屯門區邊間小學好呀? 囡囡想轉校

silviaLok

我囡囡讀緊山景的道教青松小學. 原先都幾好架, 老師好有心機教, 成績進步唔少.

可惜轉左全日制之後, 返學比其他全日制學校早, 放學又比人遲, 最慘係午餐時間太短, 話有一小時, 實得半小時, 餘下半小時又攪活動...

早幾日囡囡因為胃痛去睇醫生, 醫生話可能食得太急同食後無小休息所引致. 同老師反映過, 原來佢地仲慘, 午餐一小時內, 要處理各樣事務, 午餐時間實得15分鐘...

o係返學時間長, 唔夠時間午餐同午餐後無小休等情況下, 好擔心囡囡會捱唔住! 所以諗住下學期或下年轉校.

多謝大家

yiuyiuhk1127

咁其他同學仔有無咁嘅情況, 會唔會剛開學唔慣, 比多小小時間觀察吓.

我仲唸自行分配選青松, 呢排唸到頭都爆

silviaLok

可能係喇. 不過食午餐時間真係太短, 連食飯都咁趕, 唔可以食得舒服d, 真係有點過份.

有活動係好, 但連食飯時間都剝削, 就似乎唔係咁好喇!最怕係囡囡遲d因為咁而唔想返學, 或者身體有問題就麻煩喇

我囡囡之前成績好差, 小二轉過青松, 成績好左好多(當時未轉做全日制), 所以我相信教學方面無問題.

反而行政方面問題大d, 好似H1N1咁利害, 現在仲要每朝做早操, 增加傳染機會...另外, 轉做全日制後仲要返咁早. 我問過其他家長, 佢地D小朋友都唔夠訓, 仲要應付各樣功課, 大家都覺得捱唔住只係遲早o既事...

湖景邨o個間青松返8點幾, 都唔明點解山景青松要返咁早

shystc

我諗你真係要周圍問吓啦....我囡囡學校都係半小時食飯....餘下時間會係自由活動...可以睇吓書...捉吓棋等...就算唔自由活動...都會要佢哋小休....當然小一初時午膳時間係會長小小...我諗唔少學校都係咁...有D學校仲用黎訓練學生添(合唱團、朗誦等)
anyway我曾經睇過一D資料...小朋友食飯應該約半小時完成...過快同過慢都唔太好呢  

[ 本帖最後由 shystc 於 09-9-12 14:12 編輯 ]

yuyumon

其實,我都覺得早左d呀.
但宜家學校就早放左,都ok啦.
至於,食飯方面,我係學校做過義工派飯,見到d同學仔其實都食得好快,可能,飯量唔多吧!食完飯,仲可以食下自己的水果,飲下檸檬茶,睇下書,我都覺得佢地好叻呀!(.......佢地一年級0乍),我之後都叫阿囡唔好咁me me mor mor..我囡又係慢世魔王 ,宜家叫做OK啦,可能大D啦.
至於,上堂方面,青松真係唔錯既,校風夠嚴,老師有心,各方面都唔錯,我囡好鐘意返學,成績都有進步.
係返學早左D...7:45.

[ 本帖最後由 yuyumon 於 09-9-11 17:22 編輯 ]

silviaLok

原帖由 shystc 於 09-9-11 16:42 發表
我諗你真係要周圍問吓啦....我囡囡學校都係半小時食飯....餘下時間會係自由活動...可以睇吓書...捉吓棋等...就算唔自由活動...都會要佢哋小休....當然小一初時午膳時間係會長小小...我諗唔小學校都係咁...有D學校仲 ...

唉!咁你囡囡間學校都好d丫! 青松係半小時食飯，跟住活動係強制性，唔可以唔參加 食完都無得休息下

silviaLok

原帖由 yuyumon 於 09-9-11 17:18 發表
其實,我都覺得早左d呀.
但宜家學校就早放左,都ok啦.
至於,食飯方面,我係學校做過義工派飯,見到d同學仔其實都食得好快,可能,飯量唔多吧!食完飯,仲可以食下自己的水果,飲下檸檬茶,睇下書,我都覺得佢地好叻呀!(....... ...

我囡囡都可以半小時食完，不過無得休息就要去活動...

全日制黎講真係早得滯喇，湖景間青松返0815

shystc

原帖由 silviaLok 於 09-9-12 00:30 發表


我囡囡都可以半小時食完，不過無得休息就要去活動...

全日制黎講真係早得滯喇，湖景間青松返0815

唔知你囡囡午膳後活動係乜呢...若果係動作大既運動類就真係唔適合啦...若因此引致胃痛...可試試向學校反映囡囡情況...睇吓學校可否安排其他活動....

yuyumon

聽我囡講,午膳後活動係睇下圖書,捉棋,睇DVD,TV呀,有時睇下同學表演...唔會做運動WOR.

emmyfok

可唔可以請醫生寫張醫生紙, 同學校講暫時唔參加飯後活動呢?
課外活動都唔係好重要啫, 又唔係永遠唔參加, 胃病好番咪再參加囉, 我相信可以同學校傾下。