Sacred Heart 聖心收St. Cat 學生多唔多?

Bon_Bon_Pa_Pa

如題，Sacred Heart 聖心收St. Cat 學生多唔多? 因聽人講聖心喜歡收SC學生，但我奇怪聖心小學收差唔多100%收哂自己幼稚園學生，重有幾多位俾出面。又唔多聽SC啲父母提聖心，大家有料請告之。

MARSTEN

讀聖心幼稚園既小朋友好多都唔會讀番聖心小學,而且聖心小學又只有好少部份人入得番聖心中學,而家都唔係太多家長鍾意讀聖心架啦~因為佢比起出面既小學少好多多元化既活動,使學生係思考方面較弱,一句講哂唔係活動式教學

原帖由 Bon_Bon_Pa_Pa 於 09-9-25 10:47 發表
如題，Sacred Heart 聖心收St. Cat 學生多唔多? 因聽人講聖心喜歡收SC學生，但我奇怪聖心小學收差唔多100%收哂自己幼稚園學生，重有幾多位俾出面。又唔多聽SC啲父母提聖心，大家有料請告之。 ...

polarbb

我個女係普通幼稚園,今年都收左佢.

beaclem

你講錯!

聖心幼稚園都幾多小朋友都會入番聖心小學, 唔信你可以去聖心幼稚園度睇下, 如果唔係諗住入聖心, 做乜要讀佢既幼稚園? 讀佢既幼稚園, 就係因為有得入小學

其實你有無乜野數據支持你話讀聖心小學好少人入到中學呢?

我話你知, 我個囡就係由幼稚園讀到上中學架啦, 小囡今年聖心F.2, 我囡當年聖心小學下午校就有120人入英中, 當然大部份人係入聖心 (5班, 每班約38人計), 上午校都有幾十人入聖心, 咁算唔算你話既好少數人呢?

就算係今年升中, 下午校都有100人入英中, 當然又係大部份入聖心啦, 上午校成績重好, 唔信你可以入學校網頁睇下

至於你話聖心思考方面比較弱, 我就唔係咁同意, 佢地都有做專題研習, 小五、六重有得出國去交流, 以我"用家"既睇法係, 幼稚園同小學佢地唔會因為自己係名校, 就等運到, 可以講話佢地會做到與時並進

中學部由一年級開始已經讀通識, 我都有見過其他名校既書單, 暫時發現只有聖心有通識讀(不過, 我都係睇咗兩間名校啫..... )

所以, 如果不是有憑有據, 請不要胡亂猜測

原帖由 MARSTEN 於 09-9-25 14:29 發表
讀聖心幼稚園既小朋友好多都唔會讀番聖心小學,而且聖心小學又只有好少部份人入得番聖心中學,而家都唔係太多家長鍾意讀聖心架啦~因為佢比起出面既小學少好多多元化既活動,使學生係思考方面較弱,一句講哂唔係活動式教 ...

babycherry22

原帖由 beaclem 於 09-9-25 16:42 發表
你講錯!

聖心幼稚園都幾多小朋友都會入番聖心小學, 唔信你可以去聖心幼稚園度睇下, 如果唔係諗住入聖心, 做乜要讀佢既幼稚園? 讀佢既幼稚園, 就係因為有得入小學

其實你有無乜野數據支持你話讀聖心小學好少人入到 ...

我估會不會講下是邊間聖心，
我估佢話的是大圍的聖心
你講的是嘉諾撤聖心

不過，大圍的聖心是好多人喜歡(夠傳統，k1已寫字)
亦有好多人不喜歡，(因視學報告麻麻-指幼稚園)
所以間間學校也有獨特之處，又人又鍾意人少的學校^^

Bon_Bon_Pa_Pa

我想問嘅係嘉諾撤聖心，係唔係都收好多St. Cat.幼稚園的學生。

polarbb

佢地係收返好多自己幼稚園學生,我個女係後補位收. 不過我朋友早我一年,佢個女都係普通幼稚園,又係後補位收左,佢宜家讀緊2年級

MARSTEN

唔好意思,我以為你講緊大圍果間,因為有兩個親戚都係係果度由細讀到大,所以先討論下

原帖由 beaclem 於 09-9-25 16:42 發表
你講錯!

聖心幼稚園都幾多小朋友都會入番聖心小學, 唔信你可以去聖心幼稚園度睇下, 如果唔係諗住入聖心, 做乜要讀佢既幼稚園? 讀佢既幼稚園, 就係因為有得入小學

其實你有無乜野數據支持你話讀聖心小學好少人入到 ...

Tinko

嘉諾撤聖心小學分上午校（私立）和下午校（津貼）兩間獨立運作的學校。根據08/09學年的小一學生人數，私立和津貼分別都是收了148人，即共296人。嘉諾撤聖心幼稚園上下午班的K3學生只有約180人，當中還包括不可能升回原校小學的男生，所以即使所有聖心幼稚園女生都進了原校的小學，聖心的私立和津貼還可合共取錄超過百多名他校申請人，數目比一些學校的整體收生人數還多。

當然，聖心下午校是津校，收生須按政府機制，完全譚不上喜歡或不喜歡收某一校學生，純粹視乎分數和運氣；上午校是私校，有收生自主權，也因此對自已幼稚園女生百份百優先，但卻未聽聞過對其它個別學校有特別偏好或抗拒。

至於教學模式，上午校學術程度比正常深，較“谷”；下午校較著重學習過程，讓學生透過具體的學習經歷建構知識，較接近活動教學。但下午校因要受政府派位機制規管，學生程度難免較上午校參差。

beaclem

Oh! Sorry, 我都應該問下先, 原來一場誤會, please forgive me

原帖由 MARSTEN 於 09-9-25 22:42 發表
唔好意思,我以為你講緊大圍果間,因為有兩個親戚都係係果度由細讀到大,所以先討論下

花花公仔

So, anyone know the format of interview for am class? by oral or written, English or Mandarin?

Tinko

我不清楚嘉諾撤聖心小學am面試既具體形式，但相信佢地會喜歡較文靜和專心既女仔，始終am既課程較intensive同學校較傳統。

因為大多數聖心幼稚園的學生都會報am，而佢地又無需面試就被取錄，但呢d被取錄既有部分又會報pm，有部分又會報非同類型學校，有部分又會報同類型但要求更高既學校，所以最後am會有好多被“霸”住既位會空番出黎。

我既意思係，因為嘉諾撤聖心幼稚園既學生有好多選擇（am同pm有意無意地爭緊佢地），最後一定有吾少位收其他學生。所以，只要你認同佢地既辦學理念，又認為囡囡適合佢地既教育模式，無論am pm都係一間較“易入”既好學校。至於面試形式，我認為無需太在意。