2009第15屆香港-亞洲鋼琴公開比賽？

billyyanst

我囝囝尋日都參加左ABRSM２級組(恩福堂), 佢5:30比賽完6:30就可以拎分紙同知道入唔入到圍...

billyyanst

唔係！果度成座都係教會自己物業, 比較似商業大廈...

係用三角琴, 評判兩個, 各人有一張分紙, 上面有每首歌的評語, 另外有總分, 大約有5-6項及以A-E評級

工作人員話大約有一半人入圍, d 工作人員話2張分紙加埋平均分超過80分就可以入到final, 到9月尾10月再有一次比賽l, 到時先知道名次

p.s. 佢地雖然話7:00派分紙, 但我尋日6:30都已經有得拎, 如果唔得閒拎大會post比係, 而今個禮拜都會將入圍名單upload 到佢地個web site

希望幫到你!

原帖由 AMYBB111 於 09-8-27 14:45 發表
請問（恩福堂）係咪好似學校ｄ禮堂咁，小朋友上台彈三角琴，有幾多個評判評分架？張分紙會唔會寫評語，乜要評入唔入圍．．唔係即塲知道名次？

...

billyyanst

通常比賽都唔可以轉歌喎！but你可以打去問下...

第二個問題都唔肯定, 但正路唸冇理由唔係用平均分掛! 我就係覺得2個評判好過音樂節得1 個, 有時d 評判真係可以好主觀 (又或者係我唔識聽)....

原帖由 totochu 於 09-8-27 23:41 發表
請問知否已入圍的,可以在決賽時轉歌嗎?
另, 據說得85分的可獲一等獎証書,是兩張分紙加出來的平均分嗎?

billyyanst

十分之咁唔滿意大會的安排，我囝只係以0.x分之差而得到第四名, 但係大會叫晒所有第4-5名的所謂得獎者去個頒獎禮,初時當然係以為都有得上下台影張相留下念, 點知去到仲要係坐低聽附近的家長講先知道原來只有1-3名先可以上台, 而第4-5名只係去拎張證書, 呢個安排一路都冇通知有關人仕, 就算之前一晚收到電話都仲問緊會唔會出席, 其實唔需要上台又使唔使逐個打去問咁懶緊張呢?

如果早知有咁安排我根本唔會突登請半日假, 仲要係趕頭趕命咁放左工趕去學校接佢放學，然後又趕頭趕命咁去碌去長沙灣，仲有最主要係個小朋友一路都以為有得係咁ｅ上下台拎張獎狀, 搞到佢失望, 希望大會下次唔好再加埋個乜鬼第4-5名, 一係就早ｄ通知聲囉！

我見到尋日唔滿意的家長都有唔少, 有d想即時拎張獎狀走都話要等到5:30, 但我堅持要拎仲要黑埋塊面先至可以拎，真係好失望:;pppp: