想請教小朋友學鋼琴+小提琴的家長...

carama

原帖由 joyjoyma 於 09-7-30 13:49 發表
1.如何分配練習時間? 是否每日都兩樣練晒? 練多久?
2.會否有preference?比較喜歡其中一樣? If so,會否考慮放棄其一?
3.是否練小提琴時会比較攰d,彈琴冇咁辛苦呢?

thx!!!!!! ...

1.如果平日會每樣樂器練習30-45分鐘，若果要考試就會今日練小提琴，明日練鋼琴。 學琴當日就因為已上過當堂，所以返屋企就唔需要練，不過如果係大假期，就會要求每樣45分鐘。 多數會分開時段，如放學後先鍊琴，晚飯後再練小提琴。基本上除非去了旅行唔係香港，否則一定會練習，而家只接兩樣樂器已學了兩年，進度兩樣都查不多，老師亦無話有什麼問題。
2 我個女就講鋼琴較為輕鬆，因為坐係度，而小提琴就音準比較困難，佢話要企所以比較容易攰。不過佢就無講過放棄，最重要一點係連佢自己都講兩樣樂器互相有幫助。

carama

原帖由 PaPa 於 09-7-31 01:58 發表


你的30-45分鐘是否包括小朋友中途小休的時間？

通常佢每拉完一首歌就會放低個小提琴休息兩三分鐘架。

我個女就好小會中段休息,因為佢練完後都會有半小時休息.
10月我會比佢考試, 吸收一下考琴的經驗,所以未來兩個月練琴可能會比小提琴的時間略長. 至於你講你小朋友通常佢每拉完一首歌就會放低個小提琴休息兩三分鐘,我個人認為無太大問題, 最緊要你同佢講係用個心去練, 唔係求求其其咁就得. 不過你放心啦, 好多時小朋友越大盩就越會自已安排時間, 我個女有時會話呢首歌練得唔好會再練.
  有時我會同我個女講, 剛才個首歌好好聽呀, 媽咪好鍾意呀, 你可唔可以再拉一次比我聽呀, 咁佢又好樂意再拉,當然你要比佢感你係好相再聽, 如是者就變相練多一陣.  加油呀,比多少少鼓勵令佢知道有人欣嘗,佢自然會自已練習.

carama

原帖由 MayAh 於 09-7-31 16:59 發表
我個囡學了琴2年, 今個月剛剛開始學小提琴, 暫時因為放假, 每日每樣都會練30 mins, 都可以handle到, 遲啲開學小一後, 就真係想像唔到有幾忙, 係個囡話要學埋小提琴, 我都考慮咗好耐才答應.  難得佢咁有熱誠, 就比佢 ...

我個囡今年升三年級啦,反而有時做功課做得太耐,練下琴或小提琴會更輕鬆. 而且你個小朋友有鋼琴底, 學小提琴會事半工倍. 加上佢咁有熱誠, 相信一定ok. 好難得呀.