09~10 P.1C 家長交流站

catherinepang

大家好呀. 我仔叫林政賢 1C 班. 多多指教.
班主任係 文老師. 星期五果日見亞仔本手冊寫住
" 交相片回條及錢 " 但無寫要帶書喎, 問返亞仔佢話
文老師說星期一不用帶書

catherine

catherinepang

原帖由 catherinepang 於 09-9-5 16:31 發表
大家好呀. 我仔叫林政賢 1C 班. 多多指教.
班主任係 文老師. 星期五果日見亞仔本手冊寫住
" 交相片回條及錢 " 但無寫要帶書喎, 問返亞仔佢話
文老師說星期一不用帶書

catherine ...

點解無 1C班同學仔 入黎傾下 ?

catherinepang

原帖由 newfather 於 10-1-30 23:14 發表
做咩得你一個 1C

係law. 唔知點解 ?? 你地1D 就好啦. 咁多同學仔

catherinepang

原帖由 newfather 於 10-2-19 21:16 發表
兩個人搞到好似好多人咁

你地起碼都有兩個人, 我演緊獨腳戲...
都已經下學期了...你地得閒就來關照一下我d個孤兒仔啦.
唔知小二是否原班升還是大調亂呢 ?
係呀,星期六就取成績表. 真係好緊張....
我9:15am 唔知會見幾耐呢. 我都係鍾意d教師嚴一點,
因為家下好多小朋友真係無大無細. 唔懂咩係尊敬.
你地有無參加星期日的
步行籌款呀 ? 我就報左名勒. 反正有時間就比仔仔參
加多d學校活動, 等佢多d體驗

catherine

[ 本帖最後由 catherinepang 於 10-2-23 14:02 編輯 ]

catherinepang

原帖由 csk家長jj 於 10-2-23 12:20 發表
[quote]原帖由 catherinepang 於 10-2-23 12:
唔知小二是否原班升還是大調亂呢?

小一至小四是隨機編班,而小五會按成績分班,然後原班升小六。

哦, 原來如此. 謝謝. 咁即是可以識到好多新同學

catherinepang

原帖由 csk家長jj 於 10-2-23 15:06 發表

有好處也有不好處
若唔好彩編入了比較頑皮那一班,整個學習氣氛和進度會差少少。

咁都係. 咁希望仔仔好彩d, 唔係就要捱足一年勒.
今日係第一次同仔仔取成績表真係好緊張, 雖然之前
派左卷已經大約知道考得好唔好, 但仍然好緊張唔知
名次如何. 好彩, 考得十分理想, 但同時又有壓力怕保
持不到. 死啦第一個學期已經係咁緊張....
明天參加左學校步行籌款, 希望可以開開心心玩一日.
同埋可以見多d同學仔, 大家好好結識一下
學校幾好, 都有舉辦很多活動, 有時間我都會盡量參加,
希望係緊張既生活上留下多點美好既回憶

catherinepang

原帖由 csk家長jj 於 10-2-27 22:07 發表

好嘅開始係成功的一半,希望你仔仔再接再厲,保持堅毅和鬥心,一直keep住名列前茅
現在我開始籌備升中事宜（小五）,才發覺普遍英文中學的自行收生標準都奇高,除了學業成績外,最好有奥數比賽獎項+體育和音樂成就+良 ...

係呀, 宜家d小朋友真係好勁, 周身刀重要張張利. 真係要為佢地鼓掌, 因為其實他們都好辛苦, 付出好多努力...
係未來各位家長都應該係向住擁有特異功能既目標進發, 係呢. 我知道陳瑞祺喇沙書院會加中文班, 對你是否有影響?
原來唔係有太大比例既同學仔會選擇返陳瑞祺喇沙書院.
你呢, 是否已經選好左學校了 ? 加油呀. 預祝你同你小朋友
能夠成功搵到理想既中學同努力落去...

catherinepang

原帖由 csk家長jj 於 10-2-28 02:07 發表

因為不是直屬中學的關係,所以影响不算太大。
我仔仔成績和操行都OK,但就「百無」（無奥數獎、無體育和音樂成就、無公益服務、無討好的外表、無......）,所以選校計劃還在煩惱中,現在正努力谷「行」d英文,寄望在明年面試 ...

無體育成就. 即是要代表學校參加體育比賽 ?
還是平日參加活動 ? 即是游水, 柔道... ?
音樂成就 ?? 又即是 ? 平時學琴果d算唔算 ?
已經報左10/3既校際音樂節...這個又算唔算 ?
公益活動 ? 賣旗算唔算 ?
即是要宜家就開始要預備...?

catherinepang

原帖由 csk家長jj 於 10-3-5 02:47 發表

以上全部都可以,當然最好有獎項啦
以往,我太專注學業成績而忽略了其他體藝的培訓,現在知道已太遲了
我列印了幾間本區band 1中學今年的中一自行申請表來參考,當中體育、視藝、音樂成就和社團服務佔了 ...

其實因為現在要求越來越過高,想當年你入讀小一時
應該不似現在般要十項全能... 以往有得學piano都已
經叫做好, 宜家學校淨係音樂科都起碼要有2項...
piano已經當左是基本, 之後重要加多一樣音樂...
4-5年後到亞仔考中學可能又係第二個領域....到時都
唔要有咩技能先得 ? 宜家都係見步行步... 盡力啦
反而我覺得品行都好重要, 你每天打開報紙...d k仔k女..
唉... 我有好多朋友d仔女一上到中學就會有好大轉變,
真係要留心一下,要有心靈交流先得.... 加油.
我有2個仔. 第2個先得2歲3個月, 重有排捱呀

catherinepang

原帖由 csk家長jj 於 10-3-7 23:35 發表

唉！現在d學習風氣咁「積極」,高處末算高咁,我都覺得d小朋友實在很忙,很無奈。近日經常做夢仔仔在呈分試上失手,一扎醒就瞓唔翻,壓力大到狂標瘡,現在變了花面貓,連鏡都唔敢照丫！在未來3個月內要經歷一測一考,相信大家都 ...

係呀, 不竟社會環境比我們小時間候好. 以前是要擔心有
無得食是否夠食, 宜家可能是擔心有幾多$$ 比佢報咩 cource. 我們這一代自然是想仔女有成就, 不其然就會
投放更多資源在他們身上....其次是由於社會風氣, 人地
學緊咩咩咩喎, 自己小朋友唔識好似蝕左....而且一年咁
多大學生畢業, 競爭好大, 想佢地第時條路好行d...
就係咁雙方既壓力就會好大, 無法啦, 惟有盡量安排佢
地係課外以後既生活時間. 希望係有限既休閒時間提高
他們既心靈質素. 唔好等佢地覺得只有讀書, 考試, 讀書
再考試... 條路真係好漫長, 加油加油

catherinepang

[quote]原帖由 catherinepang 於 10-3-13 18:01 發表


亞仔好好笑. 昨天同我講, 要溫書, 我問佢溫咩呀,
都考完試啦! (考試反而無叫過我溫書, 同佢溫果時
不知幾辛苦). 佢話老師說星期四同星期五有個校本
學科測試. 我話唔駛溫啦.... 佢話唔得呀. 老師話如
果考得唔好要讀返幼稚園架.... 所以一定要溫... 我
當堂笑到收唔到聲, 真係老師講一句好過我地講十萬句..

唉, 咪係咁二應酬下佢 law. 點知激死我, 諗住係咁二
溫吓上學期果d啦, 因為下學期先考完無耐. 唔溫由自可,
一溫把既火, 上學期學果d都差唔多比返晒老師....
我當堂血壓都高幾度架, 哈哈

catherinepang

原帖由 csk家長jj 於 10-6-16 20:49 發表

乖仔咁聽話

亞仔話昨天考完既校本學科測驗. 數學有好多張 paper, 佢話有成12張, 有無咁多呀 ?? 定係亞仔數錯左 ?? 問佢英文同中文呢, 佢就話無數到, 同考試差不多, 大約 5 - 7 張左右. 唔知這個校本學科測驗係學校自己做, 還是全港性評估既呢 ?

catherinepang

[quote]原帖由 catherinepang 於 10-6-18 19:23 發表


今日派左成績表勒, 唔知駛取成績表時唔見家長呢 ? 不過上學期見左一次, 可能唔駛再見都唔定.
大家考得ok 嗎 ? 只係派左中文同英文, 亞仔都係錯埋d大意果d, 真係抄都抄錯... 比佢激死. 亞仔說班上有一個同學仔有三科都要考過....因為唔合格

catherinepang

原帖由 newfather 於 10-6-21 15:32 發表

派左成績表??

SORRY 打錯左, 派左卷至真

catherinepang

原帖由 catherinepang 於 10-6-21 19:09 發表


SORRY 打錯左, 派左卷至真

好啦, 派埋數學同常識光啦, 安樂晒....
亞仔話成年咁耐, 先至剛剛有得上外籍老師既英文堂咋...
唔知二年級開始會唔多d機會有得上呢 ?

catherinepang

原帖由 sandylam 於 10-6-23 12:30 發表
咁即係p1呢一年, 有得上mr jack 既小朋友, 已經上左一年?
我真係唔知阿仔有冇上過.....

唔該 wensi 同 flyfly 家長既資料
昨天亞仔說 mr. jack 考佢地oral, 我都覺奇怪, 因為之前
miss 應該已經考左....今日睇左wensi留言先知道原來是
分班..

我再問過亞仔, 佢說除左上星期果一次係上過 mr. jack 堂之外, 之前沒有上過mr. jack堂, 亦沒有同學仔係唔一齊上英文堂既. 而係上果唯一一次mr. jack 堂既時侯. mr. jack 抽左小小時間叫左 1-7號既同學考 oral. 而昨天就到亞仔8-12號, 係英文堂時叫左去 art room考既. 今日就叫左 13-17號出去考....  應該就係 wensi 所說既分a-e 組..

唔知其他班既小朋友係之前有沒有上過 mr. jack 既堂呢 ? 又係咪好似亞仔咁係這兩個星期先由mr. jack 考 oral 呢 ?

catherinepang

原帖由 wensi 於 10-6-23 20:53 發表


可能P2開始亦唔定, 我問我仔, 佢講P1. 我又唔多記得. 有錯就唔好意思.

wensi 唔該晒你, 唔係都唔知原來要分班, 原以為個個都會上Mr. Jack堂, 但原來唔係.....

catherinepang

原帖由 wensi 於 10-6-25 14:38 發表


都唔洗緊張, 都係就佢地能力而教. 聽唔明去Mr Jack 到上都無用.  
我仔唔多like 上Mr Jack堂.  衰仔話佢鬧我ge, 我話你無做功課無帶書, 梗係俾人鬧啦! 正常, 唔錯乜人會鬧你!.

只有多睇書, 我仔有同學可以睇Harry ...

咁如果有機會上總係覺得好d..
咁你仔個同學仔都幾勁喎, 係呢, 你個仔讀緊幾年級 ??

昨天亞仔係學校打針, 有哭, 唔知點解佢特別鍾意哭既.
放學接佢就猛話好痛, 當時睇佢又好似無咩野(無紅無腫).
我重話左佢幾句, 小小時成日瓜瓜嘈.
當我夜晚回到家, 佢都猛話好痛, 果時再睇先發現原來已經又紅又腫.... 可憐佢隻瘦猛猛既手(上手臂)好似有隻老鼠仔
咁, 我當堂吃一驚, 重忙著說對不起.... 因為好似唔信佢咁
覺得佢好可憐, 好慘, 已經鬼咁痛重比亞媽罵 ^o^
佢反而安慰我,  說唔駛要啦, 你都唔知, 其實宜家已經比頭先好d.... 於是我立即比個退熱貼佢貼住, 希望佢會舒服d.
我老公就同亞仔講, 因為你成日狼來了, 所以媽媽唔信你 law...  估唔到支針咁勁, 唔知其它同學仔有無事呢 ? 希望亞仔快d燒腫. 好像說星期一要穿運動衣服, 有得玩....

catherinepang

今日接亞仔放學後要去<學生健康服務檢查>
係學校比既,好像是由老師選的.
我諗係亞仔大瘦, 所以老師至比個位佢去檢查一下.
亞仔食野都ok架,但就是不長肉(似我得個高字無肉既)
睇下今日睇左有咩講先.... haha

係呢, 想問下結業果日, 學校有咩攪作既呢 ?

[ 本帖最後由 catherinepang 於 10-7-6 12:45 編輯 ]

catherinepang

原帖由 wensi 於 10-7-6 17:13 發表


結業果日.............有獎捧

亞仔無獎呀, 不過教得都算唔錯, 雖然上學期好小小.
班名次就退左, 但級名次就高左. 即係佢班d同學仔考得好好.

數學科已經係第3個老師勒.希望下年唔好換咁多老師就好勒...