我既問題係邊？

pineapple0983

原本我係Khmama 試算表條thread度問，但回應太少，改為開新thread問。。。。。。
我個女係沙田區讀，學校D先生話佢成績可以報Band 1，於是我參考Khmama 數據，係大抽獎頭14個填曬英中，然後到中中，稔住個女既然係Band1 生，冇理由讀Band2架，位又夠，岩吳岩先？
點知7/7派位派到第20間Band 2尾。
呢幾日叩門，連直資都總共叩左八、九間，個女筆試考到殘曬，一間都未有著落，而家唯有暫時係間Band2尾註左冊先，再看情況而定，好鬼頭痕。
我而家都吳知點同個女講，佢已經好Down，連分班試都話吳想去考。我真係吳想講比佢聽係因為我太進取，令到佢落得如斯田地。
我叩門時聽其它人講，間間Band1叩門都幾百收幾個，要有特異功能先有機，林漢光幾百收20都冇份，唉！
我曾經打去教統要查個女Banding，有冇跌Band，回覆係保密，唉！
下一年個細既又黎升中一，我吳想再錯多次，各位網友可吳可以同我分析下問題係邊？係未淨係隨機number原因？另外今年多吳多他區用沙田地址報大抽獎？
我大抽獎頭幾個排：
林漢光
沙循
郭得勝
鄭榮之

謝謝。
另恭喜派到頭3志願的網友。

pineapple0983

好多謝各位網友既寶貴意見。
我稔我既情況可能係學校老師今年計錯數，將我個女計左去Band1，其實她是Band2(踩界)，就釀成今次既錯。但佢地學校往年排到7、80名都派到英中，今年吳知點解會跌Band跌得咁犀利。
我承認我填大抽獎真係好進取，事後而家知錯已經太遲。當其時稔既然夠位，就算隨機number點差都會派到掛？
我稔我個女係中二由中中轉英中好難，間Band2尾成績都吳方比人重視La。而家唯有寄望會考考好D。
另外，教處應該公開學生Banding，等我死都死得眼閉嘛。

pineapple0983

多謝各位關心。
下年個細o既真係吳可以咁進取。
其實而家仲可吳可以叩門執死雞？機會唔大都要爭取o架。
琴晚一家4口去散完心，經過一輪道理後，個女心情好咁D。希望聽日分班試考好D La。
o岩o岩同個班主任傾，佢又話今年有好多他區用沙田地址報，因為知道沙田英中位多，我稔如屬實，的確係有些微影響。不過，唉，算把La。

pineapple0983

原帖由 楊瑩 於 09-7-13 18:00 發表
Hi.Pineapple0983

你可以到暑假尾再打電話給你之前叩門的學校再查問可有新消息,因有機會有學生退出,不防一試

謝謝建議，我唔會放棄，鬥爭到最後一秒！
今日成日做左好多野，希望努力唔會白費La。但係假若宜家唔去做，過去2年既努力就白費左。

pineapple0983

原帖由 ching2009 於 09-7-13 01:09 發表
轉英中雖然難。如果中一成績好，全級第一，都會有D睇頭，又或者可以轉些好一點的中中。另外而家334, 沒有會考啦！

多謝意見，中二轉英中(或好既中中)的事太遙遠，等開學後先谷個女讀好D書都未遲。惟今之計係而家尋找Band1最後、最後既叩門位，然後想辦法。

pineapple0983

原帖由 0120 於 09-7-13 10:52 發表
就算你係ｂａｎｄ　１生都冇理由太進取ｌａ，　
萬一個編號ｎｇ好而家ｍｉｃ頭痛ｌｏｒ

唉！有早知就冇XXLa。
當其時知道佢D師兄師姐派Band1比率高咁未心雄o羅，而且知道位又夠。。。。。。
叩左幾間Band2頭，反應都唔錯；總比D英中好。

pineapple0983

原帖由 mamafufu 於 09-7-14 20:46 發表
我今年都遇見到一個同你完全一樣情況的學生。他被派去30志願以外。

無錯，我稔個情況好可能係咁。但真相永遠無人知，除非教處公開我個女既Banding。
我知道我成功叩到英中門既機會唔知有冇0.1%，就算係到最後我失敗左，起碼到時我唔會後悔。
同埋我要示範比個女睇，要唔服命運，要改變命運；努力左都失敗，總好過唔努力坐係度，我稔得番黎個效果比入到英中仲好。

pineapple0983

原帖由 candytl 於 09-7-16 09:42 發表


如果肯定自己係band 1 , 而沙田有14間英中, 有足够band 1 位, 第四志愿填中中, 咁做只會令有啲band 2 生搏到填第一志愿為英中的位. 而自己明明係band 1, 早早投降, 放棄機會俾band 2 生. ...

你真係明白曬我當時既心態。
既然當時D老師話有成十幾個Cushion，咁未填曬落去囉。唔通唔信D老師咩？教處又唔肯講Banding，可以點喎？明明係Band1學生(當時係咁稔)，第5、6志願填Band2，敢咁"唔好彩"入左Band2點算呀？
總之，有早知就。。。。。

pineapple0983

原帖由 yg1112 於 09-7-16 01:52 發表
其實個老師之後會收到教署資料, 果度會講d學生咩banding...
我升左中學之後2年, 我返去小學時,我小6個班主任話我知我當時係咩banding

既然係咁，我都會搵番D老師，等一有個女既Banding就通知我，雖然為時已晚，但死都死得眼閉D。
多謝曬你既建議。

pineapple0983

原帖由 khmama 於 09-7-15 20:09 發表


樓主唔算進取啦, 沙田十四間英中, 居然填間band1尾做第一志願, 究竟老師有冇幫佢睇過?

一路我都支持khmama，我冇話khmama D數據錯。khmama 幫人既熱誠值得人尊敬。
填林漢光係第一係因為個女鐘意同稔住競爭會少D，原本我填左D Band1 頭係 3、4、5位，但老師話咁會好冒險，係填都填D Band1尾，就算林唔得，都有D其它Band1尾墊底，唔會衰曬。

pineapple0983

原帖由 candytl 於 09-7-16 11:07 發表



希望學校經過今次事件, 吸取經驗啦. 唔好再誤導家長.

我稔唔關學校事，學校都間接係受害者。要怪只能怪教處；佢地唔肯公開小朋友既Banding理由係唔想標簽個小朋友；咁"官冕堂皇"既理由只係要為避開在整個過程中可能出現既失誤負責；畢竟失敗者始終係少數：失敗者梗話個系統唔公平La，但大部份都話公平播，咁即係公平La，又冇事。

pineapple0983

原帖由 khmama 於 09-7-16 21:13 發表


我都好同情你既遭遇, 當年阿女個同學老師講明係band1尾, band2頭, 佢仍然想搏, 最終派去二十幾志願既band3, 咁樣都死得甘心, 因為係自己選既. 但係如果比學校跣, 好似有個家長話學校顧存面子, 唔敢講比家長聽學校 ...

冇錯，我而家就係咁做。已經成功搵到間Band2頭，好過無。
我同個女講，學校無分Band1 同 Band2，係個學生本身；你既質素係 Band1，同埋比其它Band1生付出更多，咁你將來既成就就會超越其它人；反過來就算比你入倒Band1，唔努力一樣會變番Band2生。經過左喱兩國星期咁辛苦，我諗佢會珍惜喱個機會。同埋我冇放棄到D Band1，仍然進行緊，不過我諗機會好微。

pineapple0983

原帖由 ricetaster 於 09-7-18 15:36 發表
9月開課後,好多 Band 1 中至 Band 1尾經常有學位剩, 所以一定要放低資料和表格, 唔好灰心,反及我驚你到時有英中收你個女你又話無謂攪, 因為買了校服和課本。

...

真係有咁o既事？
如果有咁o既機會，莫講話校服書本啦，豪多D比佢都仲得呀！換5年Band1既學習環境喎。
但係，點解會咁既？

pineapple0983

原帖由 ricetaster 於 09-7-18 15:36 發表
9月開課後,好多 Band 1 中至 Band 1尾經常有學位剩, 所以一定要放低資料和表格, 唔好灰心,反及我驚你到時有英中收你個女你又話無謂攪, 因為買了校服和課本。

...

真係好多謝幫過我既人，終於我既努力獲得滿意回報。今日搞完晒所有嘢，好攰但好開心。好彩間書局肯退番啲錢俾我，雖然唔係現金，係Coupon，都好丫。但啲舊校服就冇辦法，唔環保都要做，費事篤眼篤鼻。

pineapple0983

原帖由 nicholasmom 於 09-8-28 23:19 發表


最後入咗遑間?

多謝關心。
對唔住我唔想開間EMI既名。

pineapple0983

原帖由 moyan 於 09-9-3 23:50 發表
睇哂所有postmouth:" />
真係好替樓主個女開心
終於入到emi,
我都鬆一口氣

多謝你 moyan。係未來幾年，如果我見倒個女因為讀書辛苦想放棄，我會令佢回憶番7/7嗰幾日係幾咁辛苦，咁辛苦係為乜？我諗喱啲經歷會支持佢繼續堅持落去。
同埋叩門時考左咁多試，都夠比佢練習啦，對佢都唔係壞事丫。

pineapple0983

原帖由 moyan 於 09-9-4 14:51 發表
pineapple0983





今次女女全靠你鍥而不捨的精神

我會向你會習

希望明年你都上嚟比d意見我地班小6家長
分家吓knock door心得 ...

千其唔好咁講 moyan，我覺得我只係盡左為人父母既責任姐；香港既教育制度有問題，點解會唔比啲學生知道自已既Banding？估估吓點報學校？做左犧牲品，唔靠自已，仲可以靠邊個喎？
係呢，moyan你係邊個校網既呢？我諗2010年既派位仲大鑊。不過而家仲早，由喱一秒鐘開始督促啲細路讀書仲黎得切；我已經開"衡"Turbo谷個細既，希望黎緊個呈分考好啲，唔係又黎多次就真係死得。