阿仔不肯上學去...煩到想死!!!

Octopusma

唉, 完全同病相憐, 我好明白你既感受, 外人根本唔會理解, 打鬧對呢類小朋友係冇任何幫助, 只會令佢更激烈, 真係要幫佢冷靜落黎先可以再同佢講解...
但你既情況比我更壞, 起碼我個仔冇話要死, 似乎學校既配套未完全幫到你咁...

我個仔又係岩岩升小一, 仲要係一開學幾日就幫佢轉校, 所以適應上又多一重問題, 頭一星期雖然都有多少扭計但都好地地日日自動自覺上校車, 點知第2星期上完一堂普通話堂就話好驚, 佢話老師鬧佢上堂睇手冊仲舉高佢隻手搖佢, 跟住打風放左一日假, 16號返到學校緊張到肚痾, 返左屋企後乜事都冇, 17號一早直頭又痾又嘔, 俾佢休息一陣都夾佢返學校, 返到去都係做場大龍鳳, 堅持星期5先返學, 之後既一星期都係咁樣癲, 又訓學校大門地下, 又大喊大叫, 又掉手冊落垃圾筒, 班主任, 社工同訓導主任都一直幫助跟進緊佢, 當佢冷靜後堅持要佢入番課室, 好彩佢每次冷靜完都能夠專注上番堂, 但每朝返學就扯大纜咁扯上車, 今朝返到學校仲唔肯落車, 3個大人先抬到佢落車, 仲踢同咬幫手既人, 唉....

學校有社工跟緊, 我媽幫我去搵左社處社工再傾, 佢聽完話佢既情況不論佢係唔係, 我暫時就當佢係資優去處理, 花多幾倍心力去照顧佢就必然既事, 但叫我搵學校社工寫紙俾我去政府幫佢check, 話因為之後政府俾到家長既資源可以俾到我地好大幫助...

唉, 我淨係知每朝早我都好似癲婆咁響街度扯個仔上車, 外人真係唔會明白發生咩事囉...

原帖由 hannah616 於 09-9-10 18:47 發表
阿仔今年升小一,
佢第2日又話怕這樣怕那樣,
怕去toilet,又話怕老師,不肯返學,
我們每日都用盡九牛二虎之力將他送上校巴,
但去到學校又不肯去課室,
嚷著要返屋企,
學校只有帶佢去library,
結果7日後,佢d恐懼感增加了, ...

Octopusma

我唔知個仔係咪資優, 我冇去test, 點樣情況都係要教, 我只知社工, 心理學家我都見, 邊個俾到意見我, 可以有幫助既就去嘗試, 只要一天比一天好d, 就安樂了...

原帖由 wisekid2007 於 09-9-29 16:44 發表
這些跟本同是否資優完全沒有任何關係, 而是心理與精神健康問題, 應盡早找 CP (臨床心理學家), 有時可能要轉介至精神科醫生治療。

Octopusma

多謝你既意見, 我一心都想係搵心理學家既, 因為老公既堂細佬係醫生, 佢知道我地情況都叫我搵心理學家睇睇, 依家都等佢俾資料我, 只係我地知社處有呢個服務咪去社處分區中心搵社工, 將情況講晒佢知, 想佢轉介囉, 佢聽晒小朋友由細到大到上小學情況後, 俾既意見係佢唔關心理問題事, 叫我地將小朋友情同學校社工講, 叫佢寫紙轉介去做TEST, 但根本就解決唔到依家存在既問題, 既然社處既資料唔肯俾我, 即係要自己俾錢, 我咪只好打去港大同埋明愛定庭服務搵心理專家傾喇...

我又要返工, 只能約到星期6, 但對方又未有期覆到我, 呢一刻我只能信社工同學校啦...

原帖由 wisekid2007 於 09-9-29 20:41 發表
社工的訓練不足以處理你仔仔嘅問題, 但可協助轉介心理學家，你應立刻行動, 找心理學家。跟本冇需check 是否資優，是否資優限本與你所描述嘅行為關係不大, 知道是否資優對解決問題也幫助不大，不是以為是資優就可以有excuse ...

Octopusma

wisekid2007, 多謝你既意見!!
我打左去小童群益會, 社工好詳細既解釋同分析, 正如我所講, test唔test資優都解決唔到當前既問題, 梗係搵心理專案去睇佢啦, 因為佢地果度太full, 佢都建議我盡快處理, 所以俾晒資料我去約見專家...

阿仔係響學校俾老師搖過佢隻手之後變得咁驚, 而引身到佢依家一聽到話返學就驚, 但並唔係完全唔享受返學, 因為佢好開心咁要我陪佢玩教書扮老師遊戲..

我都有睇過書同網上資料, 了解資優小朋友既特徵係點, 我唔係專家我唔認定自己小朋友係資優, 但都係果句, 依家最重要係見心理專家睇佢有冇其他情緒病之類, 要唔要做TEST心理專家會有建議俾我架嘛, 都唔明社處個社工點解會話唔需要見心理專家, 佢將個波射番俾學校社工唔想開FILE者.... 嘿...

原帖由 wisekid2007 於 09-9-30 15:28 發表
那個社工真是不知所謂, 怎會不關心理問題!

你小朋友不肯或害怕上學, 一定是心理問題, 而問題是怎樣或為何產生這個心理問題, 例如過到受驚。同一件事情, 不同小朋友會有不同情度嘅反應。

心理學家會詳細分柝嘗試 ...

Octopusma

你講得非常正確, 雖然曾經不止一次有人向我提及資優既問題, 但我都冇行動去做test, 就係覺得唔需要, 我去社處亦係想佢轉介去心理專家度跟進, 估唔到結果係咁令人失望者...

同小童群益會既社工傾完, 亦響網上睇左好多資料, 了解多左我依家應該要點做, 同小朋友傾得有技巧左, 了解佢心結多左, 依家理解佢都可能有ADHD既情況, 黎緊幾日會見精神科同心理專家等, 希望方向會更明確同實在, 自己放鬆d先可以對阿仔冇咁緊張, 我直接影響埋佢....

我已經唔可以再轉校, 因一開學我就幫佢轉左校, 原因我已經唔想再提了, 只能講句, 如果我及發現問題, 早d幫佢去做TEST, 了解佢是否ADHD既話, 我真係唔會咁輕易幫佢轉校令佢咁受傷害, 我自己都已經好自責, 但呢一刻我唔可以再望番轉頭, 一定要盡力同阿仔面對前路, 解決問題~~

原帖由 wisekid2007 於 09-10-2 13:31 發表
從你的描述, 很明顯是跟我的小朋友一樣是在學校嚇親, 所以不肯上學, 我的小朋友經我們心理輔導後, 雖然肯上學, 但表現出 withdrawal and act out (i.e. 即完全不投入課堂, 經常自己離開班房)。 我們多次被老師甚至級 ...

[ 本帖最後由 Octopusma 於 09-10-5 14:48 編輯 ]

Octopusma

啊, 已5間?? 你也辛苦了...

我只係聽過多方面既意見, 都一致叮囑我唔好再隨便轉校, 特別係小學, 因為會為小朋友帶來更不可估計既影響, 所以我呢一刻咁肯定我唔可以轉校, 或者我都太過否定左將來既變化了, 響kg時阿仔有同學既哥哥亦有嚴重情緒問題, 以我所知佢小學都轉左2次校, 第3間先叫做配合到佢既需要.

唉, 真係當局者迷, 如果當我發現學校原來根本唔願意或無能力配合我小朋友既需要, 相信我亦唔會坐以待斃, 真係多得你一言驚醒....

原帖由 wisekid2007 於 09-10-5 15:29 發表
不知道你為甚麼如此肯定"已經唔可以再轉校", 你唔想再提亦無不可, 但希望你想清礎, 不是間間學校都可以或願意配合個別孩子的需要, 在小學階段, 小朋友最易受學校影晌, 為小朋友長遠利益著想, 找一間夾到小朋友嘅學校 ...

Octopusma

小二? 交唔到作文要留堂?
其實香港教育, 始終都仲係非常田鴨....:cry:

原帖由 janetlam74 於 09-10-8 02:56 發表
看完你們的對話,真係感同身受
我的小朋友對返學有些怕,返到學校門口常說很驚!!!
唉............一上小二功課開始多,作文堂上交不到要留堂,
佢聽完驚到現在..........初初小一和開學都開開心心,
現在我見到 ...