2010年9月入讀小一,沙田91網請大家交流一下選校心得

tam

原帖由 selina1109 於 09-6-12 15:37 發表
我個仔升高班，見兩個朋友係幸運大抽獎都抽唔到心儀既學校，而去周圍叩門，好慘。所以我諗係時候要出力幫亞仔揀學校同填表，大家有時間一齊分享下。

另我聽聞有些媽咪話沙田小學競爭好大，填表既時候，第一志願係揀最心儀同最好 ...

可以比小小意見你，我女係前年派位的。

培基、沙呂、一呂，以我所知呢3間20分都未必入到。大抽獎唔放第一，一定無機會入。

朱小、蕭小都無宗教分，第一輪相對比較易入，亦都見往年有唔少人15分入到。

胡上無乜留意，但大抽獎放第二位入到的機會都唔大。


第一位就一定放自己最想入讀的學校，機會只得一個，試左有機會入，唔試就直情無機會。

第二位就真係要保守d，放次選少少但屬於心儀的學校。

第三位就真係唔好咁進取，選一間校風好，第二輪學位剩餘較多的學校(第二輪填表時，會有張list派返黎列明每間學校仲有幾多位派)

如果頭1、2、3都填哂大熱門的，位派哂你又跳到好後先有得選校的，派位就一定差，呢個派位遊戲，策略都好緊要o架。