2009-10 NCA pm 家長

mrs.aj

今日收到手冊,老師叫我交回聖經工作紙,並填上顏色,我都唔知我到底欠交邊張?
視像電話(因父及子及聖神之名)個張到底洗唔洗交?定係有個心,仲要貼小朋友張相個張?

mrs.aj

我兩張都未交,真失禮,但佢寫係親子活動,唔係工作紙,我真係唔知要交,以為係屋企玩

mrs.aj

我想問下其實談話課開始左未呀? 幾時開始? 係咪每個星期一都會交?  我見手冊又無寫,我無做又無摧我做, 我呢個阿媽真係咩都唔知, 仲有, 又係班主任今個月會打比我地傾計, 大家收到電話未?

mrs.aj

係呀!好似兩本英文書都收左呀! 咁大家有無準備談話課?

mrs.aj

我唔讚成去海洋公園同迪士尼wor,因為咁大,又咁多人,去到都係分開玩,無咩意思,我覺得最好係去會所d playroom玩,細細地,佢地自己玩,我地媽媽自己傾!

mrs.aj

九龍站好似方便d,地點有啦,跟住就係時間!星期六下晝我地都有野學,要星期日先得.

mrs.aj

呢幾人個日子我都仲坐緊月,未出得黎,你地玩住先啦!

mrs.aj

你地後生呀!我高齡啦!我前日去診所覆診都行到好似隻龜咁,試問點出黎呀! 文心病左?我女女都係呀,無返左成4日學,聽日都應該返唔到, 今次d菌好犀利, 餵佢食藥, 真係咩法寶都出齊! 我要坐到11月中呀! 唔好等我, 我join 下一次啦!

mrs.aj

你地玩得開心d,11月中尾再搞過,就預埋我啦.

mrs.aj

玩完啦!玩到幾點呀?d 細路開唔開心呀?其實我都好心思思想叫daddy帶女女出黎玩,不過我相信daddy一定唔肯,下次係幾時呀???我地好想join呀!

mrs.aj

大家收唔收到同學仔既生日會邀請呀,我女女好想去,仲諗緊買咩比佢做禮物,但係星期六下晝佢有野學呀!所以應該唔去!
如果比我選下一次聚會日期,不如22/11(日)啦!不過咁長遠既事,可以到時再傾既!

mrs.aj

灣仔司徒拔道,我估係d私人大廈會所.
前一日學校已經開生日會,所以我地決定左唔去啦!
有一樣野想問大家,你地有無咁乖個個星期同小朋友同大小肌肉訓練本野呀?其實我無做呀!會唔會好衰呀?

mrs.aj

上午班居然有位轉呀?係咪即係有人走?咁我地pm班咪可能有新生lor!

mrs.aj

我個女話已經有新同學仔坐左蔓翹個位啦!

mrs.aj

今日收到老師張字條,叫我交「家庭生活德育實踐觀察檢核表」,到底咩黎?有無派呀?點解我未見過既?

mrs.aj

我女女扮羊,佢話無野要講,淨係咩咩聲!

mrs.aj

我個女話文心做牛要行嚟行去,佢做羊就要同李老師跳舞,嵐嵐做聖誕老人要派晒d禮物,有d同學做觀眾,佢講既野唔知有幾成真!!

mrs.aj

仲有呀,收到好多同學仔既聖誕卡,你地有無諗住送呀?我之前無諗呀,佢自己又唔識派,咁老師要幫佢派咁多張咪好忙?

mrs.aj

睇左隻聖誕表現既碟，班傻豬都做得唔錯，我個女日日係度煲碟,一路睇一路笑.