P5 呈分試

maglam1985

原帖由 vet 於 09-5-15 00:37 發表
Is 2nd term test count?

Or 2nd term exam only?

你要問番學校用邊幾次考試做呈分試, 絕大多數學校都會用五年級下學期嘅考試做第一次呈分試。第二次就用六年級上學期考試, 通常會係十一月尾至十二月考, 因為"自行收生交表"會喺六年級時的一月份進行, 二至四月面試, 視乎各中學的安排。第三次就會係六年級下學期約三月至四月初考, 因要"電腦派位選校表"約在四月尾派, 這時要知道三次呈分試後學生大約所屬的派位組別。

經驗之談, 第一次及第二次呈分試至為重要, 因為自行收生階段, 中學會將所有報考學生的名字遞上教育局, 教育局會把他們第一及第二次成績再加以調整pre-s1成績之後來排名, 有些學校會根據這個次第來約見學生。例如甲和乙學生都係校內考第一, 自行揀同一間中學, 但排次第之後, 甲學生可能比乙學生差十個馬位都唔定。

而第三次係畀邊緣學生努力追趕上較好banding 的重要時刻。