請問有冇小朋友學過公文式既媽咪可以分享一下? (Part 2)

十月媽咪

各位公文媽咪,

我地已經超晒BK指定既頁數喇, 應版主要求, 開PART 2繼續傾喇!

十月媽咪

scarecrow,

睇下改得啱唔啱?!

030316	K2	男	數3A	中2A	ERP3A
wacha	K2	女	數3A	中4A	ERP4A
sumsumbb	K2	男	數2A	中3A	ERP3A
princesshk2	K2	女	數4A		ERP 7A
raycarbb	K2	男	數2A30		ERP2A30
lingchuling	K3	男	數2A60	中5A150
小豆媽	K3	女	數 A100	5A90	EFL 2A
nataliemama	K3	女	數2A60
5354	G1	女	數B170	中AII	ERP'AII'40
fyeung	K3	女	數A
十月媽咪	K3	女	數D	中BI	EFL "G"
Jasmine	K3	女		中3A85
scarecrow	K3	女			ERP AII
Yau_Cheung	Y1	男		中2A	ERP AII
wasabb	P1	男	數 B120		EFL'D'110
Ansonrubby	P1	男	數Dcut	中Acut	EFL'H'
迪迪洛洛媽媽	P1	男		中AI 200	ERP AII 20
迪迪洛洛媽媽	P3	男		中AII 190	ERP BI 190
Littlehipo	P1	男	數D120	中AI	ERP BI
200012	P2	男	數B50
Heidi媽	P2	男	數G100
wasabb	P4	女			EFL'F'180

[ 本帖最後由 十月媽咪 於 09-6-29 19:42 編輯 ]

十月媽咪

Yau_Cheung,
唔係嘛? 今晚12前? omg, 我諗我已經同周公傾緊偈咯!

原帖由 Yau_Cheung 於 09-6-29 19:53 發表
hi 阿十,

今晚開会呀! 希望12:00 a.m. 前走得啦!

十月媽咪

啱啱收到老公電話, 原來佢今日收到GH電話, 不過唔係叫我地去面試, 而係問我地響大抽獎之後, 有無再申請...很奇怪的?!

老公答: 有申請呀!
GH: 但你地份申請表有無application no.呀?
老公答: 有呀, 響份profilio既personal information度呀!
GH: 咦, 係喎, 搵到喇!
老公: 咁幾時有消息呀?
GH: 嗯...等我地睇完晒成份野再call你地啦!

見到人地逐漸有消息, 我地就未有, 都諗緊個女係咪差成咁, 連多一次既面試機會都無呢? 原來....人家搵唔到我地個申請編號, 根本連我地份野都未睇, 真係又會咁既.... 明明之前打電話去詢問嗰陣, 都曾經留過個申請編號畀佢地架啦, 真係...

十月媽咪

唔駛客氣!

原帖由 scarecrow 於 09-6-29 20:16 發表

唔該晒!

十月媽咪

Hello Heidi媽,
七月份公文無停課喇喎, 咁你仲繼唔繼續呀? H100, 好勁呀!

原帖由 Heidi媽 於 09-6-30 08:05 發表
Hi 十月媽咪, 其他媽咪,

好耐無上來, 恭喜你地開新版 .  
我仔仔6月開始停數了, 原先諗住停兩個月因為學校考試, 怎知停課, 現在考慮緊會唔會繼續學, 他現在學緊H100.

...

十月媽咪

fyeung,
我想問, 知唔知GH係咪真係confirm朝早七點半上堂, 上到下午三點呀? 除左返學放學時間之外, 你知唔知每日既上課時間表係點樣呀? 學校有無畀到你地? 你有無校車路線圖&上落車時間表呢? 我想人地未再call我之前, 知道晒呢d野...畢竟除左學費之外, 我地仲需要考慮好多野呀! 唔該晒!

我地學校之前話幼稚園&小學既畢業禮取消, 上星期有幼稚園家長約埋一齊返學校同校長傾下, 睇下可唔可以搞番個簡簡單單既畢業禮畀幼稚園部學生, 校長回覆要搞就要搞埋小學部, 而學校無資源分開搞! 噚晚上學校網頁睇, 見到家教會幫小學部搞"謝師聯歡會", 未睇通告之前, 以為只係謝師宴, 細看之下, 原來謝師宴前 (lunch), 會響學校禮堂為小六畢業生搞三小時既畢業禮....何解幼稚園部提出, 就一定要連埋小學部一齊搞? 小學部搞就唔預幼稚園部既份兒? 幼稚園部家長一樣有交家教會既會員費, 為何如此大細超? 資源如何分配? 心中千萬個問號?! 好期待今日學校會響網上公佈幼稚園畢業禮既情況, 如果最後都係話取消or隻字不提幼稚園部既畢業禮, 我會對學校既處理手法極度失望 & 會視之為對幼稚園部家長&畢業生極度不尊重!

原帖由 fyeung 於 09-6-29 23:21 發表
scarecrow,

咦!你囡囡k3,將會去邊間小學?

阿十,

起碼你知道GH睇緊你個file,好事好事!!
麻煩你開左part 2.

十月媽咪

Yau_Cheung,

謝謝支持!

原帖由 Yau_Cheung 於 09-6-30 09:10 發表
hi 阿十,

加油呀! 你囡囡咁醒, 要對佢有信心!

十月媽咪

fyeung,

check pm please!

呢間學校, 我對校方 & 校長 & 老師 & 家教會, 都唔會抱任何大既期望, 星期四, 一班家長會約埋一齊, 返學校盡最後努力, 爭取一個簡單既畢業禮, 唔知到時學校又點樣耍我地! 豈有此理!

原帖由 fyeung 於 09-6-30 13:53 發表
阿十,

有媽咪講過係7:30 am - 3:00 pm.囡囡個朋友今日下午second in.我搭佢問埋校長,可能可以post D資料比你.
我有校車資料,不過係08-09架,都係番7:30 am,有無用?可以參考下.我e-mail比你,你pm個e-mail address比我 ...

十月媽咪

Ansonrubby,
唔駛客氣!
係呀, 做到level D喇, 上星期老師正式畀兩位&三位除兩位既數佢做, 即係D81-100呢兩叠WS, god bless me, 理解上比我預期中好, so far教左十幾條左右就明我講乜, 兩日後已經可以完全自已pickup喇! 不過timing上依然要加油, 因為明白左點計之後, 時間上仲未達標呢!

你阿仔都好厲害, H200, 我個女已經做到G150, 但呢輪做中英文都超慢, 已經減到五頁五頁咁做架喇, 但一份起碼做廿分鐘, 真係...

原帖由 Ansonrubby 於 09-7-2 15:12 發表
阿十：
我都來報到啦！唔該晒開左Part 2.

睇番個chart，原來你囡囡到Maths Level D拿！勁wor.  

嘻嘻！這個summer，我打算比阿仔開始學enopi，希望好玩些，佢又大個些，可以持之以恆，學到高階。學enopi，亦可為他學英文數打底 ...

十月媽咪

哈哈哈, 係囉, 阿仔, 唔好玩啦!

原帖由 SumSumBB 於 09-7-2 21:41 發表
今日阿仔做做下功課竟然同我講：媽咪，我要俾心機，我要讀公文讀到大學！
我心諗：唔係ma...唔好玩我啦！

十月媽咪

fyeung,
ansonrubby響個仔讀左小一無幾耐, 已經cut左公文中&公文數架喇, 最後cut剩英文架咋! 如果我無記錯, cut左公文數之後, 係轉左讀奧數的, 但唔知而家仲有無讀奧數呢? 抑或奧數+韓數一齊讀呢?! ansonrubby, 要你澄清下至得喇!

話時話, 乜野係數in呀?!

原帖由 fyeung 於 09-7-2 23:14 發表
Ansonrubby,

點解你囝囝咁勁架?上左小學仲可以handle到,公文數仲要加enopi.我而家諗緊,可能公文數會讀到乘,若果handle到可以比佢繼續,另外,我有諗過暑假讀數in,多d文字題架,比較貼近小學數學.

...

十月媽咪

唉, 我唔接受佢呢個速度, 係因為佢拎住支筆, 好似誓緊願咁呀! 如果升左小一之後都係咁, 我九成九cut左佢架喇, 事關做完學校功課, 再誓願咁做公文, 真係唔係佢死就我亡喇!

原帖由 Yau_Cheung 於 09-7-3 09:02 發表
hi 阿十,

我阿囝做 5頁英文都係要15-20分鐘，我覺得可以接受播!

另外，中文3 or 4頁都係15-20分鐘。

十月媽咪

早晨呀, 各位公文媽媽!

十月媽咪

各位,
阿女未有消息呀, 我見好多有得2ND IN既小朋友, 大多數來自九龍塘既幼稚園, e.g....ST. CAT, 所以...我諗有排都未輪到我地呢!

Yau_Cheung,
呢個暑假, 除左一直學開既琴之外, 仲畀佢試古箏&陶笛, 古箏已經開始左, 佢好鍾意呢, 至於陶笛, 下星期就會開始喇, 佢好期待呢!

原帖由 Yau_Cheung 於 09-7-7 13:39 發表
阿十,

午安呀! GH有消息未呀? 我都替你緊張，有消息第一時間上黎報喜呀!

宜家各樣課外活動如常，不過要戴口罩上堂。囝囝未學過樂器，除左琴，各位有冇好介紹?  媽咪可以一齊入班房學最好，如果唔係唔識點同佢練習；另外有冇媽 ...

十月媽咪

fyeung,

唔好再提我嗰間衰野既畢業禮, 諗起都火滾! 最後小學部有畢業禮兼謝師宴, 但幼稚園部最後只係響禮堂掛張banner, 家長鍾意既話, 可以帶小朋友返學校影張相留念, 真係...唉....nothing to say!

係呀, 陶笛就係嗰d細細舊既樂器, 唔知點解得幾個窿, 但都可以吹奏到唔同既樂曲, 阿女真係好期待的啊!

初學鋼琴, 隔日十五分鐘算唔錯架喇! 我女都學左一段時間喇...家中有琴, 所以幾時練都得, 通常一練, 就起碼一粒鐘架喇, 無辦法的, 又要練表演歌, 又要練上堂學既歌, 又要練scale, 又要練手指...每首彈5-7次, 眨下眼就一粒鐘了!

原帖由 fyeung 於 09-7-7 18:36 發表
carina246,

你囝囝咁勁,一日練45-60分鐘,我囡囡上JMC快完咯,而家join左Tom Lee內架老師學彈琴,好左好多,唔知係咪1:1,對佢有左要求呢.而家一日or隔日練15分鐘,講比人知我都驚比人笑.佢都係也也烏架啦,所以只要佢肯練 ...

十月媽咪

我女未試過吹奏樂器, 我都唔肯定佢吹唔吹得掂呀, 玩下手, 吹到成支陶笛都係口水, 哈哈哈哈!

原帖由 SumSumBB 於 09-7-7 20:53 發表


我都好期待...唔知阿仔學唔學得識，我估到時要揾你阿女幫我阿仔補下習先得！

十月媽咪

fyeung,
我都係咁同個女 講, 個書包要起碼用兩年, 三年級至會考慮買過個, 我諗佢應該做得到的, 因為佢幼稚園個書包, 人地一年換幾個, 而佢嗰個可以用足兩年的, 如果唔係學校書包質地差, 我諗佢用三年都無問題呢!

我問過d響gh讀書既女仔, 佢地話學校淨係唔畀同學仔用有轆既書包, 其他咩款都可以架! 仲有好多同學仔係孭hello kitty, melody呢d公仔書包添! 跟住佢就好好笑, 問我: 係咪佢 (指住我個女)都入左gh呀? (我話: 我都想...不過唔係呢! 我問下架咋!)

最後, 我女揀左個hello kitty畀自己, 個hello kitty公仔係畫緊畫既, 我女又揀左個melody畀表姐仔做生日禮物, 個姐姐話呢個系列係今年最新出架! 你女睇中邊款呀?!

原帖由 fyeung 於 09-7-8 00:46 發表
carina246,

我同囡囡講個書包小心用,用2年,P3先比佢買新,唔知佢可唔可以咁乖呢?

十月媽咪

書包我反而唔想買兩個, 一唻屋企無咁多地方, 二唻好怕交替用既話, 會帶漏野! 平時我自己, 背囊同斜孭袋 交替用, 都成日出現唔記得帶濕紙巾呀, 紙巾呀, 雨傘呀之類, 仲試過唔記得帶銀包, 自己嚇自己, 以為畀人偷左or跌左, 真係....我呢d烏龍大王,  個女一個書包就夠了, 唔好要我同佢檢查再檢查呢!

原帖由 Yau_Cheung 於 09-7-8 09:01 發表
我都買左個 Thomas 書包。 去睇書包嗰日，我同hubby都鐘意 zeven其中一款書包，不過無公仔 (Thomas or Mickey or 反斗車王)，阿囝表明唔鐘意，雖然公仔書包無 zeven 書包咁輕，但阿囝無書帶，都應該ok 掛。

想請問小朋友 ...

十月媽咪

我自己買畀個女嗰d街外既背囊仲耐用呀, 由佢三歲幾孭到而家五歲幾, 都真係無穿無爛啊!

男仔用野係比較粗, 真係無計, 佢d男同學, 真係一年起碼換三個"學校牌"書包啊! 而我女就三年用兩個, 我真係慳唔少呢!

原帖由 Yau_Cheung 於 09-7-8 09:05 發表
hi 阿十,
你就好啦, 個女咁愛惜自己既物品，慳番唔少錢！  我阿囝個書包"崖"到一年都偷笑啦! 宜家用緊個書包1月先開始用，我相信上完暑期班 (8月) 就可以報銷啦。

...