就唔使覆我?

不過我冇發火, 我同姐姐仔講返我的難處,
我囡依家上緊第二度的堂, 你呢度又唔比試堂, 咁如果我貿貿然 quit 左果邊, 亞囡又適應唔到你呢邊, 果邊又冇左個位, 咁我咪兩頭唔到岸.
我唔係玩玩下, 我地係好有誠意, 否則亦唔會肯比錢黎試堂. 試過 ok, 我地一定係一期一期咁比學費, 唔會係逐堂比.
咁姐姐仔就話, 好啦, 幫你再同老師講下啦, 不過 no guarantee 架.
為免佢係因為無左我電話, 而唔能夠主動打比我, 我又留多一次電話比佢.

結果, 又等左兩日.

不過, 呢次我冇再打去問啦.  人地都唔想做我地生意, 何必咁卑躬屈膝.

咕怪媽媽

咁講我咪應該要多謝果位姐姐仔?

否則比左錢仲更 dum 心!

原帖由 心心 於 09-4-30 10:38 發表
終於有人投拆呢間野, 我會比最差評級, 好彩你未上堂, $150食餐飯暖肚好過~