升中交流區 - 元朗

mamafufu

元朗區(包含天水圍區)小學的程度極度參差，由最低1x% band 1生到6x% band 1 生的學校都有，所以各位家長揀學校時一定要知自己間小學的band 1 生有幾多位?

千奇唔好俾學校的宣傳誤導，例:
(1) 我校有 xx% 派往英文中學 ─ 其實呢xx%包括好多band 2 生派去直資英中。

(2) 我校有 xx% 派往主要收 band 1 生的學校 ─ 其實呢xx%包含好多band 2 生，派去收50% band 1 / 50% band 2(甚至更差比率) 的學校。

(3) 你個仔/女係band 1 尾/band 2頭(但絕對不肯提供學生的確實名次及全級band 1 生的數目)，第一志願可以博band 1 學校，第2志願起就應報band 2 學校啦 ─ 其實你個仔/女肯定係band 2 ，但全校band 1 太少，為了製造band 1 生好多的假象，band 2頭至band 2中的學生學校都會講以上的說話給家長聽。到放榜時派左去band 2 中學，就話你個仔/女的隨機number唔好。

原帖由 khmama 於 09-7-15 21:16 發表
經過一年係bk開topic做分析, 覺得資料太散, 部分資料已過時, 中間缺乏連貫性, 令家長好難快而準咁收集有關自己個區既資料. 來年適值外甥女升中, 特開設元朗交流區, 希望可以和同區家長互相交流. 如果其他家長開交流 ...

[ 本帖最後由 mamafufu 於 09-7-16 02:20 編輯 ]

mamafufu

明年(2010)元朗區小六學生估計約6400-6500人(2009年是6881人)，即band 1 生約有2200人。
元朗區有五間英中，共提供900學位(180x5)，另估計有四間band 1 中中可開5班英文班(信義, 白約翰, 盧幹庭, 基元)，而band 2 頭的中中如基朗, 伊中中, 羅桂祥, 天官應可開2-4班英文班。
開英文班的數目教統局會在今年10/11月通知中學，但教統局禁止中學公佈開英文班的數目，藉口是不想標籤學校，所以第一年各家長要靠估，以後的年份各家長應可自行私下收料，知道準確數目，所以今年升小六生是白老鼠。

[ 本帖最後由 mamafufu 於 09-7-19 18:44 編輯 ]

mamafufu

照往年經驗(有英中/中中的年代)，band 1 頭至band 1 中的學生自行報名時會報英中，明年每間中學會有54個自行位，5間英中共提供270個位，而元朗校網約有40-50間小學，即平均每間小學的全級頭5名才有機會自行階段成功。

當然實際數目要看每間小學的程度及各學生是否有特殊才能，不過通常全級15名以外在自行階段報英中是不會有成功的機會。

明年起沒分英中/中中，各家長報讀中學的策略應會稍為不同，好可能band 1 尾的中中(可開5班英文班)會在自行階段收多些band 1 生的報名表。所以英中自行階段會易入一些，但band 1 尾的中中卻會因多人報而(比往年)難入。

mamafufu

一間學校屬於band 2 或 band 3 ，可以係好主觀的個人意見，因為大家都冇該校準確的收生資料。

我自己就覺得方潤華及香島都係 band 3.

mamafufu

信義08年會考14分或以上比率比鄉中還高，但要考慮佢地在 F.3 升 F.4 時已淘汰成績最差的60多人。而所有元朗區英中都係5班F.3 全部直升5班 F.4 (除了極少量留班生)。

信義06年F.3有5班，學生有217人(不肯定有冇記錯，但一定係咁上下)，升F.4時只有四班，約155人可留校升班。其他6X人要到出面找學校，好多學生去了元朗天主教，屯門何福堂。
F.3 成績最差的60多人已在此階段被淘汰出局，剩下的15X人裏有88.3%(即136人)得14分以上。

如果要同其他學校以百分率比較成績，我覺得用基數200人來做比較，才可得出合理的結論。

136/200=68%

如把信義當全級68%得14分或以上，以元朗區英中標準，也是一個非常好的水平，只比鄉中略差。

原帖由 daphnemama 於 09-7-24 18:51 發表


嘩! 看來入信義應比入其他英中會更好了, 但對於BANK 2生似乎入到去都好辛苦, 對嗎?

mamafufu

幾乎全部元朗區中學(英中及BAND 1/2中中)都有五班F.1直升至五班F.5，每級人數維持住200至210人(今年開始縮減人數)，F.2至F.4每年都會有人留班，但通常每年只有4至10人，即每間學校每年每級都會有10人以下被要求留級(或轉校--如成績極差或已留過級)。

假設F.2至F.4每級有10人留班，中三級有200人，只有190人可升班，升中四時會有190+10名中四級留班生，即升中四時仍有200人。

所有學校每年級的班數及人數可在中學概覽找到，教統局有指引，每級學生留班人數不應多於全級人數的5%。

信義個CASE，係由五班中三(每班43人)，共21x人，縮至4班中四(每班38人)，淘汰的人數達60人以上。

[ 本帖最後由 mamafufu 於 09-7-27 12:43 編輯 ]

mamafufu

信義--全英文(包括數學, 科學, 地理, 世界歷史)

基元-- 全級數學及科學用英文，其他如地理/通識/歷史與文化用中文。

盧幹庭-- 全級數學及科學用英文，其他如通識用中文。

伊中中-- 開兩班全英文班，三班全中文班。

白約翰 -- 全中文。

原帖由 daphnemama 於 09-7-27 12:41 發表
有沒有今年剛升中一之家長可提供書單除中文外,有那間學校已是改用英文課本呢?

已知基元基朗已是改

[ 本帖最後由 mamafufu 於 09-7-27 19:36 編輯 ]

mamafufu

往年(兩三年前)商會完全沒有面試，純從報名表資料及獎狀(及教統局排名)決定收邊個。

但三年前轉左校長後，就要interview了，冇得interview的學生=落選。

原帖由 O~O 於 09-9-18 14:10 發表
另外想問, 之前聽聞有些學校自行收生時只收表格, 唔interview學生, 有無此資料呢？
那些不interview學生的學校是已經有所屬學生, 還是只看學生的hardcopy已決定收那些學生呢？ ...

mamafufu

今年(09-10)各中文中學教學語言update:

信義--全英文(包括數學, 科學, 地理, 世界歷史)

基元-- 全級數學及科學用英文，其他如地理/通識/歷史與文化用中文。

盧幹庭-- 全級數學及科學用英文，其他如通識用中文。

伊中中-- 開二班全英文班，三班全中文班。

白約翰 -- 全中文書，但精英班數學用英文工作紙。

羅桂祥 -- 開三班全英文班，兩班全中文班。

mamafufu

這些資料是直接向就讀該校的學生或家長詢問得知。
學校應該唔會公開，因為是偷步的行為(教學語言微調在2010年九月的中一級才正式實行。)

原帖由 Skywan 於 09-9-24 13:33 發表
Hi Mamafufu,

請問你能否告知是從那裏可以知道這些資料? 我想知屯門的資料。

mamafufu

希望將來唔會再改變啦。

去年(08年9月f.1學生)數學買中文書，但開學後再派英文notes， 並告知考試會用英文，但後來又改番用中文題目。

原帖由 701003 於 09-9-24 23:41 發表

基元地理用中文書，但筆記係English，考試都係英文卷，要用英文作答

mamafufu

問咗基元中一非精英班學生，佢地用中文教地理，所以我估到考試時都會用中文卷，因為要全級用同一份卷。(未聽過基元講會分中文版/英文版試卷)

原帖由 701003 於 09-9-24 23:41 發表

基元地理用中文書，但筆記係English，考試都係英文卷，要用英文作答

mamafufu

如果係band 1 尾﹕邊區都唔好轉，好大機會跌banding。

如果係band 1 中至頭﹕沙田區最大機會入英中。(基本上所有沙田band 1 生都好大機會入英中。)

原帖由 O~O 於 09-10-10 00:27 發表
改變一下問題, 元朗band 1英中or band 1頭中中(以微調前計算)學額相對比較小以應付元朗區band 1學生, 如果跳出本區, 這些學生會跑到那個區會大比數能入讀英中或band 1頭中中呢? 在那個區份又有咩好選擇呢？ ...

mamafufu

明年九月元朗區英中其中一間會開中文班......

mamafufu

信義肯定會開足五班全英文班。
基元亦開五班全英文班(?)

元朗區最差個間英中會開最少一班中文班。(消息聽番嚟，但應該可靠)

原帖由 701003 於 09-10-24 18:14 發表

Which school????
我知有多一間會有全開英文班wor

mamafufu

(刪除--請參閱12月14日中學概覽最新資料。)

[ 本帖最後由 mamafufu 於 09-12-14 10:48 編輯 ]

mamafufu

你個仔係元小band 1 頭至band 1 中，趙中有得面試的機會略低(但不是完全沒有)，不過冇理由在自行階段已選次一級中學，自己咁早放棄。
所以我建議選一間自己最想入的(如趙中)，再加一間必定有得面試的中學(如崇德)，咁兩方面(入學機會/自信心)都可照顧到。

原帖由 天娜 於 09-12-8 22:20 發表
各位元朗的家長, 自行開始要選校, 有無心水?
我見元朗區對選中學有些冷淡, 不如大家多d交流下和分享下?

我個仔想入趙聿修, 但我覺得佢無機會面試, 又吾想打沉佢, 所以內心很沉重, 亦很無奈 ...

mamafufu

我睇咗今日的星島，資料唔完整，可以不理。

原帖由 天娜 於 09-12-11 22:22 發表
我沒有買星島, 上網能否找到?
或有無媽媽可放上網?

mamafufu

崇德過去十年，都係"見者有份"，所有入表同學(除了極少量可能係band 2或band 3 水準的學生)，都有得interview，今年應該唔會例外。

原帖由 aling0 於 09-12-11 16:07 發表


mamafufu,
請問點解崇德一定會有得面試呢? 係佢的收生banding要求比趙中低, 還是佢逢入表都可以面試呢(收唔收另一回事)?
我個仔今年五年級, 老公想佢第日報崇德, 但我想搏趙中聯繫位!! 不過都要睇埋佢呢兩年考成點 ...

mamafufu

多D上 BK啦!

原帖由 aling0 於 09-12-11 16:07 發表
我宜家可以點樣了解多d中學的情況呢?

]

[ 本帖最後由 mamafufu 於 09-12-13 18:47 編輯 ]