轉讀保良局林文燦英文小學好嗎?

tulipyk

我小兒讀緊普通津校,想轉讀保良局林文燦英文小學. 唔知好唔好,有無人可以比意見

tulipyk

我都知，所以希望有人可以比d意見。

我轉校都是因為這校是英文小學及用活動教學方式。都有少少擔心，因為小兒之前的學校是新校舍，所以分別真係好大，我伯佢唔適應。

tulipyk

我決定讀這校。因有家長回應話這校好好(係小學雜談那邊)。而小朋友星期六都上咗半日課，佢話好開心，但唔知係唔係因為有得食壽司(因這兩次我帶完佢返學校就買佢最喜愛的壽司比佢食)。校長仲記得仔仔叫咩名。 當日我仲識咗個同學家長，佢叫我地放心，小朋友會返得好開心。我問仔仔係唔係講英文，佢話係但都有講中文，因為佢地係行雙班主任制。仔仔班是一個外籍老師及一位本地老師。

我都參加咗學校的簡介會及與校長和老師傾談，覺得佢地好有心去辦這校。而且學校有好多唔同國籍的學生，可以讓小朋友學到點樣同佢地相處。又有其它語文學及課外活動學，最好就是校車都會就返小朋友參加完活動後的放學時間而接送。

今日第一日返學，但仔仔病咗所以冇返學及冇搭校車。當我去到學校交文件及幫仔仔請假時，老師居然知道仔仔病咗，原來係校巴司機同學校講咗。之前一日我仲收到班住任電話提我明天要返學。 跟住我又參加由校長帶隊遊覽全校的節目。因為今年學校大裝修，有好多地方唔同咗。在遊覽其間我見到校長可以認出好多媽咪，佢地好似好熟。

到目前為止，我覺仔d老師都好關心d小朋友，暫時都覺得冇選錯。再過多幾個月，我再報料比你地知，等你地可以認識多d這校。

[ 本帖最後由 tulipyk 於 09-9-2 01:10 編輯 ]

tulipyk

hugomum

我無去到個seminar，有d啤咩嫁? 我問仔仔玩什麼，佢都答唔到我，只是話好玩，有罰有賞。我見到佢有張國慶貼紙，問佢係唔關於國慶，佢又話唔係，都唔知玩什麼?佢又唔肯講。

tulipyk

HUGOMUM,

可唔可以SEND段片比我呀!
因我好想睇吓佢地有幾開心!
你可SEND 去我[email protected]但唔方便就唔需要啦!

thanks

tulipyk

Hugomum,

就快到評估啦!仔仔是第一次參加，我想問是否跟著書本讀就可以?中文有冇閱讀理解，而作文是否作句字或看圖作句或其它呢?英文是否要串字及好似d工作紙一樣?還有GS，需唔需要串字定有得選擇，d英文都有d深，有冇一d課外的常識題嫁。

唔好意思，噤多問題。因同已往津校好唔同，佢地有好多工作紙，所以大約都知點考，但這裡功課少，有d唔知點跟。

tulipyk

我個仔讀P2b，原來你都係插班生，等我仲意為你是原校生，你比我知好多嘢!
我地抽中咗，有得傳送東亞聖火，傳唔到奧運都傳下亞運 ，你地有冇抽呀?

tulipyk

好呀! 依家每日都送仔仔返學之後可以入學校同佢一齊睇圖書，你小朋友搭校巴或是你自己同佢返校呀!

tulipyk

我只可以揍佢返學咋，放學就工人揍因我要返工，之前仔仔試過搭校巴，但要成個鐘先返到屋企，之後又試過叫補習社揍同做功課温書，但重衰過自己教。最後都係叫工人揍。我自己好鐘意揍仔仔返或放學，因這時間他先肯同我講學校事情。所以我堅持其中一程要我或爸爸揍。

我仔仔叫 Jeanus Shum

[ 本帖最後由 tulipyk 於 09-10-6 01:28 編輯 ]

tulipyk

嘩!真開心居然在這裡見到你!我地在補習社都有一臉之緣，當時我只是問程況而你已經比錢。

我對這間補習社真係好失望!我巳經同佢地講仔仔做野好慢，叫佢地留意，過咗一個星期去到接佢，佢先剛做完功課，但你知他們每日只有3樣功課，有時還要我等他一陣先做完。但仔仔是每日在那裡逗留3小時。有時連功課都未做完要我返屋企再同佢做。之前我巳經在導師面前鬧仔仔何以用3小時做3樣功課。我又見到仔仔功課的答案同佢D一模一樣，連作句都係。所以我決定自己睇返。

而家仔仔係我自己睇，冇去第二間補習社。

[ 本帖最後由 tulipyk 於 09-10-7 15:29 編輯 ]

tulipyk

好高興認識你，我仔仔叫 Jeanus Shum, 等我返去問下仔仔同BYRON 熟唔熟先，我只知道佢最熟的同學仔叫Justin 及Angie.

我在開學時都識到個同學仔Jacky's媽咪，好彩有佢如果唔係，頭兩日的功課就交唔到，因仔仔完全冇寫手冊及冇underline的字做功課，因佢唔明咩叫underline 。我都係在職媽媽，所以我都好明白你。 你check pm，我會給你我電話，你有任何問題可以打比我，交流心得都ok嫁，但我怕我幫唔到你。

tulipyk

快的好返,

我認人好差嫁，你唔好考我啦!

我都覺得o個招"叮噹叮噹"好洗得，當我第一次聽到"叮噹叮噹"的時候，我以為校鐘壞咗，要老師扮， 之後見到d同學仔的返應同佢地即刻醒神晒，就知我自己唔會咗，哈哈!

多謝你的意見，我依家知道大約點同小朋友温書。你知啦，我仔仔好慢嫁，要同佢開始温書啦!

tulipyk

berthelai

我收到你的pm啦!仔仔話識Byron，我一講佢就就話我知我知。

hugomum
唔該晒你，等我去睇睇先!

tulipyk

我今日終於相認了 "快的好返"媽咪，仲一齊搭小巴返工。

myrchan,

雖然學校有好多係南亞裔人，但他們都很乖。他們都是講英文，有時仔仔返屋企後會問我一些句子點用英文講。因我仔仔是弟一年讀依間學校。今日小二有默書，我就見到南亞裔的男學生自已攞書讀。每日早上返學校，我地會見到南亞裔的學生幫生我地量體温，好乖嫁!

tulipyk

Please check PM

tulipyk

Hugomum,

我都係只找到一個影片但唔係學校個D，你可唔可教我點睇，我好少好少用facebook。

tulipyk

每一班係有兩個班主任，而英文科是用早半年，即二年級用二下及三上。而英文數學，我又唔覺淺d，仔仔剛由中文小學轉讀英文小學兩個月，我睇返d中文的數學習作同學校一樣。而常識都是差不多。有時有d字都好深。

tulipyk

Cheuk1999

如果我冇記錯應是有六乘是外籍學生。而interview，我就比唔到意見你，雖然仔仔都是小二才插班，但因豬流感所以唔需要interview，我只是比咗仔仔的profile比學校，之後二三天就收電話收仔仔啦。其實小朋友好易適應環境嫁，初初我都好驚仔仔唔適應，因為插小二，小一升上的學生都巳有自己的同學仔，而仔仔一個都唔適，仲要係佢其實唔想轉校，所以我都好驚。後來有老師及同學仔的幫助，仔仔好快有佢自己的朋友啦。而家我知佢真係好鍾意間學校，因仔仔有一樣功課是學生日誌，而這功課是他自己做的。他有幾次都寫多謝林老師(他的班主任)及學校。

Babysiu

小三只有兩班，可能有少少難。但你都可以試下，唔試過又點知呢!

[ 本帖最後由 tulipyk 於 09-11-10 00:28 編輯 ]

tulipyk

唔係好多雜費，學校有好多課外活動，校隊有印度舞隊，創藝會，合唱團，木球隊，敲擊樂隊。印度語，廣東語，烏都語，法語，以上都是免費的。而跆拳道，奧數班，英文補習班，數學補習班及中文補習班要交少少學費。還有小提琴，哥爾夫球及游泳班就要交學費。

tulipyk

全英文上課對仔仔就不是大問題，而仔仔初初去補習班是因為我想自己揍放學而唔想工人帶住細仔搭巴士，所以先比佢去補習。依家都冇去補習班同自己幫佢温書。而法語不是指定的是自由參加的。在星期一放學後學。